نبذه ع القصه
اسراء-ولج عبير والله تعبت من هاذ العصبي كل ساعه ويتئمر عليه مليت
عبير-عساس اني المتعبت من اخوه شالع كلبي صدك حسيت نفسي خدامه يتعامل ويايه شكد مليق عابت ابو راس
احمد-منو هاذ المليق وابو راس (بعصبيه)
عبير-يمه بسم الله هاي انته من شوكت هنا وسمعتني شنو حجيت
احمد-من زمان اي سمعت شحجيتي وحسابج بعدين امشي ولي من خلقتي مالي خلكج يلفصليه
عبير-كبر حته كبر شبي هاذ صدك مليق
وهسه
خلي اعرفكم ع ابطال القصه اسراء عمرها 18سنه هيه محبوبه هوايه وام مشاكل ولسانها طويل هيه قصيره ورشيقه وبشرتها حنطيه ع بياض وعيونها كبار وسود وخشمها وسط وحلكها صغير شعرها وسط ومايل للحني
عبير عمرها 19سنه وهيه بت خالت اسراء بس مثل اختها يعني عايشه وياها بنفس البيت معدها اهل متوفين وعايشه عد خالتها من جان عمرها سنه وهيه واسراء روح بروح اسراء عدها خوات غير عبير 3 ولد ثنين حسين وعلي والبنات اماني ومروه وشيماء. مزوجات كلهن معداها هيه وعبير عبير عيونها كبار وصفر وشعرها وسط ومايل للشگار وخشمها وسط حلكها شويه جبير طولها قصيره هيه واسراء نفس الطول تقريبن يشابهن واي شخص يشوفهن عباله خوات توؤم بس بيهن اشياء يختلفن مثل اسراء متسرعا بقراراتها عبير متفهمه اسراء عصبيه وعبير اذا نفذ صبرها تعصب بس مو دائمن اسراء متحب تاخذ النصيحه عبيرتحب تاخذها وطبقها وتنصح بيها غيرها يلا نبدي القصه وياكم
اسراء-عبير عبير عبير
عبير-ها وصمخ شتردين ثولتيني عبير وعبير شنو رايده
اسراء-ضايجه خلي. نطلع
عبير-ع كيفج لا يخلينه اخوج المعقد نطلع
اسراء-اي والله هم ازوج وهم بعده ورانه موتنه شيريد منه هسه غير يلتهي بمرته ويفضنه
عبير- نلصمي يلا ونطمري باجر ورانه كعده من الصبح
اسراء-ع كيفج ليشوفج يكول نكعد ب7الصبح غير ب1الضهر يلا نكعد ههههه
عبير-نامي يلا هههه
نمنه اني وعبير وكعدنه ب1وتفقنه انو نطلع نروح لوحده من صديقاتنه لان حيل ضايجين ف كلنه لامي وقبلت بس كالت لتتئخرن بدلنه ملابسنه ورحنه اني وعبير لبيت صديقتنه وضلينه نسولف لحد مصارت ب5ونص العصر ورجعنه للبيت شفنه شباب يركضون واحنه نضحك
اسراء-ولج عبير هاي شكو بس لا جاي يركضون لان شافونه ميتحملون جمالنه اي عيني فديتنه
عبير-اكلج نجبي واكفي تمدحين نفسج ههه عابت امشي خلي نرجع للبيت. بسرعاء
وصلنه قريب ع بيننه شفنه اكو هوايه ناس واكفه اباب البيت ومن ضمنهم ناس مسلحين ويصيخون ع اهلي خفنه حيل شنو الصاير شلون نروح ندخل وشلون نتقدم كدام هل زلم
اسراء-يمه ولج عبير هاي شنوالناس شسوي بابنه
عبير-ياستار استر ربي شنو صاير ولج امشي خلي ندخل نشوف شكو
