اعترافات عاشق

جزء ٢

اعترافات عاشق

الفصل الثاني

قبل أن تجيب دخلت والدتها لتبتعد عنه سريعا وتقف خلف حنان وجسدها يرتجف بقوه من لمسته لها ........
حنان : أنا طلبت منها توضب أوضتك على مترجع أسفه لو عملت حاجه ......
جواد : مفيش حاجه يا داده أنا بس اتفاجأت بوجودها هنا خلاص عادى هتعود على وجودها هنا ........
رؤى بصوت ضعيف : أنا همشى بكره هروح عند صاحبتى أهلها عايشين فى الخليج هتسافر لهم بعد النتيجة و أنا هسافر ألمانيا اخر الاسبوع ولما ارتب أمورى هبعتلك علشان تكونى معايا .......
حنان : أسيب مصر إزاى بس يا بنتى كمان مش هقدر أسيب جواد لوحده .....
رؤى : صح مش هتقدرى تسيبيه بس أنا عندك عادى صح .......
غادرت قبل أن ترد والدتها لينظر جواد بحزن لها لقد سلبها كل شئ و الأن يفكر أن تصبح فى عرينه ولكن بشروط لم يفكر فى المرأه التى ضحت من أجله وتركت طفلتها وحيده ........
جواد : أنا أسف يا داده سامحينى ......
حنان : إنت مغلطتش دى غلطتى أنا قصرت معاها كتير ؛؛ إرتاح الوقت ونتكلم بعدين .......
ظل يفكر فى غرفته و أخيرا اتصل بنا رائد ليخبره أنه سيتحدث معها فى الصباح ويخبره بالنتيجه ؛؛ لاحظ إضاءه فى غرفتها ليتجه ناحية الباب ليستمع لها و هى تتحدث مع والدتها ببكاء .......
حنان : إنتى بنتى عارفه إنى أهملتك بس غصب عني كنت لازم اشتغل علشان اقدر أصرف عليكى و أدخلك الجامعه ؛؛ رؤى إنتى بنتى اللى بحبها أكتر من أى شخص فى العالم كله حياتى مقتصره عليكى سامحينى ......
رؤى بدموع : سامحيني يا ماما أنا نفسى نعيش سوا بقى كفاية عليكى كده بتخدميهم عمرك كله و اتنازلتى عن حقك ؛؛ تعتقدى سهل أشوفك بتخدمى فى بيتك المفروض تكونى صاحبة البيت مش خدامه لهم ده ظلم ........
حنان : صدقينى أنا مش مهم عندى أى شئ غيرك من بعد موت أبوكى و أنا انتهيت و كفايه إنهم وافقوا إنى أخدم هنا ........
رؤى : تخدمى فى بيتك أنا مش فاهمه أيه القسوه دى حتى بعد موت والده مطالبتيش بحقك ........
حنان بدموع : لأن ماليش حق أنا اتنازلت عن حقى علشانك و الا كانوا هياخدوكى منى و تروحى ملجأ ؛؛ كفاية كلام عن الماضى خلينا فى الوقت سافرى و رتبى أمورك و ارجعى بسرعه علشان أرفع راسى وأقول للكل إنك بنتى عاوزه أكون فخوره بكى فهمانى ...........
رؤى : أنا اللى فخوره بكى يا أمى ؛؛ عارفه زمايلى كانوا دائما يتريقوا عليه كتير ضعفت بس كنت بقف كل مره علشانك إنتى وبس قبل أى حد تانى ،، أوعدك هنجح و أقول للعالم كله إنك أمى سامحينى ........
حنان : أنا مش بعرف أزعل منك يا بنت بطنى يلا نامى بقى وارتاحى ........
عاد لغرفته وظل يفكر فى الماضى وتذكر حديث والده قبل وفاته و اعترافه له أن حنان شقيقة والدته ولكن أهلها طردوها لأنها أحبت السائق وعادت بعد وفاته و أن والدته من ساعدتها ووقفت معها لينام بعد إرهاق يوم طويل و يستعد فى الصباح للحديث مع رؤى و أيضا أن يغريها لكى تقبل بعرضه لها كانت فى الحديقه تجلس و تقرأ أحد الروايات ليقترب و يجلس مقابلها نظرت له ثم نظرت لروايتها مره أخرى .......
اعترافات عاشق ؛؛
جواد : ممكن نتكلم سوا شويه ......
رؤى : اتفضل ؛؛ خير !!!!
جواد : عندى عرض لو وافقتى عليه هتستفادى كتير .......
رؤى بترقب : اتكلم .......
جواد :  تتجوزينى ..........
رؤى : نعم ، بتقول أيه ........
جواد : أنا مرشح للسفر لبعثه فى ألمانيا ،، لكن فيه شرط علشان أقدر أسافر إنى أكون متجوز ،، جوازنا هيكون على الورق و بعد فتره هنتطلق عادى و بما إنك مسافره ألمانيا هتحتاجى سكن هوفره لكى مقابل موافقتك على الجواز قولتى أيه .......
رؤى بغضب : إنت بتقول أيه ،، شوف واحده من مجتمعك واضح إنى فهمتك غلط ،، الراجل هو هو مش بيفكر غير فى مصلحته ،، عرضك مرفوض بعد إذنك ....
جواد : فكرى فى والدتك على الأقل ......
رؤى : أفكر فى أيه إنت أكيد مش طبيعي ،، هى دى مكافأتك لها بعد خدمتها لك عمرها كله أسفه شوف واحده غيرى .......
غادرت وتركته يفكر ولا يعلم كيف يستطيع إجبارها على الزواج منه لقد تحول لشخص أخر لا يهمه سوى مستقبله لذلك قرر أن ينفذ خطه بديله ،، فى المساء كانت تجلس مع والدتها تتابع التلفاز لتجده يقترب منهم .......
جواد : داده كان فيه أوراق مهمه فى أوضتى مش لاقيها .........
حنان : لا يا حبيبي أوضتك محدش دخلها دور تانى هتلاقيهم .......
جواد : غريبه دورت كتير مش لاقيهم هشوفهم تانى .......
عاد بعد قليل وجلس معهم وعيناه تتابع رؤى باهتمام بينما هى قررت أن تنساه هو لا يستحق حبها ستجعله يدفع ثمن ما تفوه به ،، أخبرت رؤى والدتها أنها ستذهب لرؤية أصدقائها و وافقت عرض عليها جواد أن يقوم بتوصيلها فرفضت اتجهت لغرفتها و ابدلت ثيابها ثم غادرت لم تكن تعلم أنه يراقبها ،، ظلت معهم لمدة تجاوزت الساعتين ثم خرجت و رأته أمامها نظرت بتعجب شديد له ........
جواد : كنت فى مشوار هنا شوفتك وإنتى واقفه ،، اركبى نروح سوا الوقت إتأخر ،، اعترافات عاشق
رؤى بتفكير : شكرا هستنى تاكسى ......
جواد : كفايه عناد الساعه ١١ بالليل و أكيد داده قلقانه عليكى .......
ركبت معه و لكن أثناء عودتهم كان هناك كمين أمني وقف بالسيارة طلبوا منه الرخصه أو اثبات هويه ليخبرهم أنه نسى أن يحضرهم معه حتى رؤى أيضا لم تجد بطاقتها فى حقيبتها ليأخذهم لقسم الشرطه لاستجوابهم .......
الضابط : ممكن أعرف إنتم مين وأيه علاقتكم ببعض ......
هتف جواد : الأنسه خطيبتى و كتب كتابنا بكره و ممكن أتصل بصاحبى تتأكد منه .......
الضابط : كلامه صح ولا إنتى مخطوفه ....   
رد سريعا : مستحيل واحد يخطف خطيبته ........
الضابط : طيب هتستنوا للصبح ونقفل المحضر و نتأكد إنكم مخطوبين غير كده هتتحولوا للنيابه ........ فاطمه الزهراء
رؤى : مستحيل والدتى هتقلق ،، كمان مش هقدر أقعد مع المتهمين .......
جواد بمكر : أنا عندى حل و أعتقد إنك مش هتعارض و كمان رؤى .........
رؤى بغضب : حل أيه !!!
جواد : نتجوز حالا والضابط يشهد على جوازنا و هكلم صاحبى يجى ويجيب مأذون .........
الضابط : حل كويس * نظر ل رؤى * رأيك أيه لو موافقتيش هتتحولوا للنيابه لان مفيش معاكم اثبات هويه .......
رؤى بحزن : ممكن اتكلم معاه لوحدنا شويه ........
الضابط : تمام هسيبكم عشر دقائق تكونوا قررتوا .........
بعد مغادرته نظرت له بحقد و حزن لقد دمر فرحتها بأن تكون زوجته أمام الناس ولكنها ستجعله يدفع الثمن وسيرى أنه من وقع فى العرين وليست هى ،، هى قطه شرسه انتظر و سترى أيها المغرور ........
فى الخارج الضابط برفقة رائد .......
الضابط : إنت وصاحبك مجانين مش عارف إزاى وافقت أساعدكم البنت شكلها طيبه و بريئه .......
رائد : خلاص بقى المهم إنها توافق ......
الضابط : إنت عارف لو الموضوع منتهاش الليله هتأذى و أنتم كمان لأننا خاطفين البنت و بنجبرها على الجواز بحجة القانون .......
رائد : اطمن بقى و ثق فيا ...... .
الضابط : و ساره رأيها أيه فى الحوار ده .......
رائد : ساره معترضه على الموضوع من الأول و لو عرفت اللى عملناه هتقلب الدنيا علينا .......
الضابط : مش عارف أختى إزاى وافقت تتجوز مجنون زيك .......
فى الداخل عند رؤى و جواد :
رؤى : أنا عندى شرط لو وافقت عليه هوافق على الجواز منك .......
جواد : شرط أيه .............
رؤى : ماما مش هتعرف حاجه عن جوازنا و فى ألمانيا إنت مش هيكون لك علاقه بيا هشتغل و هدفع مبلغ للسكن و كل واحد مننا مش مسؤول عن التانى تمام ........
جواد : موافق و بعد الدراسه قبل مترجعى مصر هنطلق و ترجعى تعيشى حياتك .......
,, حدثت نفسها أى حياة إنت دمرت حياتى بس أوعدك هتدفع تمن كل حاجه عملتها فيا ,,
دخل الضابط برفقة رائد و المأذون وتمت إجراءات الزواج ثم عادوا للبيت ليجدوا حنان قلقه للغايه بسبب تأخيرها و لم تشعر بنفسها فكانت كالمغيبه مما أدى لفقدانها الوعى لتصرخ حينها حملها جواد واتجه لغرفتها وفاقت بعد عدة محاولات من والدتها ونظرت ل جواد نظره ألمته غادر لغرفته سريعا و نامت بجوار والدتها للصباح و فاقت وهى تشعر بألم شديد ولكن لا تستطيع إخبار والدتها ،، ستنتقم منه بطريقتها الخاصه كان يتجنب رؤيتها هذه الفترة و فى يوم كانت تجلس برفقة والدتها لتجد رساله قادمه إليها عن طريق النت لتهتف بصراخ ........
رؤى : ماما سفرى بعد يومين و هتعين معيده فى الجامعه ... ....
احتضنت حنان ابنتها وسعدت لأجلها لقد كانت تنتظر خبر ليعيد بسمتها إليها ،، و سعدت أيضا بعد أن علمت أن جواد سيكون مع ابنتها فهى فى بلد غريب إلى أن جاء يوم السفر و اتجهوا للمطار وودعتهم حنان وبكت كثيرا لفراق ابنتها التى وعدتها أن سترسل لتلحق بها بعد فترة اتجهوا للطائره و وجدوا رائد و ساره هناك نظرت بغضب ل جواد و أخذت رؤى لتجلس جوارها وصلت الطائرة لألمانيا و كان فى إنتظارهم سيارة لتنقلهم للسكن بينما كانت هناك مفاجأة ل رؤى و أدهشت الجميع .......

يتبع

اعترافات عاشق
بقلم فاطمه الزهراء