.#كرونيك_سهيل_وشيراز ***💑 💖 قصة حب 💖💑***

6⃣

الحلقة 6 شيراز مايكون غير هو لي دارهااا معندوش إنسانية وقتاش يفهم بلي ربي كتبلهاا تموت ماشي انا لي قتلتهاااا  بففف كرهت و دوك واش ندير ..بابا مريض و ماما مسكينة هي لي تتهلى ف بابا و ختي صغيرة تقرى ..لازم نلقى حل  راحت للدار تبكي  يماها:بنتي غير لخير شبيك شيراز:خرجت من لخدمة يماها: وووه و كيفاه نعيشو دووك عبالك كنا تاكلين عليك و مين نجيبو دواا تاع باباك شيراز:عنقت يماها والله معرفت واش ندير  اول مرة نحس روحي عاجزة يماها:خلاص بنتي متقلقيش روحك  دوك ربي يعمل تاويل و دووك احكيلي شبيك عندك مدة و نتي  ماراكيش مليحة شيراز:مرانيش حابة نوجعلك راسك يماها: كي متحكيش ل يماك لمن تحكي شيراز حكات ليماها و دموع ف عينيهااا يماها:هدا كامل صرالك و انا معنديش خبر خلي نروح نحكي معااه شيراز: مستحيل نعيش تحت رحمتو انا درت لي عليا و طلبت سماح و هو محبش يسمعلي يماها: عندك لحق بنتي و خلي تيقتك ف ربي كبيرة سهيل: قاعد ف دار يشوف ف تصاور مرتو و سكران كيما لعادة .....هدا والو لي رآه يسنى فيك كتر من لي جاز عليك