سيرين حاطه يدها ماكن الكف وتبكي بالقوه
صبت وطلعت شنطه وقعدت اتلم في دبشها : والله ماني قاعده معاه فوق ما هوا خاين إيمد إيدا عليا اخرى قعدت اتحط في دبشها وتبكي
جمال : وتيتي الدبش
مايا : اها حطيته كلا
جمال : تعالي هنا
مايا : جت ورقدت على صدره حبيبي ماطولش
جمال : اسبوعين ونروحلك
مايا : واجد اسبوعين
جمال : بحت فيها كيف حترايفي عليا وغمزلها
مايا : حطت وجها في صدره بطل معش تحرجني
جمال : ايكر فيها غير احكي
مايا : بطل مانيش قايلتها
جمال : تو انخليك اتقوليها بطريقتي
مايا : ههههه
.......
عمر : قاعد قدام العماره فالسياره اووف شن درت انته معقوله تمد يدك عليها بس هيا كنها قعدت اتعامل فيا هكي خليني ننزل انراضيها
سيرين مقمعزه على سرير ولابسه عبايتها وفاكه شعرها وتبكي سمعت صوت مفاتيح عمر زادت تبكي
عمر خش فتح الدار لقاها تبكي وموتيه دبشها
عمر : قرب منها وقمعز عند كرعيها ومسك ايديها حبيبي انا آسف
سيرين : تبحت فيه ودموعها ينزلن
عمر : ماسك يدها و رفع يده لخرا مسح دموعها وبعدها رفع يدها وباسها حبيبي انتي عارفتيني بعد مانعصب مانعرفش كيف نصرف انا آسف ويلي تبيه انتي انديره
سيرين : اتبحت فيه وساكته
عمر : حبيبي ادوي ماتعاقبينش هكي
سيرين : على شنو ولا شنو نحكي نحكي على حبيبي يلي كلما لاه يزعل فيا ولا على اني عروس جديده ماطقيتش شهر يضربني راجلي ولا على هلى يلي مش متقبليني بكل وكلما انعديلهم انروح خاطري مكسور بس مانبينلش انبين اني زعلانه ونتحمل عشان خاطره لا وهذا كوم وبنت خالك يلي تمسك في ديها وتقوللها انا سندك كوم ثاني
عمر : ايبحت فيها ومنصدم انتي فاهمه غلط
سيرين : عمر ارجوك شيلني لي هلي
عمر : لا مافيش مشي نين تفهمي انا انحبك انتي ومش من حقك اتشكي فيا
سيرين : لا من حقي انشك لما انشوفك ماسك ايديها وتقوللها انا سندك من حقي انشك انت تذكر شن درت فيا لما طلعت على ضنا عمتي انذكرك
عمر : سيرين هذا شي وهذكي شي ماتخلطيش الأمور
سيرين : عمر ارجوك نبي انعدي لي هلي مش بالغصب هيا
عمر : مسكها معا يدها لا بالغصب وانا قلت مافيش مشي يعني مافيش مشي
سيرين : اطلق يدي مانبيش نقعد معاك معش نبيك انا
عمر : ضغط على يدها هيا كلمه وحده وتوا تعدي تسلحي دبشك وتردي خراك فالدولاب
سيرين : وكان مادرتهش تبي تضرب اه اضرب ما انت ضربت اصلا
عمر : دفها على سرير توا انا طالع انرد نلقاك راده دبشك لاكن والله لو انروح ونلقاه كيف ماهوا اتشوفي حاجه اخرى وطلع وسيبها
سيرين : البارد من يحساب روحه اه من خليه والله ماني رادته هي تو ايشوف لعناد
فاليل
جمال : مسك يد مايا حنرايف عليك
مايا : ابتسمت انا اكثر
جمال : هيا انزلي را انرد بيك
مايا : بعد توصل رن عليا
جمال : اكيده هذي وباس خدها
مايا : فتحت الباب ونزلت
جمال : رفع يده وشيرلها وعزقلها بوسه فالهواء
مايا : ابتسمت وشيرتله
