صغيرتي كالشمس 😍🌞

البارت الخامس ❤

مصطفى....هاي مها مترتاح ال تخرب بينهم ....خليت سلام يطلع نزلت وصحت فنن ...فنونه عيوني جاي
فنن...صارسويتله جاي وكلي كعدي يمي احجي وياج مدام امي ماكو ....اي تفضل
مصطفى...اني مثل اخوج واحنه نتعبر اصدقاء واي شي تحتاجينه كوليلي حتى لوضوجج سلام احجيلي اني اصرف
فنن....دمعت عيني
مصطفى....اني اعرف كلشي سلام ميضم عليه
فنن...انت تعرف شسوه بيها البارحه
مصطفى...اي اعرف وشتكولين حقج
فنن...تعرف بي عده علاقه وطردني من الغرفه بيوم العرس حتى يحجي وياها تدري
مصطفى😳منو كلج
فنن....سمعته بذني وتدري شنو سمعت هم ...سمعته يكلها خلي تولي تسوه عمرها طردتها بيو عرسها وبقيت وياج للصبح ....
متحملت حيل اختنكت لازم احجي وي احد من حجه ويايه مصطفى انفجرت وحجيت كلشي بدون وعي ودموعي تنزل
مصطفى...فشلت من سوايت سلام متوقعتها تدري بعلاقته  الله يصخم وجه النوب سامعته يحجي عليها وي هاي العوبه ...
باعي فنونه انتي حبيبتي واختي الصغيره اريد منج تصبرين وتتحملين فتره ويتغير صيري سباعيه واحمي بيتج وخلي زوجج يحبج وشغله ثانيه ولو بيه خجل ويمكن عيب احجيها بس نصيحه من اخوج اذا تردينه يجي يتوسل لاتخلينه يتقربلج فتره خلي ينشلع كلبه راح يصير عصبي ويصيح عوفي خلي يستوي على نار هاديه واني وياج شنو تحتاجين اني مو جود...بستها من راسها وكمت فشلان من سوايت اخويه ومن الحجي السامعته كلت الي اخلي يتمناها
سلام....طلعت وي مها...بقت تبوس وتحضن بيه

حيل واني منا مشتعله صفحتي هاي كبالي وكلشي ماكو بقيت ابوس واحضن تخيلتها فنن
مها...تعمدت ابوس بيه واسوي طكع بركبته حتى اصيرله مشكله
سلام...رجعت للبيت لكيتهم يتعشون وفنن ومصطفى سوالف وشقه وضحك ....اشرت لمصطفى شكو
مصطفى...شبيك شكو اختي واضحك وياها والله اني هسه عرفة البيت الي ما بي بنيه اظلم هسه عبالك صارت روح بلبيت كلشي يضحك ...
سلام...الله يسعد ايامك يابه
مصطفى...لا يا طايح الحظ هاي شنو ركبتك
سلام...شكو شبيها
مصطفى...روح للمرايه وانت تعرف شبيها ...تبقه طول عمرك غبي
فنن...اباوع سلام ومصطفى على صفحه يحجون بس مصطفى راساً صار عصبي رزل سلام وعافه وصعد وسلام صعد وراه
سلام...اباوع بالمرايه خربيومج مها شمسويه متاكد خباثه منها اعرف سوالفها متخاف من احد ولا تحسب حساب لا احد خابرتها الووو لج هاي ليش هيج  مسويه بركبتي
مها...شمسويه حبيبي محسيت على نفسي مشتاقتلك فقدت
فنن...الوضع معجبني صعدت وسمعت كلشي حجاه سلام بتلفون اجتي بالي حجايت مصطفى فتحت الباب وحسسته اني سمعت كلشي سد التلفون وبقه ساكت اني هم عفته بدلت هدومي
سلام...متاكد فنن سمعتني احجي بتلفون ردت ابرر الها الموقف ما ادري ليش كتله ادري سمعتي بس فاهمه غلط
فنن...رفعت عيني عليه ركبته زركه متت قهر عروس ويخوني لعد من نخلف شيسوي ...كوه لزمت نفسي كتله اسمع يا ابن الناس ادري بيك انجبرت عليه كتلي بيوم العرس بس الي متعرفه اني هم انجبرت عليك ولازم تسمعني زين الي بيني وبينك بس عقد الزواج وسكن واحد شتريد اسوي سوي احنه مثل الاخوه مالك علاقه بيه ولا الي علاقه بيك ابقه بعلاقاتك ونزواتك حتى لو تزوج ميهمني صادق و روح وسوي الي يعجبك لاتفكر ولاتبرر انت ممجبور تبررلي احسبني اختك ....عفته ونزلت واحس نفسي جني ضربته راشدي
سلام...متوقعت هيج راح تحجي ولا توقعتها بهاي القوه بس ضجت طلعت روحي من كلتلي مثل الاخوه يعني علنت الحرب عليه وبعد ممنوع اقربها....مشت الايام واحنه كل واحد ينام بغرفه والليل احجي وي مها وبنهار اطلع لشغلي بس من ارجع ابقه افتر بالبيت ال اشوف فنن احوص عليها تعودت عليها مع العلم صار 3اشهر مزوجين واحنه مافد يوم كعدنه وسولفنه سوه ابد كل مره تجاهلني...
فنن..جنت كل مره اسمعه يحجي وي وحده بتلفون واموت من القهر واكعد ابجي من اختنك كولش اروح اكعد يم مصطفى واحجيله كلشي احس نفسي ارتاح من اسولفله.....
مصطفى..انقهر على فنونه احسها اختي الصغيره كمت اضوج من سلام وتصرفاته و حتى خطيبتي ريم تحبها
ومره ريم كلتلي خلي ناخذ فنن ويانه نطلعها خطيه
مصطفى...اي والله من يوم الازوج مطالعه بس من تروح لا اهلها ....اشوفها واكولج
مصطفى...فنونه وينج ظلعه
فنن...ها حجي هياتين بس لاتكلي جاي ...
مصطفى...اكولج شو اني كل ما اطب واطلع الكيج تاكلين نستله وين توديهن شو ضعيفه ممبين عليج
فنن...اي جسمي يحرك السكريات بسرعه هبوط عدي
مصطفى...شنو يعني
فنن..يعني لازم اكل اقل شي فد 2نساتل على الاقل باليوم مصطفى...واذا ما اكلتهين شيصير
فنن..اتخربط😑واذا فقدت ومحد صحاني ادخل بغيبوه مال سكر او يجلبلي مرض السكر
مصطفى...صدك تحجين
فنن اي والله الدكاتره كلها كالت نفس الحجي بختصار علاجي اكل حلويات
مصطفى...والله ضوجتيني
فنن...وليش اضوج اني مكيفه حتى اكول كل شويه نستله😋
مصطفى...اذا اريد اعذبج اضم النساتل عنج😜
فنن...خويه اذا سويتها انت تبتلي بيها😂
مصطفى..اي والله ...هذا رجلج الاغبر وين
فنن..شمدريني يطب يبدل ويطلع اذا يحتاج شي يسالني عليه اطي واطلع
مصطفى..اكولج هو محاول يتقربلج
فنن..منتبه النفسك صاير ابد متستحي😐
مصطفى...انتي وحده ادبسزز تحجين ويايه هيج متستحين متكولين هذا ولد ممزوج لا اخرب اخلاقه
فنن😳عزه هاي اني
مصطفى...اي اكو غيرج....اكولج تجين نطلع اني وياج وريم
فنن...وين😯
مصطفى ....امشي نطلع والله كريم شوف وين نروح نتعشه لو شوف وين نروح
فنن...اي اطلع ضايجه حيييل بس خاف سلام يحجي
مصطفى...خلي يفك حلكه بحجايه والله العب بي طوبه
فنن...اتفقنه نطلع وره صلاة المغرب ....كل هاي الفتره خاله متدرين احنه كل واحد بصفحه بس منتبه احنه منكعد سوه ولا نسولف واكثر من مره تسألني اكوله لا ماكو شي بس هيه تدري بسوالف ابنها مصطفى حاجيلها كلشي من حجالها سكتت بعد مسألت ....صعدت اصلي المغرب حتى ابدل واطلع دا اصلي وطب سلام على السريع ما ادري شاخذ وطلع
سلام...جنت محتاج فلوس دا اطلع وي الشله مال الكليه اتفقنه نطلع وسجاد ومها ويانه وبعد اكو بنات ثنين ولد 3 اصدقاء كالو نتعشه سوه ...طبيت لكيت فنن اصلي بس عبالك كمر ماكو هيج خلقه بكبع الصلاه وجمالها ...سويت نفسي مدرت بال طلعت بسرعه
فنن...من طب سلام ردت اكله بس طلع بسرعه ....كملت صلاة وبدلت ومكيجت للسي مستور بنطرو وعليها قميص كولش طويل ومرتب من ازوجت كمت البس موديلات حلوه مال عمري خلصت من تحكم ابويه بس لبسي مستور
ومن دا اطلع كلت لازم اخابر سلام اكوله ميصير اطلع بدون علمه دكيت عليه دك رفضه رجعت من جاي نطلع هم دكت

عليه جاوبني مخبوص كتله راح اطلع وي مصطفى وريم كلي واني شعليه مترحين
سلام...جنت كاعد وي مها ودكت فنن استغربت ابد مدك عليه ما فد يوم طلبت مني شي ردت اجاوبها اخذته مني مها ورفضته ضجت وحجيت عليها وزعلت كعدت اراضيها رجعت دكت فنن كالت راح اطلع وي مصطفى وريم كتلها روحي ردت بس اسد الخط واخلص منها
فنن ...مصطفى كال تردون مطعم مغلق لو كازينو كتله كازيون نشتم هوه احسن اخذنه للجادريه مكان حلو ومرتب ..
مصطفى...انقهر على فنن احسها صغيره على هاي المسؤليه بعدها طفله احسها طفلتي اختي الصغيره اباوع عليها فرحانه بطلعه ...طلبنه اكل وكالت فنن حروح اغسل ايدي كتلها روحي...شويه ورجعت ضايجه ما ادري شبيها لونها مخطوف
سلام..كاعدين نسولف ونضحك جان يصيح واحد من جماعتي امداجن انتن بنات وهاي بنيه لك باعو الجمال الرقه النزاكه صديقي الثاني كله اني هيج خلقه مشايف نداريت واشوف فنن الي يحجون عليها صرت نااار كمت افور رفعت راسها شافتني وجنت مخلي ايدي على جتف مها نسيت مخلي ايدي الغيره سيطرت عليه صرت اعصاب
سجاد...سلام شكله حيل تغير وضاج الكعده كلها كالب وجه من شاف هاي البنيه هو حاجيلي مرته طلعت ايه مال جمال وحاجيلي كلشي بينهم شكيت هاي مرته ضربته برجله واشرتله على كيكفك هوه انتبه على نفسه
مصطفى...من اجت فنن هيج ضايجه حسيت اكو شي كمت كتلهم هسه اجي رحت وين راحت فنن شفت
#صغيرتي_كالشمس.tt
》》》البارت 6《《《
كمت كتلهم هسه اجي رحت وين راحت فنن شفت سلام مخلي ايده على جتف مها وكاعد وي جماعته رجعت وعفته بدون ما اخلي يشوفني عرفت سبب زعل فنن وحسيت بيها تحب سلام حاولت اغير الها جو واضحكها وهي كلعاده تحاول تخفي دمعتها...رجعنه وصلنه ريم
بطريق كتلها خلي يولي
فنن...بس حجه مصطفى متحملت طكيتها بجيه كمت ابجي حيل فقدت احس نار  بكلبي اعيط ابجي بصوت عالي اضرب على رجليه اريد ناري تطفه ماكو
مصطفى...بس كتلها خلي يولي هي كامت تبجي بحركه وادك على رجليها حيل طبكت السياره حاولت اهديها بس ماكو فايده حضنتها كامت تعيط بحضني نار بيه نار اكولها بس كافي
فنن..شنو كافي شنو كافي  انت مثل زياد اخويه احسك ولك خويه والله نار بكلبي احس نفسي دا احترك حسيت نفسي نهانت كرامتي
مصطفى،...ماعاش الي يهينج واني مو جود
فنن...ما ادري شبيه من شفته حسيت بكلبي نعصر والدنيا ضاكت عليه اختنكت حيل نار وشبت بيه فهمني شنو هذا الي اني بيه معقوله كمت احبه
مصطفى..دمعت عيني عليها كتلها اي تحبينه واريدج اصيرين سباعيه ومتبيني حبج اله مثل كل مره اريدج قويه
فنن...منين اجيب القوه واليوم حسيت بنفسي شكد ضعيفه
مصطفى..بقت تبجي بحظني نقهرت عليها حيل اختي مهضومه ومقهوره ومظلومه لازم اسويلها شي ....كوه سكتتها
فنن...حسيت نفسي ارتاحيت من بجيت وحجيت كتله يالله نرجع لا خاله يضل بالها ....
مصطفى...رجعنه ومن جاي تنزل فنن من السياره ندارت عليه
فنن...لو ما انت يمي ما ادري شراح يصير بيه
مصطفى...انتي سباعيه مينخاف عليج وباي وكت اني اخوج ....نزلنه وعيوني تريد تطلع اريد الزم هذا الزمال واطيح حظه
فنن...من البجي نسطرت رجعت سبحت ونمت
سلام....طلعنه وصلت مها لبيتهم وطلعنه اني وسجاد جنت مختنك اريد احجي
سجاد..جانت فنن هاي مو
سلام...اي
سجاد...اممم وليش ضجت
سلام...مشفتهم شلون يتغزلون بيها
سجاد...بس الصدك هيه اكثر من حلوه تجذب