ايا لبست بالزربة و بقيت نتعلم نمشي بالطالون ما بين ما يوصلو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لمهم جبت شوي روحي ههههه ايا وصلو دخلو و كان إياد **** ايا حرت انا كيفه مودل مشهور كيما هذا جا عندنا و زيد فدزاير ياخويا يا خويا كان يهبل بصح 😂 مزية مجيتش من لجووغ هذاك لي يعشق ماعندي حتى حاجة فلحب
لمهم ستقبلناهم وتعرفنا
ريان : تفضل سيد اياد تفضل هاذي الصحفية بيسان
بيسان هذا اياد نورمالمون مكاش لي ميعرفوش هههه
بيسان : ايه طبعا مرحبا بيك ( بتشناف خاطر باين متكبر ميحلبش)
ايا جينا طالعين فدروج و بومم تحطت على اياد "ربابي ربابي 😂" اي حكمني بعدتو عليا قتلو ما تمسنيش خزر فيا ريان واحد لخزرة قلت ليوم نتحاوز ايا دخلنا درنا لمقابلة انا نسقسي و هو يجاوب وثقيل ميجي يرد حتى ينوض جمل " فكاهة سامطة عمبالي ههه "
كملنا لمقابلة جوايه ل 7 تع لعشية
ريان: حمدلله جازت مليح شكرا ليك ضركا نروحو نتعشاو
انا لتماك تبدل وجهي و فرحت باسكو نمووت على لماكلة ايا قتلهم اييه تخلعو مساكن اياد غير يخزر
ايا وصلنا دوموندينا لماكلة انا جبت نص لماكلة لي عندهم زادو تخلعو ههه
اياد: تقولشي جامي كلات
بيسان: وش دخلك ياك مش بدراهمك
اياد: جيت هنا بش نخدم تزيد تغلط معايا تسمع مالا يرضيها
ريان: بيسان اقفلي فمك سينون تقلعي من لخدمة مسيو اياد سامحنا
ايا وصلت لماكلة تعهم قعدو كلاو كملنا دفعنا جينا خارجين
ريان : بيسان وصلي لاياد لاوتال 5 نجوم اطونسيون ديري حاجة تقلقو
بيسان : بصح تبالي نخدم جوناليست انا
ريان: خلاص مالا شوفي خدمة خلاف
بيسان: خلاص خلاص ضرك نروح
هايا ركبت معاه فطوموبيل غير دخلت طيشت عليا طالون رجليا تنفخو منو هو بقى مشوكي مسكين
بيسان: روح وشبيك حابس
محبش يعاندني ديمارا و انا نعتلو فالطريق هايا وصلنا نزلتلو لفاليزا تاعو ودخلنا للفندق حجزتلو شومبغ من لمخيرين مبعد جينا طالعين ف سانسور مع لعلم عندي رهاب الاماكن الضيقة و المغلوقة مي ريسكيت وطلعت يخي قتلكم ندير كلش على جال خدمتي حكمتني الدوخة مي معليش مزية لي جا لايطاج قريب لمهم وصلت حطيتلو قشو و خرجت
اياد : مرسي
شفت فيه و خرجت
اعطيوني رايكم فلخرطي تاعي ههههه بش نشوف نكمل ولا نو
مزالو احداث يهبلو ❤
