الاحلاحة غلبات سحارة (مكتملة)

جزء 1

📃اللاحلاحة غلبات سحارة📃♠

✍🏻البارت 1✍🏻

يااااو شكون فينا لي مسمعش هااد المثلة"اللاحلاحة غلبات سحاارة "
هاادشي سمعت بيه احلام بزااف قبل متزوج ....حتى تزوجاات عاد عرفت المعنى ديالها ....كيفاش هي غادي تعرف ...وهي تزوجت صغيرة كانت باقة فريعان شبابها...حتا مها ماتت الله رحمها لي غا توعيها وتردها طريق صواب وتفهمها  ....تربت على يد باها الله خليه ليها لي كان ممخصصها من والوا... حتى زواج متزوجش على ودهااا ...باش ميجيبش لي تكرفص عليها ....مي واخا هكااك الام مكانتها كبيرة وتاحاجة متعوضهاااا.....تزوجت احلام براجل الأم ديالو لختارتها ليه ...ههه وعلاش لا وهي باغا خدامة ليها...حيث بالاحرى الراجل ممسوقش ليهااا ودار غي الخااطر لمو ...كان كل نهاار معطل عليها والسهير برا ..هادشي الا رجع ومباتش  برا...كانت ديما كتخاااصم معاه وتغوت عليه ...وهي لي ديما جايباها فضولوعهااا وديما تتقول ليه الا مبغيتينش ندخل فحيااتك عطيني براتي خليني نشوف حيااتي تاأنا....كان ديما كجاوبها باستهزاء
....انا اصلا هااد الزواج من اصلو محاملوش ومبااغيهش غير مي الله سمح ليها بزاتو عليا  قدي مزال ممزوجينش ومزال عايشين حيااتهم مكابن لي كيسول فيهم لا فين جيتي لا فين بتي ....كانت ديما اخلام تنعس بدموعها فعينيها حتى نشفو ومبقاوش بغاو خرجو من عينيها....

#تتمة

هضرت بزااف ودخلتكم دخلة كلهااا حزن وهم ونسيت معرفتكمش على احلام سنها 17 عااام هي الوحيدة عند والديها مها ماتت مني كانت عندهااا 8 سنين رباها باها هي بنت زوينة بيضة وعينيها كبار ولي شافها كتسحروا بزينها ...فاش تزوجت شكاات فراسها واش زوينة حيث زينها منفعهااش حيث راجلها عمرو ما مدحهااا شي نهاار ولا قال ليها بلي راك زوينة .....عندها صحبتها وحدة سميتها اسماء لي كانت ديما فجنبهااا وعمرها ما تخلات عليهااا...مي عدوزتها الله سمح ليها مكتخلي تا واحد يزورها ولا يحي معاها صلة الرحم ولا هي تمشي عند شي حد....حتى طجااات من هاد دنيا ولات احلام كتحس براسهاا فحالا فمعسكر...خاصها تنفد الاوامر ولا يدخلوها الحبس الانفرادي شنو الفرق ياك الحبس حبس ...كانت كتحس براااسهاا لاشيء معندها تا هدف فالحياة...وتتحصر على شبابها لكيضيع ...والعيشة لي متبغيها لعدوك   ولا لصديقك  ... حياتهاكلها مشاكيل هموم لا من ناحية الراجل لي ممسوقش ليها وحااس براسو  ولا الام ديالو لي حارثة عليها وعطياها ضرب الكرفي كل نهار خارجة لها ببلان ....توحل فيها عرام دالعسيل والصابون واخا عندها الماكينة تقول ليها صبني بيديك حنا لاش جايبينك...
وتقوليها علاش انا جايباك باش تقابلي ليا المرايا تزوقي وتخرجي وانا نصبن على  وعدي وسعدي....حتا حااجة معجباها...وقلب احلام حااقد عليها وتدعي الله ليل وصباااح ربي فرج عليهااا وفرحها وهنيها من هاد العيشة....

📃اللا حلاحة غلبات السحاارة📃

✍🏻البارت2✍🏻

حتال الواحد نهار احلام كانت كتصبن اوفقت عند راسها مرا عمرها شفتها خلعاااتهااا...المرا شافتها تخلعت وهي تقول ليها .....لا تخلعيش ابنيتي انا جارتكم ساااكنة تحتكم....قالت ليها سمحيلي معرفتكش....وكيفاش غا تعرفهااا وهي مكتخرج متدرج ....شافتها كتشوف فيهااا...وهي تقول ليها شحال هادي ابنتي ونا باغا نتعرف عليك...انا سميتي عايشة ....شافتها مزال كتشوف فيهااا مدوات متكلمات...وهي تكمل كلامها...بنتي انا ديما تنسمع غواتك واصل حتال عندي ..تتبقاي فيا وملقيت ليك جهد ...الا دخلت غا يقولولي نتي اش دخلك وانا مبغيتش نتورط معاهم فالمشاكيل..وتندعي الله افرحك ابنيتي ....غي قالت ليها هاد الكلمات ...دازو دموع احلام حيث بصح كانت محتااجة لشي حد تخوي عليه قلبها وتشكي ليه همها باش ترتاح ...مسحات ليها دموعهااا وقالت ليها  الا مبغيتيش ابنيتي تعاودي ليا منحكرش عليك وانا غا نتسنى نهاار لي تبغي تخوي عليا قلبك فيه  وثقي بيا  ...نتي مزال صغيرة ومزااال دنيا تعلمك ....شافت فيها احلام وقالت ليها شكرا... ولكن منقدرش نعاود لك سمحيليا...