صوبني عشك شيخ

بارت1

قصه جديدة 🌷💥🍒 (##بغدادية_فصلية_بصراوي)
.القصه#14_بارت...🍒🌸

#صلو_على_نبي_الله_محمد_اذكرو_الله
#قراءة_ممتعة🍒💥#بغدادية_فصلية_بصراوي

بارت 1+2+3

سلام عليكم اليوم حكتبلكم قصة بنية بغدادية صارت فصلية لشيخ بصراوي تفضلي هيلين احجيلنة عن قصتج

طبعا كلش اشكرج لان حتنقلين قصتي واتمنى تستفادون وتاخذون عبرة منها❤

متابعة ممتعة....💝

اليوم حكتبلكم قصتي الي شفت بيها انواع الاذية بس اكو اية قرآنية تصبرك ع اذاك ( عسى ان تكرهوا شيئا وهو خيرا لكم) رح ابدي اعرفكم علية و على عائلتي...........
هيلين: اسمي هيلين عمري 17 سنة صف خامس اعدادي وحلمي اكون محامية وصفي حنطاوية صاحبة عيون مجرورة ورموش طويلة وكثيفة ولونهم عسلي ع خضار وصاحبة خدود ورصع خشمي ملائم لوجهي لا كبير ولا صغير وشعري طويل كلش واصل لحد ركبتي وجسمي مربرب لا سمينة ولا ضعيفة وطولي 162 سم زينة زينة مو قزمة😂 شوفو اني خبلة نوعا ما عصبية كلش بسرعة اگب بدون مافهم الشي ومتسرعة وعندي شويونة كلش غباء🙄 بس گلبي افطر منة ماكو بسرعة اتقشمر ويصالحوني ترتيبي بالعائلة بزر الكعدة😌 وهووواية يشبهوني بهاي الممثلة👇 حيل اشبها
احمد: اني اخو هيلين الوسطاني والوحيد الهم عمري 23 سنة مرحلة رابعة كلية قانون وناوي اكمل ماستر اني طويل وحنطاوي جسمي معضل وعيوني خضر وهذا شكلي👇

ايلين: اخت هيلين الجبيرة عمري29 سنة متزوجة وعندي 4 اطفال وهواية نتشابه اني وهيلين

سيلين: اني اخت هيلين الوسطانية الي بعد ايلين عمري27 سنة ايضا عندي 4 اطفال لان تزوجت عمري16 سنة

علي: اني ابو هيلين عمري 56 سنة اشتغل موظف بالمصرف

ايمان: اني ام هيلين عمري 50 سنة ربة منزل

احنة ساكنين بالمنصور رح تكولون طاگين لا مو طاگين بس بيتنة الكاعدين بي اباً عن جد 
-----------------------------------------------------------
سيف : اني سيف من البصرة عمري 29 سنة مكمل كلية قانون واني الايد اليمين الابوية بالدواوين والعشيرة هذا شكلي👇
مصطفى: اخو سيف الجبير عمري 33 سنة متزوج وعايش بالسويد اروح اشوف اهلي مرة كل سنة بعيد عنهم وعن سوالف العشاير متزوج وعندي اطفال ثنين  هذا شكلي
ايمن: اخو سيف الاصغر عمري 22 سنة ادرس كلية ادارة واقتصاد وساكن ب بغداد لحد ما اكمل كلية ارجع للبصرة هذا شكلي👇
اية: اخت سيف الصغيرة واخر العنقود والوحيدة عمري 18 سنة ممكملة دراسة لحد الثالث متوسط لان بابا ميقبل نكمل خاصة البنات يكول البنات مكانهم البيت ويگابلون ازواجهم واطفالهم هذا شكلي👇
عزام: اني ابو سيف عمري 59 سنة وكلش اعز سيف ومعتبرة ايدي اليمين وكاتب وصية اذا متت المشيخة تصير لسيف وهو يحل محلي بالعشيرة

هدى: اني ام سيف عمري 55 سنة ربة منزل

وهسة ننتقل للاحداث بعد ما تعرفتو ع ابطال القصة والبقية تعرفوهم من خلال القصة.....❤

يومية انشرلكم ع گد الي اگدر علية احتمال باليوم بارتين واحتمال بارت واحد احبكم💋

جنت راجعة من المدرسة ودا اعبر الشارع العام شفت صاير حادث سير سيارة مگلوبة ولخ متاذي البچم مالتها وناس ملمين عليهم اني نغزني كلبي لان السيارة الي متاذي البچم مالتها تشبه سيارة حمودي لا لا مستحيل ان شاء الله مو هي وكملت طريقي فتت للبيت

هيلين: سلام عليكم

الام والاب: وعليكم السلام

هيلين: اباوع ع وجه امي احمرر وعيونها مورمة وابوية يروح ويجي بمكانة
شكو شبيكم صاير شي؟

الام: ولج حمييد اخوج مسوي حادث وداعملة رجال شيخ ومات وهسة بالسجن

هيلين: عزززززززا العززززاج هيلة ولج يمة من رجعت شفت سيارتين مدعومات وحدة مكلوبة ولخ واكفة بس بچمها متاذي اويليي يايمة يعني عزيز گلبي يگضيها بالسجن اويلي كون ياخذون روحي ولا ياذوك ياخوية يا ضلعيي وحزام ظهري وحاضنة ماما وابجي
الاب: كافي لضلن تنوحن سكتن وادعو ميصير شي

هيلين: ي سكتنة ماما رح اروح ابدل وانزل

الام: روحي بنيتي

صعدت وسديت الباب ضليت ابجي بحركة لان يعني اخوية حيروح من ايدي واعرف سوالف العشاير يردون دم بدم اكيد يمة كلبي خوية لو اعرف انطي روحي وما انطيك نزلت فتت سبحت وطلعت بدلت ونزلت يم ماما طبعا سيلين وايلين عرفو بس ماما وبابا مخلوهم يجون صار المغرب وصار طلق مو طبيعي يم بابنة واني ماما كمنة نتراجف بابا طلعلهم ماعرف شحجة وياهم وطب

الاب: صار طلق وشفتهم زلم معگلة عرفت من اهل الشيخ وشاب ب 30 يعيط ويصيح ويگلي ابنك الخسيس رح اكتلة مثل كتل ابوي

بوية استهدي بالرحمن وشتريد احنة حاضرين باجر نسوي كعدة عشاير والي تريدة يجرالك

الشاب: باجر ب 4 العصر حضر شيوخك وعمامك

الاب: صار ابني
راحو وطبيت كتلهم ع صار
ثاني يوم......
الشيخ: نريد 50 مليون وفصلية
الاب: شنوووو عمي انطيكم 100 مليون بس بلا فصلية
الشاب: باوع اني ماريد فلوس لان الفلوس مترجع ابوي اني اريد فصلية لو اكتل ابنكم اختار

الاب: هاهية ابني ننطيكم فصلية
واحس طلعت روحي ونطيتها الهم من كتلهم ننطيكم فصلية شلون انطي بنيتي واحطها بالنار بيدي بس هاهية هذا قضاء وقدر احسن من ما تخسرنة اني واخوها وعمامها

الشاب: حضرو بتكم بعد يومين تجيبوها

الاب:حاضر ابني

هيلين: اريد اسمع شيحجون مافتهم شي