للكاتبة aseel ahmed
ملاحظة/ الاقواس 👈( ) يعني الشخص يتكلم ويه نفسه
والنجمات 👈*** يعني شخص غريب يتكلم
هبه: صباح الخير عسولتي
عسل: صباح الخير ماماتي، يلا كعدي الاكل رح يبرد
هبه: عاشت ايدج الاكل يجنن مثل كل مره
عسل : الف عافيه ماماتي، صدوك ماكعدت ام كفشه
هبه: هاي تنبل مال نوم لو ينزل صاروخ متكعد، روحي كعديها هسة تتاخر وبعدين تكول ليش ماكعدتوني
عسل : ماشي ماما، (رح اسوي بيها مقلب 😁😁)
رقيه نايمه داتحلم انها نجحت من السادس وهية بحفلة التخرج
المديرة تصيح الاسماء حتى يستلمون الشهادة
المديرة : رقيه محمد
كامت رقيه دتروح على المنصة حتى تستلم الشهادة وجان متحس الا مي بارد نزل على وجهها غسلها غسلة مرتبه
رقيه كعدت من النوم شافت عسل شايله دولكة مي بارد وكلها طشتها على رقية
وعسل ميته ضحك على منظرها
رقيه : اخخخ هاي شنو حمام بارد من الصبح، ليش ولج شمسويتلج حتى هيج، تعرفين كعدتيني من حلم حلوو
عسل : اي بالله شنو الحلم ؟ صار عندي فضول
رقيه : جنت داتخرج من السادس ورح اتسلم شهادتي بس مع الاسف يافرحة مادامت😭😭
عسل : اي بالله وشلون نجحتي من الدور الاول، خاف طالعه بالرياضيات وهمة خربطوا بينج وبين وحده ثانيه اسمها مثلج 😅😅
رقيه بتنهد وملل 😥😥 : اوف يعني شسوي للرياضيات غير صعب ومينفهم
عسل : بمناسبه الرياضيات، شكد اخذتي بالامتحان الفات
رقيه : هاا ااا يا امتحان
عسل: هذاك اللي ظليت سهرانه علمود اقريج الماده
رقيه: ااا لاا المدرسه مانطتنا الاوراق 😶😶
عسل : هااا مبين رسبتي مووو
رقيه : اشش لا تسمع ماما هنوب تبسطني
عسل : ليش اش خليها خل تسمع، يعني اني سهرت وقريتج وتعبت تاليها هيج يعني ترسبين لعد وين جان عقلج من جنت اقريج ها فهميني
رقيه : لا حبابه لتكولين لماما صدكيني اخر مره، وعد رح اقره ومارح ارسب
عسل : واذا رسبتي
رقيه : لا ما ارسب صدكيني، حبابه لتكولين لماما، لخاطري بليييييييييز
عسل : يالله ماشي بس هاي المرة، بس اذا رسبتي مرة ثانيه صدكي اكول لماما واذا طردتج من البيت اني معليه
أنت تقرأ
عسل اسمي اراس قدري (لهہجة عرآقيهہ)
Romanceعسل اسمي هذه قصتي 😄😄 للكاتبة aseel ahmed قصتي تتحدث عن عصابة خطفتني وبسببهم لكيت حب حياتي بالصدفة 😍😍 والباقي تعرفوه من تشوفون القصة اتمنى تعجبكم 😉😉
