من كسب حب الإخوة عاش أحلى الأزمان
ومن كسب أحبة مثلكم نسي كل الأحزان
اللهم اجعلنا مع الأحبة في جنتك وارزقنا يا ربنا محبتك
اللهم لنا أحباب بالبسمة نحبهم بالود نذكرهم بالشوق نراسلهم
بظهر الغيب ندعو لهم وبالقلب و الروح نحتفظ بهم
يارب احفظهم و اجعلني وإياهم في جنة الخلد نلتقي
مساء النور
الكاتب(عباس الحجي)
الكاتبه(ام امير)
بارت ثاني وأربعون
مرام... فتحت عيوني اجهزه يمي عيوني مغوشه ألم مو طبيعي لساني ثكيل كلش يمه يمه بابا بابا وجع موتتني يمه
رسميه... الف الحمد لله على سلامتج بنتي
هيفاء... سوده عليه تردد باسم امها وابوها اووف عيني مرام الحمد لله على السلامة يمه جبتي ولد مثل كمر صيري سباعيه رجلج ينتظرج جهالج ينتظروج روان بس تبجي تريدج
رسميه... خل اخابر ضرغام سوده عليه كل اشويه خابر اي جاوب ألوو يمه صباح الخير
ضرغام... هلا صباح النور شلونكم
رسميه.. والله الحمد لله مرتك كعدت تعال وليدي الف الحمد لله على سلامتها
ضرغام... ماشي يمه جاي سديت الخط طلعت روان كامت تبجي وراي حضنتها علي وامير يروحون ياخذون البنيه فاطمه يعقدون محكمه اسيل تعالي اخذيها رايح للمستشفى طلعت ضلت تبجي وراي
روان... بابا بابا بابا
ضرغام... اووف شسويلج مثلا تعالي يا روح ابوج
اسيل... أخذها وياك ما تسكت خطيه
ضرغام... وين اوديها المستشفى كلها أمراض اخاف عليها يلا غيري ملابسها أخذها وياي
الاب... هاا ابني طالع
ضرغام... اي والله حجي خابروني من المستشفى كعدت راح اخذ روان وياي ما تسكت
روان... بابا بابا نوح عان
ضرغام.. هههه ماشي روح ابوج يلا اسيل وين صرتي
اسيل... اجيت تعالي اغيرلج هاي ما تقبل ولج شلون وياج
ضرغام... جيبي اني اغيرلها تعالي حبيبي
اسيل... اباوع عليه شلون. يغيرلها ملابس عجبني اول مره يغير لطفل وهيه تباوع عليه وطلع لسانها عابت اني اعلمج مدنك عليه ويبدل ملابسها اشكد حلوين
ضرغام... تعالي اسيل غيري حفاظه ومشطي هل كفشه ولج روان اشوكت اروح على امج هسه وكتج
اسيل.. تعالي كوه غيرتلها حفاظه هههه تكفش بيه ومجلبه بقميص ابوها خاف يروح ولج شعري اخ خرب مو بنت حشا خفت
ضرغام... ولج كافي تعالي يلا ما يحتاج تمشيط هيج احلى فدوه لهل شعر ناعم اخذتها وصعدنا سياره وهيه تصيح وفرحانه
