بعد مرور اسبوعين ..
اسد ..
بيوم الاجاني جمال ع سالفه ابو احمد رحنا للبيت اعتقلنا بتهمه انو يتعرض لبته بس المصيبه جانت انو لازم سما او ام احمد التشكتي وكوه قنعناهن يشتكون بيووومهااا متتت من التعببب صاير يومي بس شغل وروحي طالعه فد مره المهم بالنهايه اعتقلنا لابو احمد وحاجيته جان مصر ع انو بته ممتزوج جمال مدري شناقصه جمال على كل هذا حجي يفيده لان اصلاً اذا ميطلع جمال ماخذها للبنيه وشارد بشقته ههههه خربيومك ورجعت بالليل بعد يوم جنت هلكان تعببب جنت اتمنى ارجع والكى ايرلا بالغرفه تستقبلني وترحب بيه بسس اوووف كعدت فكرت كلت اني ليش ما اخذ اجازه باجر واروح لبغداد افض السالفه ويا عمي ومرته ونقرر الموعد ايرلا هاي يمي اني احاول اقنعها ادري بيها هاي هسه تريد تفرفرح كلبي بس خليها شويه تدلع علينا ليش لا ههههههه نمت وكعدت من الصبح خابرت ع المدير اخذت اجازه ونزلت جانت امي كاعده هيه وابويه ونور
اسد : صباح الخير
الام والاب : صباح الخيرات
بست راسهم وكعدت
صبتلي امي جاي
اسد : اني اليوم رايح لبيت عمي فراس
ابو اسد بنضره شك : اسد شصاير شو مكابلهم صاير شي
اسد : لا شنو الصاير بس رايح ع مود ايرلا
ام اسد : يلا يمه استعجل اريد اشوفك عريس وتنورنا انت وايرلا البيت
كملت ريوك بست راسي امي وكتلها انشالله يمه
اسد : شتكولون لو نخلي العرس بعد فد اسبوع ترا تقريباً كولشي محضرين
ابو اسد : هاي من ناحيتنا كولشي مخلصين انت هسه مو رايح شوفهم يناسبهم هالوضع لو لا
اسد : انشالله يلا اني طالع
ام اسد : الله يحفظك يمه
اسد : مع السلامه
الام والاب : الله وياك
طلعت وبالطريق خابرت عليها مجاوبت خرب بيومج
خابرت ع عمي فراس
اسد : السلام عليكم
فراس : وعليكم السلام
اسد : عمي فد كم ساعه اني يمكم
فراس :عمي اذا ..
اسد : عمي من نجي رح تعرفون كولشي
فراس : وايرلا
اسد : معليكم اني اتفاهم وياها
فراس: براحتك ابني
اسد : يلا مع السلامه
فراس : الله وياك
اني طلعت من ال٧ وصلت يمهم بدون ما اوكف دقيقه يعني بال٢ الضهر
دكيت الباب طلعلي عمي
سلمت علي بس وجهه بعده ثكيل طبيت للصاله وجانت ايرلا واكفه بالمطبخ دايره ضهرها الي فدوه لذاك الطول
فراس : تفضل
اسد : زاد فضلك عمي
فراس : جنااان
اجت امها من شافتني تفاجئت لان صار هواي مجايهم
كمت حتى اسلم عليها
اسد : السلام عليكم
جنان : هلا بيك اسد
اسد : بدون زحمه بس عندي حجي وياكم
فراس : تفضل ابني للاستقبال
رحنا كعدنا طبعاً انها احسها مرح تغير نضرتها تريدني اغير الشغل ومعاجبها الوضع ونوب صارت السالفه كرهتني بالزايد المهم كعدت كتلهم شوفوا عمي اني سالفتي هيج وهيج ......حجيتلهم كللللل السالفه بالتفصيل
عاد عمي كال والنعم منك ومن موقفك واعتذر انو مجان يسمعلي كتله حقك بس امها كالت
جنان : بس انت كسرتها لايرلا ما اتوقع رح تقبل ترجعلك
اسد : عوفوها لايرلا عليه
جنان : بس احنا مرح نجبرها اذا متريدك تعوفها
اسد : كوه سكتت من كرلت تعوفها .. كتلها عود تمام
كتلهم اني صاعد احجي وياها
فراس : براحتك ابني
صعدت جانت كاعده تخابر وتضحك مدري ويا منو شافتني كولش تفاجئت ووجهها تغير سدت المكالمه بسرعه
اسد : المن دتخابرين
ايرلا : شي ميخصك المن اخابر
اسد : حبيبي احجي عدل
ايرلا : لتكول حبيبي مو حبيبتك اني
اسد : تمام تعاي عندي حجي وياج ع العرس
ايرلا : عرس منو وسوت روحها متفاجئه
اسد : تعاي ايرلا
ايرلا : ع يا عرس تحجي بيبي تحجي وتعلج وتلعب باضافيرها معاجبها الوضع ردت اكوم اكسرها واكعد بس صليت ع النبي وضغطت ع اعصابي
اسد : تدرين حوصلتي مو جبيره لتسوين هالسوالف ويايه وتعاي خلنسولف شويه
ايرلا : بس اني معاجبني اسولف
اسد بصوت عالي : كتتتلج تعاي
عاد اجت كالت من ورا خشمها هاا
اسد : رح اخلي العرس فد اسبوع لان صار هواي احنا هيج لا للسما ولا للكاع
ايرلا : دقيقه دقيقه شنو يا عرس انتي دتحجي عنه ؟؟؟ اسد كتلك ماكو شي بينا بعد تجي تشويلي عرس انت من عقلك
كمتلها لان تجاوزت جريتها من شعرها
اسد : احجي عدل لو افرك حلكج
ايرلا : ااوي اوي شعري
اسد : تحجي عدل لو شنو
ايرلا : يي يي
اسد : المهم عجبج ولا لا العرس بعد اسبوع معاجبج اقرب حايط
وعفتها وطلعت فاير من تصرفاتها شافني عمي كالي تعالي ابقى بس ابددد شنو اكلوني اكل من عرفوا اني متزوج لحد الان حتى احترام مخلولي وصلت حدها ويايه بيومها فولللتتت بعد ماطيق شي بس بقيت لبغداد رحت لشقتي بتت بيهاا .. بالليل دا اريد انام شفتها دتخابر انطيتها رفض ونمت ..
