فصليتي ام لسان

بارت 4

#فصليتي ام لسان

الكاتبه؛M.H.R

قراءة ممتعه...
لاتنسو التصويت والتعليق ...

"""""""""""🌹🌹""""""""""""
وصعدت الغرفتي.وبعد فترة رحت انه وامي لسوك واشترينه ملابس ومكياج وكلشي واشتريت هماتين ملابس اسود وتراكات..
ورجعت للبيت هلكانه تعب كبل نمت كعدت الساعه ب3اجن خواتي وكعدنه نسولف ويكللي صيري زينه ولسانج اشويه خلي صدك عسل ههههه كارثه كتلهن انتن صدك ماغلط ابوي...
من سماجن ليلى وليليان ثنينجن مثل التفكير وبقينه نسولف....
وامي همه تحجي وسوي هيج وسوي هيج ثاني يوم همه رحت للصالون وعدلت وجهي وشعري نازل جوة خصري طويل وماقبلت اكصه كالت بس الأطراف وكصيته وصبغت كم خصله ماروني على احمر وانه شعري اسود كلش..
فطلع حلو وقررت افرح شويه هيه مرة بالعمر مع انو ماتمنيت هيج اني وجانن خواتي وياي وهمه صبغن شعرهن بس خصل كتلهن انتن همه عرستن وياي نفس اليوم كملنه ورجعت...
للبيت وفتحت شعري واخذت كم صورة بس انه بداخلي مو مثل مضهري الي يشوفني اضحك واسولف بس بليل اشبع بجي....
وصابرة الخاطر امي وبعد فترة الأسبوع اجه بابا وسلمت عليهم وحضنتهم وبقيت امشي وابجي رحنه واجه ويانه عمي ابو فيصل...
وهمه سلمت عليه وتعذر مني علمود فيصل وبعدين ركبنه بالسيارة
طلعنه منا بالسته الصبح لان كالو الطريق بعيد كلش بالعمارة .....

^^^^^^^^^^^^^^^^^^^^^^^

علي:بعد ماكملت الفاتحه وورة اسبوع كال ابوي راح اليوم ايجبون البنيه كتله

-يابنيه قصدك الفصليه
-اي حته تعقد عليه
-بويه المن خذيت فصليه وانه مااعقد عليه الحمدالله عندي مرة وطفل
-جى ياهووو الي ياخذة انه غصب عليك تاخذة وبعد مااسمع كلام

ام علي (سهام):حجي على كيفك اعصابك وانته يمه جى ياهوة الياخذة محد بس انته شمالكم من صبح الله كابين

علي:اي يمه انشاء الله خلي تجي والله كريم دخلت سمر

سمر:شنووو خلي تجي باهي هاي

علي:استغفر الله ربي راح نرجع للدراما عادل الامام

الحجي (ابو علي):الفصليه راح تجي اليوم وعلي
يعقد عليه

سمر:لاااااء مستتتحييييل اخليك تعقد عليه لك انه مرتك وعندي ابنك نسيت لو لاء علي

علي:هاااااا هااا اشتردون اشك روحي بالنص عفت الاكل ورحت لبست حذائي ومشيت للشغل اول مادخلت اجاني احمد..

احمد:ها يخوي صباح العسل
علي:ولك ياعسل مااتكلي صبح مرار

-ها خير انشاء الله اتعاركت وي الحجي
-ولك هاي سمر اتخبلت اشلون راح يجيبون الفصليه وانه أعقد عليه وضلت اصيح عفته واجيت ...