(داخلا من لباب او كتغوت):ماما ماما فينك
زهرة : نعام هانا في لكوزينة (بشات كتجري لعندها باست ايديها )الله يرضي عليك ابنيتي سيري لبيت باش نجيب ليك لغدا
سارة : واخا اماما نعاونك
زهرة : لا غير سيري الله يرضي عليك
بشات سارة كلست في سداري كتسنا مها تحط لغدا خدات تيلي ديالها تبانتليها زهرة جايا او فيديها طبسيل طوس فيه لمرقى حطاتو او رجعت جابت لخبز او كلسات حدا سارة
زهرة : بنيتي صوني على باك شتو تعطل
سارة : مم اه بصح (هزت تيلي ديالها صونات عليه او هو يجاوبها : الو سارة
: الو بابا مالك تعطلتي
:لا والو هانا جاي في طريق
قطعت عليه او بقاو كيشوفو في داك لمرقى تسمعو دقان
سارة : انا غنحل
ناضت حلات بانليها باها هاز في ايديه ميكة ديال ليمون هزتها عليه او باست ايديه
أحمد(بات سارة) : سلام بنتي
تسريع الاحداث
تغداو او كلس أحمد حدا سارة او باين بغي يقول شي حاجة او سارة حسات بيه
سارة : بابا يكما بغيت تقول شي حاجا
حميد : اياه ابنتي (بطا كيعيط على زهرة او هي تجي كتجري )
زهرة : اشنو !
حميد : والو بغيت غير بغيت نقول ليكم شي حاجا او مختصة بسارة
سارة : (باستغراب) الله يسمعنا خبار خير
حميد : خير خير معا لعشيا غيجيو في لخطاب
سارة :(باستغراب)او شكون هادا ؟!
حميد : ولد لحاج عبد الله جا لعندي مني كنت في لكاراج او دوا معايا راه غيرحلو لسلا او تما فين غتسكنو الا قبلتي طبعاا
زهرة : شكون فيهم ؟!
حميد : سمير
زهرة:سمير لكان خدام في المقاطعة لحدانا !
حميد : اه هو هداك راه تحولت ليه لخدما لسلا او غيمشي وراه ناوي لحلال او راك كتعرفيه ابنتي ولد ناس او عائلة الحاج عبد الله عائلة ميسورا او غيعيشوك حسن منا !
سارة: (ببرائة) دغيا سخيتو بيا ياكو
زهرة : هه اويلي على سارة على لواحد كيسخا بناوارة دارو ولكن ابنتي هادا مستقبالك نتي لتقري!
سارة : ممم فهمت صافي كوليهم ايجيو هه
يلاه سمعت زهرة هاد ااجملة او هي طلق واحد تزغريت زعزهت بيها دار
صافي ناضت سارة او هي كضحك مهم دابا جا وقت نعرفكوم بسارة احم احم سارة بنت عندها 20 عام زوينة عينيها عسلين فورمتها عاديا مهم هي اية في لجمال خرجت من ثامنا على ظروف لكيعيشو عندها غير ماماها او باباها صافي او معا ليام غتقلب حياتها 180 درجة
دخلت قادات راسها لبست فراشة بلموف او زيف بيض بشات لبيت بقات كالسا شحال شدات تيليفونها نوكيا تخربق فيه تسمعت دقان تقادات في لكلسا او كتسنا في ضياف ايدخلو .. تبان ليها لحاج عبد الله داخل لابس جلابة بيضا او موراه سمير لابس جلابا صفرا هاز في ديه جوجو فوالب سكر معا نوار نعرفكوم بسمير ولد على مكيقولو ضريف عينيه كحلين او مشفرين بزاف او هادشي لكيزينو او عندو لحية خفيفا عندو 25 مهم عندو زينو ديال بكري عندو خوه سميتو محسن عينيه عسلين او شهب زويننن هو من ناحية زين حسن من سمير مزوج او والد دري عندو 13.عام مساكنيش معا لحاج حيت مطلقا مرا مرا كيجي ولد محسن (سعد) عند لحاج يشوفو اما مهوم ماتت كان جاتها سكتة قلبية مني عرفت ولدها دخل الحبس يعني محسن هاد الاخير لكيتعاطا المخادرات او لكارو او شراب (شمكار ) مهم دخل سلمت عليهم او كلست حدا مها او طابلا قدامها
فيها صينية ديال اتاي او بغرير او لمسمن او لفقاص صافي بقاو كيدويو هضرا دي هضرا
تقال لحاج : اوا راكم عارفينا لاش جيين راحنا طالبين راغبين في ايد بنتكم لايد ولدي سمير على سنة الله و رسوله
حميد : مرحبا بيكم و لكن هادشي كيبقا لعروسة واش قابلا او لا (ضار شاف في بنتو ) سارة واش قابلا تزوجي بي سمير على سنة الله ورسوله
سارة :(تزنكت او حشمت او طلعت معاها سخونية) قابلا (قالتها بصوت منخفض )
زهرة : روروروروراي (زعما راها تزاغريتاهه)
اوا باركو لبعضيتهم كالو ما قسم الله او بشاو او دارو بلي هادي خطبا بلاما يكثرو او لعرس في شهر جاي
يتبع..
أنت تقرأ
اغتصبني اخي (بالدارجة المغربية)
Actionهاي ✌ ليوم جبت ليكم احسن قصة او اروع قصة عندي جزء اللول حقيقي (قصة سارة "الام" ) جزء الثاني (قصة زينة "البطلة") مهم مجموع فيها الدراما الرومانسية او الأكشن او .. قصة طوب طوبات نتمى تنال اعجابكم $مقتطف من القصة$ دخلت قادات راسها لبست فراشة بلموف...
