سأرسل من أريج المسك عطراً..
يفوح إلى الأحباب بكل وادي..
وأنثر بين قافيتي وروداً.. لأكرم من أحبهم فؤادي..
بريد الشوق يخبركم بأني.. أقدركم على رغم البعاد
مساء السعادة
الكاتب(abas hj)
الكاتبه::(ام امير)
مرام.. يحجي ويتوعد قطره رحمه ما عنده شكلي راح اموت على ايد محبوبي الظالم كل الي يصير بيه وأهله ما يدرون بي واني ساكته خاف يذبحني كدامهم وخاف يصدكون كلامه. شنو الي قرابه الي تربطني بيهم كمت على حيلي واني طاقه ما عندي كل هذا الضرب والطفل بعده عايش يمكن يريد يكون شاهد على ظلم ابوه اليه رحت للحمام واستفرغ دم يمكن مريضه مرض ما منه شفاء اتمنيت اموت واخلص من هل العذاب طلعت بدلت وجسمي نحلان وجهي اصفر آثار تعذيبه الي بكل مكان بجسمي وشعري تارس الغرفه نزلت جووا لا ن ودق اجت وتكول جدو يصيحلج نزلت جوا واني طاقه ما عندي للكلام والمشي .. هلا عمو شلونك
الاب محمد.. هلا بنتي الحمد لله ليش هيج وجه اصفر تعالي اكعدي يمي
مرام .لا عمو ما بيه شيء لاتخاف . رحت كعدت يمه والعبره خانكتني اريد احضنه وابجي على صدره واكوله على كل الي صار احسه مثل ابويه اتذكر ابويه وحنيته عليه العبره برأس صدري اريد اشكي همي الهم بس اخاف منه اخاف من ظله وجوده بل البيت يسكن الخوف بكلبي اجتي خاله رسميه الي تغيرت كلش وياي كلهم يحبوني بس ابنهم اجه وعيونه تجدح نار اخاف حتى من ضله جسمي كل يرجف من يتقرب منه وخطواته قريبه عليه اريد احضنه ابجي واكوله اني مظلومه والله بس انت بكلبي خل نسنا كلشي ونربي ابننا والله كلشي ما اريد بس اعيش بظلك صافنه على عيونه اريد اشبع منهن احس روحي ايامي قليله ووهو عيونه. تريد تاكلني خزرني شلني شل بنطرته الي حسيت على روحي التفت على خالتي عمو جان يباوع عليه شاك اكو شي بينا
أمير .. ها مرام شلونج
مرام .. هلا عيني الحمدالله
ميساء... يلا مرام . كومي نسوي عشا كاعده تعالي ساعدينا
مرام.. ماشي تحجي. وياي وهيه مترهيه واني محد وياي كمت ساعدهم واتعشينا اني نفسي ما تريد اباوع عليهم كلهم حبيتهم صحيح علاقتي مو عميقه كلش بس إخوانه يحترموني وخالتي اتغيرت وياي وعمو خطيه يموت عليه شبيدي عليكم ابنكم يريد يموتني واني اخاف وخوفي اكثر هل الطفل شنو ذنبه واباوع على عيونه اريد اشبع منهن وهو يريد ياكلني ياكل ويباوع عليه كل اشويه يخزرني سوه اكل سم عليه كوه اكلت جم كلمه كلش اختنك هو قريب عليه مقابيلي اسمعه يكول بصوت ناصي سم ان شاء الله سم اشكد قاسي اذا تكرهنني موتنتي واخلص واني ارتاح اتعشينا وشربنا جاي الكل تعبانين صعدوو ناموو واني رحت عل جديتي احب داما اروح يمها حضنتها وبستها ونمت بحضنها اريد اودعها بكلبي احجي اسفه بس والله مجبوره اخاف عل ابني نمت بحضنها
