الاحلاحة غلبات سحارة (مكتملة)

جزء2

📃اللاحلاحة غلبات السحاارة 📃

✍🏻البارت 3✍🏻
من بعد ماخلاتها ونزلات احلام حسااات راسها محتاااجة معاامن تهضر  والمراة تتبان عليها بعقلها وقصدها تدوي معاها ماشي باغا تفلا ودي خباارها ...وعلاش غا تفلا عليها وهي مكتربطها بها تا علاقة ومتتربطاها تا علاقة بعدوزتهااا......

دازت ايااام ونفس المشااكيل عند العكوزة ...حااارثة عليها وممخلياش من جهدها...كيف ديما مخصهااش تشوفهاا جااالسة ديما تنبش عليهااا على الغابرة ...تقول كتنتااقم منها على شي حااجة...تال واحد نهااار جااا لعكوزتها خبار موت خالتها لي سااكنة فوجدة...مشات كتجري وخلاتها هي و راجلها...لي منهار تزوجو  مبقاو بوحدهم الراس فراس ...
فرحاات بزااف احلام واخا بقات فيها لمرا مي هي سباب لي غا تخليهم فراحتهم واخا غي يامات قلال ....كيما كيقول المثل "مصائب قوم عند قوم فوائد"...فكرات احلام فصاحبتها لي جات فبالها باش تجي تجلس معاها شوية حيث عارفة رجلها مغيجيش بكري ولا جا معندهاش تا طيلي باش تصوني ليها ....زعمات وقالت تمشي عند جارة باش تعطيها تتاصل بصحبتهااا...وداكشي لي دارت هبطات  وهي مترددة ...وفالاخير دقاات وحلات ليها  ودخلاتها لقلب دارها ....ومني طلبتها على طيلي مرجعتهااش فوجهها وفرحاات ...حيث اخيرا سيفط ليها الله شي واحد يعاونهاا...صونات لصحبتها ومن شدة الفرحة مسولتهاش على راسهاا وقالت ليها انا غانجي عندك داابا...شكرات احلام الجارة على مساعدتها ليها ...وقالت ليها بلي هدا واجب...عااار الجار على جاارو ...لمهزكش هاد الكتف هيهزك
لاخر ...فرحات احلام بهاد الهضرة وطلعات لدارها وهي فرحانة بصاحبتها لي غا تجي عندهاا...دخلات ديريكت للكوزينة بزربة باش تقاد شي حاجة باش يشربو اتاااي....دازت نص سااعة تقريبا  وتدق الباب وحلات ولقات صاحبتهاا لي توحشو بعضياتهم بزاف  ودخلو لصاالون وحطو حداهم اتاااي وجلسو يتحتو  حيث فترة طويلة متلاقااوش  ومبقاوش على صلة كيف ما كانو وعتادرات ليها احلام حيث متتزورهاش ومكتعيطش ليها وحتى صاحبتها تفهمت الموقف ..

📃اللاحلاحة غلبات سحارة📃

✍🏻البارت4✍🏻

#بلسانهم

أسماء :قولي ليا نت كيف درتي مع شارفة ختى خوات الدار
احلام :باقى هي هي غير ما زايدة فضلمها وطغيانها غيرالموت ا لخلاها تخوي الدار
أسماء: متقوليش ليا ماتت
احلام: من فمك ربي ماتت خالتها ومشات لوجدة
أسماء :عقبال ليها راه طولات بزاف فهاد الدنيا خاص تنقص شويا
احلام: والله ختى توحشتك بزاف وتوحشت الضحك ديالك
أسماء: حتى نت الحبيبة ديالي وامدرا كيف دايرة مع الراجل كيعاملك مزيان شيشويا ولا تاهوا كيكمل ليك داكشي لي كتخلي فيك مو ملي سمعات ديك لهدرة بداو دموعها نازلين غير بوحدهم عنقاتها وقالت ليها:مالكي اصحبتي يكما حتا هو بحال مو دموعها مبغاوش اتحبسو وقالت ليها:لهلا يوريك اصحبتي حياتي عداب حتى حاجة مزوينة فيها  الراجل ممسوقش ليا ولا معتبرني مرتو ولا مو لتعتابرني  خدامة ماشي مرات ولدها ...... أسماء: متبكي اصحبتي ربي كبير ضروري ميكون حل بنت خالتي راجلها حتى هو مكانش مسوق ليها ولكن مها صدقات حادكة جرات ببنتها حتا راجل تقاد عقبال ليك الحبيبة ديالي.
احلام: (على نيتها) شنو ندير حتى انا باش اتقد معايا
أسماء: انسول ليك بنت خالتي ونرد عليك وحتى نت معندك لا تليفون لاولو باش نتاصل بيك غدا ونقول ليك شنو ديري أه حقا وهديك نمرة  لصونيتي ليا بيها ديالمن
أحلام: ديال جارتنا الله يعمرها دار
أسماء:صافي انا غادي نمشي دابا مني غنخرج من عندك لعند خالتي  ونتصل بيك محد شارفة مكيناش ولاكانت شي حاحة نخدموها فهاد اليومين منضنش عكوزتك غادي تجي بزربة وأصلا وجدة بعيدة
أحلام: غير الله استرنا وصافي بدا اظلام الحال وأسماء مشات بحالها وكيف العادة الراجل معطل نعسات احلام حيت كانت عيانة بزاف فاش فاقت الصباح ملقاتش الراجل ولا حوايجو عرفات انه مباتش فالدار ناضت من فراشها تقضي حاجتها صلات ومشات الكوزينة باش توجد ليها شي حاحة باش تفطر حتى سمعات الدقان .....