روما بفزع:اي؟ نتجوز؟
اسر بمنتهي البرود:ايوه هانتجوز.
انتي ناسيه اني عرضت عليكي الجواز ، هه!
وقلتلك انتي اللي هاتجيلي وتوافقي؟
روما:لا طبعا مش موافقه ، وبعدين انا كنت بمثل عشان اخلص من الحيوان ده.
اسر:تب ما هو احنا هنفضل نمثل لحد ما كامل ده ينساكي خالص ويطلعك من حساباته.
ووالدتي تتحسن شويه.
روما:وبعدين ، وبعد مانتجوز هنطلق صح؟
اسر:طبعا هنطلق بس اما والدتي تخف وتقف علي رجليها ، وبعد كده نقول ماتفاهمناش ونطلق.
روما بتفكير:تب اديني اسبوع ، او سنه ، او اقولك اديني عشر سنين افكر واقولك.
اسر بغضب:انتي بتهزري؟ يكون كامل قتلك وخلَّص البشريه منِّك ، بس والدتي كده هتتعب.
ثم اضاف بعيون حاده:انتي توافقي حالاً.
روما باستهزاء:تب بس بالراحه عشان بخاف وكده يعني.
تب خلاص هرد عليك بكره.
ثم وقف اسر ليلملم اغراضه:ماشي تمام ، يلا عشان اروحك في طريقي.
روما:لا روح انت حضرتك ، انا مش هروح الوقتي.
اسر:نعم يا اختي؟ مش هتروحي الوقتي؟
الساعه 2 بليل ، اومال هتباتي بره؟
روما ببرود:متشتغلنيش! انت هتفكر نفسك سي السيد يعني وكده؟
انا كده كده مش هروح الوقتي.
عايز تتفضل معايا عادي مفيش مشاكل! لو هتروح ، الف سلامه.
اسر جلس مره اخرى:سي السيد؟ ومشتغلكيش؟ اعدلي لسانك بدل ماقطعه.
روما بتجاهل وهي تنادي للنادل:لو سمحت.
النادل:اهلا بيكِ يا شبح.
روما وهي تسلم عليه كالرجال:وحشتني ياض فينك من زمان؟
اسر متدخلاً في الحوار:معلش هقطع اللحظه السعيده دي ، ثم اضاف بغيرة واضحه:مين ده؟
روما وهي تقدم النادل لاسر:ده يبقي كابو.
اسر بقرف:كابو؟ تب غور من هنا هاتلي 2 قهوه ساده.
روما لكابو:متزعلش يالا ، اصله نرفوز حبتين.
كابو:ولا يهمك يا شق ، ها اجيبلك اي؟
اسر بغضب:انت يا حيوان مش انا قلتلك الاوردر؟
روما متجاهله لا سر:هاتلي 1 بيبس يا كابو.
جلست روما بغضب:اي اللي انت عملته ده؟
اسر بغضب مماثل:يعني اي اللي بيحصل ده؟
اقسم بالله ان مااتعدلتي لاكسر رقبتك.
روما بتعجب:يابني اتكلم علي قدك! وبعدين انت لسه عارفني من كام يوم يعني ،
اي بتغير عليا مثلا؟
اسر:لا مبغيرش عليكي عشان مفيش واحد بيغير علي واحد زيه.
روما ببرود:تب كويس انك عارف اني واحد ، يبقي نتلم ونبقي حلوين.
