لا تحسب الي جرالي بالهوى كسر الغصن؛ عايش ولو طارت عصافيره

الجزء العاشر

البارت العـ ـاشر
في حديقة بيت ابو اسامه .. 
اسامه كان واقف ويده على الشجره .. واليد الثانيه ماسك فيها زقاره ويدخن ... 
وعيونه تطالع في ماي المسبح .. 
بحزن وهم كبير .. 
غيث جا له ... وقال : الله يالدنيا .. رجعت للدخان ياأسامه من عقب ماتركته ثلاث سنين ... 
ابتسم بسخريه : تركته على يد هاجر.. ورجعت له على يدها بعد .. 
غيث : والله حرام عليك تدمر حياتك ..
اسامه : مابقى لي شي اتحسف عليه .. 
غيث منفعل : اسوم حرام عليك ترجع تدخن .. والله انا لو بيدي اترك التدخين تركته .. وانت بعد ماتركته ترجع له .. 
اسامه يسحب من دخان الزقاره .. وينفخه .. : غيث الله يخليك .. مالي خلق هذره .. ممكن تخليـني في حالي .. 
غيث : على راحتك وانا اخوك .. والله يعينك على بلواك . ..
ومشـى عنه ..
اسامه مسك جواله وكتب مسج .. 
وع ـد ميت على كف الدقايق ينحمل نعشه ..
صبر جاني يعزيني على من فارق عيوني ..
ذرف دمع الوفا واخ ـفى معالم حزنه بدهشه ..
وانا اح ـاول معه اخفي انين الروح بسكوني ..
واردد بيني وبيني : ( ح ـبيبي والله لك وحشه ) 
اذا تسمعني جاوبني ..ترى علتني ظنوني ,,
وارسلها لهاجر .. 
هاجر وهي بين دموعها وصلها المسج ..
وهمست : يابعد عمري وربي واحشني .. 
كتبت ..:
ياخاطـري مايفـيـد الضـيـق والحـسـره
والـحــزن قـتــال لا هـبــت اعـاصـيـره
لا تحسب الي جرالي في الهوى كسـره
الغصن عايـش ولـو طـارت عصافيـره
ياصاحبـي مـن سوايـا القلـب لا تـشـره
القـلـب بـاقـي عـلـى ذكــرى مسايـيـره
مـن قسـوه البـرد عنـدي للدفـا جـمـره
جمـره غضـى تشتعـل بالهـم والحـيـره
احيـان اشـوف الخفـوق يحـب مايـكـره
واجيـب لأجلـه عــذر واقـبـل معـاذيـره

واحيان اشوف الجفا يطغى على صبره
يهـز عــرش الضـلـوع ومالـقـى ديــره
وياويـن قلـبـي بتـرحـل كـمـل السـهـره
مــاراح نلـقـى مــن الأحــزان تأشـيـره

لا تحسب الي جرالي في الهوى كسـره
الغصن عايـش ولـو طـارت عصافيـره
وارسلتها لأسـامه ... 
اسامه يقرى الأبيات ... وعيونه امتلت دموع .. 
تنهد بقوووه : 
ليه الجفـا ياهاجر .... 
قفل جواله وراح الكراج .. ركب سيارته .. 
وطلع من بيت ابوه ..
* * *
كان في سيارته حس انه اذا ماشاف هاجر اللحين راح يجن ...
راح يصيير في عقله شي .. كم يوم ماشافها .. ولا سمع صوتها ..
دق جوالها . .. ماردت .. 
ومره ثانيه وثالثه .. 
وهاجر في غرفتها تشوف الرقم وميته ودها تسمع صوته وتكابر ..
والمره الخامسه ...ردت ....هاجر تحاول تخفي صوت البكي وبهمس : هلا .. 
اسامه ملهوف : هلا بك وهلا بك كثر ماقلبي يدق بسمك ..
هاجر كانت ملهوفه لصوته :وش عند تدق .. خلاص اسامه .. بليز خلني في حالي .. 
اسامه : حرام عليك هاجر .. اهون عليك احس اني بموت .. 
هاجر لاأرادي : بسم الله عليك ياقلبي ..
اسامه : هجور .. ماعاد اتحمل غيابك .. 
هاجر : وأيش المطلوب مني يعني ... 
اسامه : تكفين هجور ابي اشوفك .. 
هاجر : لا .. 
اسامه : مشتاق لك .. واحشتني .. والله احس قلبي بيطلع من مكانه .. 
هاجر : مو ذنبـي ..
اسامه : الله ياهاجر .. عارف ان الكلام هذا من ورى قلبك .. 
هاجر : وايش المطلوب مني اللحين .. 
اسامه : تكفين هاجر .. طلبتك لاترديني .. انا واقف قدام سور بيتكم .. انزلي خلينــا نطلع شوي ..
هاجر : بليز اسامه . بلا مزح .. انت صاحي .. انا اقول نبي نطلق ... وانت تقول خلينا نطلع .. 
اسامه : وربي اللي خلقني ياهاجر .. اذا مانزلتي اللحين لا اروح وادعس في سيارتي وامشي بها 220 واصقع في اول شاحنه تقابلني ... وافكك من وجهي ..
هاجر شهقت : وجع يوجع عدوينك .. لاتقول ذا الكلام ..
اسامه بعنـاد : انا حلفت ... 
هاجر وهي مغلوبه على امرها .. : اوكي دقايق ..
قامت من فراشها .. ولبست عباتها ..
وخذت منديل مسحت عيونها من الدموع .. وخذت شيلها وشنطتها .. 
وطلعت .. نزلت تحت .. 
امها وابوها كانوا في الصاله .. 
امها : وين ياينتي .. الساعه 10 ونص .. 
هاجر باللسـانه : في ستين داهييه .. ماأحد عليه مني .. 
ابوضاري : هاجر اقول اعقلي .. واقضبي ارضك .. وبلاش طوالت اللسان هذي .. 
هاجر : رجائا ً يبه .. انا عندي زوج وهو اللي يحكمني .. وبعد اللي سويته فيني .. مااضن لك حق تعاملني كأب ... 
بوضاري عصب عليها .. ورفع يده لأول مره في حياته .. عشان يعطيها كف ... 
لكن هاجر مسكت يده :: يكفي يبه ... خذت اسامه مني .. وماأسمح لك تاخذ كرامتي .. وعلى فكره انا ماراح اطول عندك في البيت ... لأني موطايقه ذا المكـان .. 
وراحت جهة الباب ... 
وابوها وامها مصدوميين .. 
ولفت الشيله على راسها واللتفتت .. : تطمن يبه انا تربيتك .. لاتخاف علي .. بس اسامه ينتظرني بره .. 
وطلعت وسكرت الباب بقووووه .. 
وابوها حس انه خسرها .. وهو يمووت فيهاااا ..
* * *