فاطمه عمر
مستقبل مجهول
الحلقه2
*******************
امي: اي ومتروحين وسدي السالفه
الين:ليش ماما خلي اروح صديقاتي كلهن راح يروحن يعني صرت ثالث متوسط ومتخليني ليش اريد اطلع من الجو الاني بي يعني،بس اقره وارجع ليوره وانتي بس صيحين عليه كاااافي تعبت
عيطت بصوت عالي
امي:اني اعلممج هيج تصيحين على اممج بسسيطه اللين اذا ما عذبتج الج حق
مروان:كعدي وسكتي لج ماعدنه بنات تروح سفره وتطلع وحدهن
صحت بصوت عااالي اكررررهكممممممم
رحت للغرفه لكيت فراش مفروش تمددت بي وكمت ابجي حيل يعني ليش لييش
اني من دون البنات هيج ليش اهلي كلشي ميقبلون ليش حسره عليه كلشي واذا اسوي شي كله عيب
وحرام وحجيت كدام اخويه حسن بلكي يحجي شي يدافعلي وانوب هاذه الادبسزز يتحكم بيه هه وحته بابا مثلهم ماراح يقبل
ضليت اتخيل شكل البنات وصديقاتي شلون راح يروحن ويصعدن الالعاب واني اخر مره
صعدت العاب من جنت ثالث ابتدائي اااااااخ لييش هيج شنو فرق اهلي عن اهل مريم اللهم لا حسد
بس ليش اهلها هيج واني هيج
ضليت افكر واتخيل. وابجي لحد ما نمت
كعدت الساعه ب4ونص العصر لكيت بابا جاي من الدوام رحت يمه
شافني
بابا:شبيه حبيبه ابوها شو عيونها حمره
كمت ابججي من كال هيج متحملت رحت حضنته وابجي واشهك عبالك طفله عمرها خمس سنين
ها ها شكلها السالفه صدك شبيج بابا ليش تبجين نوب كال لامي
شبيها وامي سولفتله
كال اخليج تروحين بس بشرط
هنا اني عبالك مثل الواحد المدفون وطلعو من التراب وشاف الدنيه وصار عده امل
كتله شنوو وعيوني فرحانهة وبنفس الوكت مصدومه معقوووله !!!
بابا:طلعين معدل تسعين وفوك ودراجتج ماريدهن يقلن عن ال95 ولو ادري بيج شاطره بس اريدج بعد اكثر
الين: والله والله والحسين والعباااس اطلع فوك التسعين وتدلل واضحك
حضننت بابا وكتله شكرا يا احله ابوو بدنيا الله لايرحمني منك
باسني وكال جم الونه عدنه هيه بس وحده
ابااع ع امي جنه معاجبها الحجي
طبعا بابا ماما مو ضالمين ولا شي بس همه شوي ملتزمين واهم شي عدهم الستر بس اني اتودد لابويه اكثر احسه يفهمني عكس ماما اني وامي مره متعاركين ومره حباايب هههه
بوسط هل فرحه واني اخطط شراح البس وشراح اسوي وبابا كال اخذها شتريلها ملابس
اجه مروان وكلت اكيد راح يخربها
مروان:بابا شنو الين راح تروح سفره
الين:اي اروح وانته شعليك
أنت تقرأ
مستقبل مجهول
General Fictionقصه لفتاه عراقيه لا تعلم ماهوه مستقبلها وما ينتظرها من مفاجئات الحياه تابعو القصه وراح تعرفون
