الذئب الموجوع

الجزء السادس

 الفصل السادس

انا اسف اتاخرت عليكم فى الفصل السادس

ولما وصل ادم البيت حاول يتكلم مع مامته ويحكيلها عن إلى حصل معاهم لكن كان البيت كله كان نايم ؛ لكن كان فى احساس نابع من داخله بأن يحارب ويساعد صديقه فارس لاكتشاف حقيقة هذا الشئ الغامض وعاد ادم إلى غرفته ليراجع أموره فى أن يخبر والدته أو لا يخبرها ولكنه قرر ان يكشف هذا الشئ الغامض بنفسه وأن هو حايقف بجانب فارس حتى الموت ؛ وبدأت عيناه تذهب الى عالم الاحلام ،

وفى صباح يوم جديد عند الساعة العاشرة نادت أم فارس على ابنها لتعلمه بأنها سوف تسافر هى ووالده واخته الى الكويت لحدوث بعض المشاكل بإحدى الشركات العالمية التى يمتلكها والداه ؛ فى بداية الامر شعر فارس بالفرحة لانه سوف يخرج يوميا ولم يمنعه أحد ولن يكون عليه مراقب يجبرققه على فعل شئ ولكن فجأة تذكر خوفه من الشئ المخيف الذى يظهر له فى هذا البيت وبدء يظهر عليه الخوف والشعور بالقلق من ظهور هذا الشئ الغامض له وهو داخل المنزل بمفردة ولكنه قرر أن يقف له وأن يكشف سر هذا الشئ الغامض الذى يخيفه ؛ولكنه نظر إلى والدته وأخبرها (بثقة) لا تخافى يا امى انا سوف اكون بخير دائمآ، اعدك بذالك؛ و على فكرة انا لما بخرج من البيت هنا بروح لبيت آدم والعكس يا ماما يعنى متقلقيش يا ماما ؛

الام : انا عارف ابنى راجل جدع ويعتمد عليه ؛ طيب انا حاطلع أجهز الهدوم علشان بابا حيستنانا فى المطار

فارس ( بحسرة) : يعنى مش حاشوف بابا وسارة،

الام : للاسف اه لان أنا حاخد الشنط واطلع على المدرسة اخد سارة ونطلع على المطار علشان منتاخرش

فارس(بتنهيد) : طيب يا ماما خدى بالك من نفسك ومن بابا ومن سارة ومتقلقيش عليا انا حاكون بخير دايما ؛ وانا حاروح على بيت آدم واخده وننز ل نروح نشترى شوية حاجات علشان البيت

الام : ماشى يا حبيبى خلى بالك من نفسك لو حصل اى حاجة كلمنى أو روح لمامة آدم وهى مش حتسيبك لوحدك هى بتحبك زى ابنها واكتر ؛

فارس : حاضر يا ماما ؛ انا همشى بقى ؛سلام

وفارس رايح لبيت آدم كان بيفكر هو ازاى حيقعد لوحده فى البيت مع الكائن الغريب إلى بيظهرله ؛ لكن هو قرر ينسى أن فى حاجة ظهرتله فى البيت وأن كل ده وهم ومفيش حاجة حقيقة رغم انه عارف انه ده حاجة حقيقة موجودة بيحاول يكذبها علشان يعرف يقضى فترة وحدته لوحدة فى البيت ؛

وأول ما وصل لبيت آدم طلع خبط على الباب وفتحتله مامت ادم ودار بينهما حوار قصير

فارس: ازيك يا ماما ؟ عاملة ايه؟

الام ؛ الحمد لله كويسة وانت عامل ايه هى مامتك خلاص سافرت ولا لسة ؟؟؟

فارس :ايوة حتسافر بعد ساعة ان شاء لله

الام: تسافر وترجعلنا بالسلامة

فارس : يارب

هو فين آدم يا ماما ؟؟؟

الام: لسة نايم من وقت ما رجع من عندك امبارح ادخل صحيه يا فارس لحد محضرلكوا الفطار

فارس : لا يا ماما متتعبيش نفسك؛ انا حانزل انا و آدم نفطر برة

الام : لا انتوا تفطروا فى البيت لان انا مش بكون مطمنة لأكل اكل معمول برة البيت

فارس : عندك حق يا ماما ؛طيب انا حدخل اصحى آدم

الام : طيب يا حبيبى ؛ وانا حجهزلكوا الفطار

فارس : آدم آدم آدم........

اصحى يا عم انت ؛ كل ده نوووم ؛ يا آدم اصحى

آدم بدأ يفوق : صباح الخير

فارس:صباح ايه قصدك مساء الخير الساعة 3 العصر

آدم: انا نمت كتير اووى كدة ؟؟!!

فارس : يلا قوووم البس حنخرج وحنخربها ابويا وامى واختى مسافرين علشان عندهم مشكلة كبيرة فى شركة من شركاتهم فى الكويت ؛ فطبعا انا حاقعد لوحدى ويلا انت قوووم البس علشان ننزل نشترى شوية حاجات علشان البيت ونرجع على البيت نذاكر شوية ونلعب واعتبر نفسك محجوز معايا لحد ما اهلى يرجعوا وكل يوم كدة طبعا

آدم: بصله نظره كلها حب وثقة وشجاعة وقاله أنا معاك دايما ومش حسيبك لوحدك ومش حيفرقنا الا الموت ولو حنموت يبقى نموت سوى

وطبعا نزلوا اشتروا احتاجات البيت وطلعوا على البيت وهما مروحين كانت الصدفة أنهم يقابلوا

(عم محمد)وطبعا هو فاكرهم وميقدرش ينسى فارس ولا آدم وخصوصا فارس لانه عارف ومتاكد انه بيعانى من مشاكل جوة البيت وكان طول كلام عم محمد ليهم (ربنا يحفظكم؛ويبعد عنكم اى اذى )

وعندما سأل عم محمد فارس كيف حال منزلكم الجديد؟؟؟!

فارس : رد عليه انه كبير وجميل واظن ان والداى احسنوا الاختيار

عم محمد : يارب يكون وشه حلو عليكم وكرر نفس جملته تانى

ولكن آدم أصبح يشك بهم محمد خاصتا عندما ساله سواله عن حالة المنزل الجديد وايضا تكراره لجملته واصبح هذا الكلام نقطة شك لادم في عم محمد

ووصل الجميع إلى منازلهم واثناء عودة ادم إلى منزله قرر ان يساعد فارس وأن يكشف السر الغامض الذى يخفيه عنهم عم محمد عن هذا البيت