تحدي العشق " الجزء الثالث من سلسلة العشق "

البارت الرابع

نوفيلا
تحدي العشق
الحلقه الرابعه
***********
اتصدم الكل من الكلام اللي الحكيم قاله
مراد : اتسممت!! طب ازاي!
الحكيم بحزن : السم ده بطئ بينتشر ف الجسم ببطئ وبتحسش باعراضه غير ف الاواخر
نورسين : قصدك اي
الحكيم : اقصد ان السم انتشر ف جسم الملكه
ليث بغضب : وانت شغلتك اي المفروض تبطل السم ده مش كده
الحكيم : انا بحاول فعلا
غيث بعصبيه اتصدم منها كل الموجودين : المحاوله دي مش موجوده ف قاموسي انت فاهم انت لازم تنقذها والا حياتك انت هتكون الثمن يا حكيم فهمت لازم تعمل اي حاجه كلمه بحاول دي معرفهاش
عمر : جلاله الملك اهدي
غيث بغضب : اهدي ازاي وده بيقولك السم انتشر ف جسمها .. اهدي وعشق بتموت انتوا اتجننتوا
ودخل جوا ونورسين دخلت وراه وعمر وقف مع الحكيم بيحاول يوصل لحل معاه وليث ومراد دخلوا بسرعه ورا غيث ووعد وشادي معاهم وبعدين دخل عمر والحكيم قعد غيث جنب عشق ومسك ايدها اللي كانت بارده وابتدا يفركها جامد ونورسين قعدت الناحيه الثانيه بتحاول تدفيها وهي بتعيط وليث ومراد كل واحد قعد عند رجلها وبيدعكوها جامد والكل قلقان
غيث : هي متلجه كده لي
الحكيم : اثر السم سموك
مراد بغضب : ما تتتصرف يا حكيم امال انتحكيم ملكي لي لو حصل حاجه للملكه صدقني حياتك مش هتكفيني
ليث : شوف انت عايز اي وكله هيجيلك بس اتصرف
خاف الحكيم من منظرهم وبيحاول بكل طريقه ممكنه يطرد السم من جسم عشق بس مفيش استجابه
غيث ببرود : اطلعوا برا
عمر : غيث
غيث بعصبيه : قولت اطلعوا برا
طلعوا كلهم برا وغيث بص لعشق ودموعه نزلت ومسك ايدها يبوسها : كده يا عشقي عايزه تمشي وتسبيني .. مش  هصعب عليكي طب مش هوحشك .. مش انتي قولتي هتفضلي معايا لحد ما نموت سوا دلوقتي انتي اللي عايزه تسبيني يا عشق الروح .. اهون عليكي يا عشق الروح .. فوقييا عشق الروح قعدتك دي بتوجعني وبتكسرني .. صدقيني هعرف مين اللي عمل كده بس فوقي انتي فوقي بس
وباس وشها بقبلات متفرقه وطبع بوسه خفيفه ع شفيفها وباس ايدها من تاني ومسح دموعه وطلع برا كانوا الكل حوالين الجناح
غيث بامر : مراد عايزك معايا عشان لازم نعرف مين ابن ال#### اللي لعب معايا انا مخصوص اللعبه دي لازم اندمه ع الالم اللي الملكه فيه .. ليث مداخل ومخارج القصر والمملكه تتأمن فورا مفيش حاجه تعدي ولا تطلع الا ويكون عندك او عندي علم واي حد هيدخل يتفتش حتي لو كان مين فهمتني .. شادي انت خليك هنا واتأكدلي من كل حد موجود بالقصر واللي انت شاكك فيه تقولي فورا فهمتوا اتحركوا مستنيين اي
قال اخر جملته بغضب واتحرك الامراء الثلاثه فعلا للمهام اللي اتطلبت منهم
عمر : انا هاجي معاك يا غيث .. نورسين وعد خليكم مع الملكه متسبهوش وانت تعمل كل اللي ممكن بتعمل ان شالله تعمل معجزه المهم الملكه تخف انت فاهم
حرك الحكيم راسه بخوف ومشيوا مع بعض وجوا كل شخص نار مشتعه عشان حاله الملكه وانتشر الخبر بسرعه ف ارجاء القصر والمملكه بمرض الملكه والكل بدأ يدعي ليها بالشفاء لانها مأذتش حد وكانت دايما تجيب حقوقهم وانتشر الخبر ف الممالك المجاوره ورجعت كارمن ع القصر ووقفت عشان التفتيش ونزلت وهي متعصبه
كارمن بغضب : انت عايز تفتشني انا  .. انت اتجننت
الحارس باسف : اسف سموك .. اتفض
ليث بحزم : تتفتش زي الباقي
بصت كارمن ع ليث بغضب : سمو الامير انت بتقول اي .. انا الاميره كارمن مرات اخوك
ليث : دي اوامر جلاله الملك غيث .. ولو عايزه ممكن اجبلك الامير مراد شخصيا
كارمن : ياريت تجيبه
ليث بغضب : نادي الامير مراااد فورا .. خليكي انتي بقي عقبال ما يشوفوا الباقي
ووقفت ع جنب بغيظ والباقي ابتدوا يتفتشوا ووصل مراد ووقف قصادها
مراد : ف اي
كارمن : اخوك عايزني اتفتش زي الشعب
مراد بلامبالاه : هو ده السبب اللي جبتوني فيه هنا .. وانتي متتفتشيش لي
كارمن بصدمه : مراد انت بقتول اي
مراد : اللي سمعتيه انتي واحده من الشعب دي قوانين جتي لو مراتي
ليث : اعتقد سمعتي اتفضلي بقي
بص مراد ل ليث وليث مبصش عليه لانه حاسس انه بسببه هو قال طل ده وعشان كده الملكه تعبت وده مش هيسامح نفسه عليه ابدا !!
قرب مراد منه واخده بعيد وهو ساكت ووقفوا
مراد : انا اسف يا ليث
ليث : انا كمان اسف
مراد بحنيه : طب مش هتبص ف وشي
رفع ليث وشه وبص لمراد : انا اللي كبرت الموضوع ع الفاضي والملكه حالتها سائت بسببي
مراد : ده مش وقت لوم نفس يا ليث احنا لازم دلوقتي نقف مع بعض
ليث  بابتسامه : ولما بنقف مع بعض
مراد بنفس الابتسامه : محدش يقدر يقرب مننا ومن المملكه
وحضنوا بعض ومشيوا وهما مرتاحين لانهم اتصافوا ومراد اكتر شئ لانه بيعتبر ليث ده ابنه مش اخوه مع ان الفرق مش اكتر من سنتين بس بيحس ان كل واحد فيهم بيكمل التاني بحاجه وده اللي بيرعب اكبر عدو ان الاخين يتوجدوا سوا ف معركه واحده معني ذلك ان الخساره هتكون محسومه!
اتفتشت كارمن ودخلت القصر  وهي متحوله لكتله نار متحركه وقابلت ريحانه ف طريقها
كارمن : اووووووه ريحانتي وحشتيني يا روحي
ريحانه باقتضاب : اهلا سمو الاميره حمدلله ع السلامه
كارمن : الله يسلمك .. اي مش ملاحظه اي تحسن ف حالتك يعني زي ما انتي لبسك شكلك كله زي ما انتي
ريحانه بابتسامه : انا مش محتاجه اغير من نفسي عشان الفت انتباه حد يا سمو الامير
كارمن : قصدك اي
ريحانه : والله كلامي افهميه براحتك وعن اذنك عشان عندي شغل
كارمن بحده : استني هنا انا بكلمك
ريحانه : معتقدش مقامك تكلمي خدامه زيي ولا اي
كارمن : كويس عارفه انتي مكانتكك اي
ريحانه : انا عارفه بس بالنسبه ليكي اي؟
مشيت وسابتها وكارمن بتبص مكانها بغل شديد ورمت الفازه اللي كانت موجوده جنبها ع الارض بحده وراحت ع اوضتها ع طول وهي مانعه اي حد يدخلها حتي علا وبتخطط تتخلص من ريحانه لان كده كفايه اوي
&&&&&&&&&&&&&&&&&&&&&&
طلع نهار جديد عليهم وطلعت برا وهي بتدور عليه لانها عارفه حالته دلوقتي هتكون اي وعرفت انه ف جناحه الخاص اتوترت شويه وبعدين حزمت قرارها انها تروحله ووقفت فعلا قدام جناحه بتوتر وبعدين دخلت لقته واقف قصاد الشباك وماسك سيفه وبيبصله بهدوء قربت منه وهو محسش بيه ولمست كتفه بتوتر وهو لف ليها بعصبيه وحط السيف ع رقبتها وعيونها حمرا وهي اتصدمت من منظره اللي لاول مره تشوفه فيها وهو فضل باصص ليها ومش حاسس بالسيف اللي بدأ يجرح رقبتها بعدت عنه ولفت عشان ميشوفش الجرح بس متعرفش انها بلفتها دي الجرح اتعمق اكتر كتمت صرخه كانت هتطلع منها وغمضت عينها وبعدين فتحتها ع صوته
ليث بحده : خير يا سمو الاميره
وعد  وهي بتعدل شعرها وبتداري بيه الجرح ده : انا .. جيت اطمن عليك
ليث : واطمنتي اتفضلي برا
لفت له : ليث! اهدي
ليث : قولتلك متندليش باسمي
وعد : انت قولت مش ف وسط القصر احنا لوحدنا
ليث : يعني انتي عارفه ان انتي جايه اوضه شاب ولوحدك مش كده .. مش خايفه اني اعمل فيكي حاجه
وعد بثقه : متقدرش .. لان بعيد عن انك ابن الملك غيث والملكه عشق وتربيه والدي الملك عمر الا اني الاميره وعد مش هتقدر
ليث بغضب : اطلعي برا يا سمو الاميره
وعد : سيفك حلو .. ما تيجي نتبارز وتعلمني المبارزه من جديد
ليث بعصبيه : انتي مبتفهميش .. انتي مش شايفه الحاله اللي الكل فيها مش شايفه حاله الملكه
وعد : وانت مش هترتاح غير لما تطلع غضبك ده يا ليث .. انا بفهمك
ليث : بقولك اي ابعدي عن دماغي احسنلك واقولك شوفي غيري يدربك خلي شادي هو اللي يدربك انا مش عايز اعلمك زفت اطلعي بقي من هنا مش طايق وجودك معايا ف نفس المكان
بصت له جامد وهي نفسها تصرخ ف وشه وتقوله يبطل يجرحها بالطريقه دي اتكلمت بهدوء : بعتذر اني اتعديت حدودي للمره الثانيه يا سمو الامير وكويس انك اعتذرت عن تدريبي لان انا بنفسي كنت هعمل كده بعد اذن سموك
وطلعت برا بسرعه من قصاده وهو بص مكان ما هي مشيت وحدف سيفه جامد ع الارض وهو بيكور ايده بغضب وعرف انه مش هيرتاح غير ام يطلع من القصر ده راح الاول ع جناح الملكه وكانت وعد هتدخل بس لما شافته وقفت برا وهو مبصش عليها او اتصنع ده ودخل جوا وهي بصت للارض بهدوء وهي مترقبه خروجه ...
دخل جوا وقعد جنب عشق ومسك ايدها وباسها بحنيه واتكلم بهدوء : انا اسف يا ماما .. انا اللي وصلتك للحاله دي انا اسف الف مره وانتي عارفه اني مكنش قصدي ولا كلمه من اللي قولتها ع طول بقول كلام ملوش لازمه وانتي مبتزعليش اشمعنا المره دي .. طب لو مش عشاني انا عشان مراد بلاش مراد عشان غيثك .. الكل متعذب يا ماما فوقي بقي وصدقيني مش هزعلك ولا هدايقك تاني .. انتي مش هتسبيني دلوقتي هتفضلي معانا وده بإرادتك كمان انا واثق انك هترجعلنا
وباس جبينها بوجع وبص لنورسين اللي بتبص له بحزن وراح ناحيتها وهي حضنته وعيطت وهو فضل واقف معاها ونظره اتعلق بالباب وشافها واقفه وعماله تعدل ف شعرها وبعدين بعد عن نورسين ومسح دموعها
ليث : هتبقي كويسه .. انا واثق من ده الملكه عشق قويه وامي قويه .. عيلتك كلها هتكون بخطر لو حصلك حاجه مولاتي فوقي بقي
وطلع برا ونورسين قعدت جنب اختها ومسكت ايدها وفضلت تدعكها جامد وهي بتزعلقها : فوقي بقي يا عشق فوقي من امتي كنتي كده .. معقول بتنسحبي بسهوله وهتسبيني مش انا بنوتك الصغيره اللي بتحميها طب لو روحتي مين هيفضلي يا عشق .. مش كنتي بتحبي اقولك يا عشق عن مولاتي انا اهو بقولك بس انتي انتي اللي مش راضيه تقوليل يا نور من تاني .. عاجبك قعدتك دي عجبك شكلك .. مبسوطه بخوفنا وقلقنا عليكي بالشكل ده .. قومي بقي قومي مبحبكيش كده
وسندت براسها ع كتفها وليث بص ليها بحزن وكمل طريقه ووقف قصاد وعد وبصلها جامد وهي مشيت وسابته ودخلت جوا ميعرفش اي الفضول اللي جاله انه يسمعها ووقف فعلا
وعد : ماما
مسحت نورسين دموعها وبصتلها : نعم يا وعد
وعد : انا هطلع الف بالحصان بتاعي ف المملكه
نورسين : انتي شايفه ده وقت مناسب يا وعد للي انتي بتقولي عليه ده
وعد بجمود : انا لو فضلت هنا هتخنق .. انا ببلغك مش اكتر لاني فعلا طلبت منهم يجهزولي الحصان بعد اذن سموك
وطلعت برا ومأخدتش بالها من اللي كان واقف وبيسمع كلامها وغمض عينه بهدوء ورجه جناحه تاني غير لبسه واتنكر وطلع متخفي زي ما اتعود راح عشان يطلع كل عصبيته ف صنع السيوف يمكن يهدا ولو شويه
&&&&&&&&&&&&&&&&&&&&&&
دخلت ريحانه عند مراد بعد ما طلبها ووقفت بهدوء وهي حاسه بقلق غريب وهو شافها وقرب منها ومسك دراعها وهي شهقت برعب وبصتله بذعر عكس نظراته الغاضبه
مراد : شوفتي بسببك الملكه وصلت لاي
ريحانه : اا .. انا مليش دعوه
مراد بحده : بجد امال مين سبب الخناقه اللي حصلت دي مش انتي
ريحانه بحده : اسفه بس سموك السبب
مراد : انا السبب
ريحانه : ايوه سمو الايمر كان عايزني ف شغل مكنش ف داعي ان سموك تعند لان انا وظيفتي هنا خدامه مش اكتر وانت نبهتني للموضوع ده اكتر من مره
مراد بغضب : خدامتي انا وبس .. من الوقت اللي انتي دخلتيني فيه فحياتك مبقتش تخصك انتي بقت حياتك تخصني انا
ريحانه : وانا مش هعمل اي حاجه تجذبك بيا ولا اي شئ .. بس الشهرين يمشوا وساعتها سموك تقرر اللي انت عايزه
مراد : راحتك مش هتاخديها يا ريحانه وبالنسبه للشهرين فاانا قليت المُهله هو شهر واحد بس
ريحانه بلامبالاه مصطنعه : مبقتش تفرق
مراد : اتكلمي عدل يا ريحانه والا
ريحانه : هيحصل اي .. هتقتلني!!!
بص ليها مراد بشر ومسك ايدها وشدها جامد وراه ورماها برا وهي عدلت من وقفتها وعدلت هيتها وبصتله بهدوء
مراد : قسما بالله يا ريحانه ان ما اتعدلتي وعرفتي مكانك كويس لكون مخليكي تتمني الموت الف مره .. المره دي انتي طلعتي سليمه المره الجايه الله اعلم هعمل فيكي اي
ريحانه : انا مش ذنبي ان الملكه تعبانه .. انا مليش دعوه
راح ليها وشدها تاني داخل الجناح وقفل الباب بحده وبصلها بغضب : انتي اي حكايتك عايزه توصلي معايا لاي
ريحانه : ولا حاجه بس سموك ف عينك نظرة الاتهام وانا مش متهمه .. الكل عارف ان الملكه اتسممت انا مليش دعوه
مراد : متجادلنيش
ريحانه :ده مش جدال ده حقي .. من حقي ادافع عن نفسي
مسك دراعها وشدها ناحيته ولوي دراعها ورا ضهرها وهي فضلت ثابته بتبص ف عيونه بثقه
مراد : انا مش فاهمك .. انتي عارفه انتي بتعملي اي دلوقتي انتي بتتحديني
ريحانه : العفو سموك
مراد : امال اللي بتعمليه ده اي
ريحانه : معرفش بس هو مش تحدي .. قولت لسموك اني بدافع عن نفسي
بدل نظره ع شفايفها اللي حاسس انها بتجذبه بحركاتها بعدها عنه ولف وشه الناحيه التانيه عشان ميعملش حاجه يندم عليها بعدين
مراد ببرود : اطلعي برا ... برا يا ريحانه
بصتله ريحانه باستغراب وكانت هتسأله بس لقته لف ليها وبصلها بغضب وهي خافت بس مبينتش وطلعت برا ع طول وهو بص مكان ما مشيت بضيق وحط ايده ع شعره وهو بيشد شعره بصعبيه : وبعدين معاك يا مراد وبعدين
&&&&&&&&&&&&&&&&&&

فضلت تتحرك بالحصان وتجري بسرعه والهوا بيخبط ف وشها جامد وفضلت تمشي لحد ما لقت نفسها واقفه قصاد مكان اليس وقفت بالحصان ونزلت تحت ودخلت جوا وهو شافها وكان هيتكلم بس لمح الجرح اللي ف رقبتها فقرب منها بسرعه وهو بيتكلم بقلق : سمو الاميره حصلك اي
وعد بهدوء : انا كويسه
ليث بحده غير مقصوده : الجرح ده وكويسه .. اقعدي لحد ما اجبلك حاجه
بصت عليه باستغراب وافتكرت اللي كان السبب ف الجرح ده ابتسمت بسخريه لنفسها ومحستش غير باديه وهي بتضمد الجرح بصتله بحده واخدت منه القطن بغضب
وعد : هعرف اعملها لنفسي شكرا
هز راسه بخفوت وهو بتمني لو كان ف شخصيته الحقيقه كان عرفها ازاي تعمل كده بس سألها باستغراب : اسف ع تدخلي سموك .. بس سموك اتعورتي ف رقبتك ازاي
وعد : حاجه مش ضروري .. جهزتلي سيفي
ليث : لسه سموك .. خبر الملكه قلب كيان المملكه كلها .. هي بقت كويسه؟
اتنهدت وعد بحزن : لا لسه .. تعرف ان انا باخد قوتي من الملكه دلوقتي انا محتاجها اكتر من اي وقت بس هي مش معايا
ليث باستغراب : ولي الملكه نورسين موجوده
وعد : مفيش حاجه انسي .. متقولي ع مكان الشخص اللي دربك ع المبارزه
ليث بتوجس : ع ما اعتقد ان سموك قولتي انك تحت تدريب الامير ليث
وعد بجمود : معتقدش يهمك .. تعرف مكانه ولا ادور انا
سكت وبصلها وهي بصتله بترقب واتكلم بابتسامه : ممكن ادربك انا!!
وعد بابتسامه : اذا كان الامير مرض .. انسي ولا حاجه خلاص مش عايزه
ليث : لا طبعا سموك اول مره تطلبي مني شئ لا ثاني مره .. يسعدني ادرب سموك
فكرت للحظات وبعدين اتكلمت : وانا موافقه
ليث : يلا نبدأ
وعد بدهشه : دلوقتي
ليث : ايوه يلا
وقفوا مع بعض وادها السيف ومسك سيفه وابتدا يدربها وهو مشغول بأنه لي قالها انه يدربه وهو نفسه اللي لسه قايل ليها انه مش عايز يدربها .. لي زعل لما شافها حزينه كده .. حاجات هو عايز ليها اجابه وف نفس الوقت مش عايز الاجابه دي مش عارف هو عايز اي!!
اتدربت معاه وهي تفكيرها ف مكان تاني خالص تفكيرها مع اللي سبب ليها الجرح جرح قلبها مره والمره دي كان هيقتلها نهائيا ويريحها خالص مع انه المفروض ابن خالتها بس الغريب اهتم بيها اكتر منه .. وقفت عند نقطه اليس وانتبهت لنفسها هي بتحس شعور غريب لما تكون معاه نفس الشعور اللي بتحسه وهي قصاد ليس لا مستحيل تكون كده مشاعرها كانت ل ليث وهو رفضها ومش هتطلع مشاعرها لحد تاني كفايه عليها كده!!
خلصوا التدريب وليث فعلا حس انه هدي لما لقي حاجه يطلع فيها طاقته بس حس انها سرحانه ف حاجه
ليث بتساؤل : ف حاجه سموك
وعد بانتباه : ولا حاجه .. شكرا ع الوقت ده
ليث بابتسامه : العفو يا مولاتي .. وسموك اتدربتي بالسيف بتاعك
وعد بسعاده : بجد
هز راسه وهي ابتسمت بفرحه : بجد شكرا ليك اوي .. شكرا .. انا همشي انت موجود بكرا
ليث : مش عارف ممكن اه وممكن لا
وعد باستغراب : يعني اي
ليث : ممكن اكون موجود وممكن لا ع حسب يعني
وعد : اه طب تمام .. سلام
ليث : مع السلامه
ومشيت وعد وهي محتضنه السيف بسعاده وركبت ع حصانها وهو مراقبها وقلقان عشان الجرح ده وبيحاول يفتكر حصل ازاي وافتكر لما وجه السيف ع رقبتها لعن نفسه ف سره : انت غبي يا ليث غبي
&&&&&&&&&&&&&&&&&&&
دخل الجناح مع عمر وعمر اخد نورسين وطلعوا وهو قعد جنب عشق والحكيم واقف وبيحاول يخليها تفوق لانه مش هيستحمل غضب الملك ولا ولاده!
غيث : اطلع برا
الحكيم : امرك جلالتك
وطلع برا وقفل الباب وراه وهو قرب من عشق وطبع بوسه رقيقه ع شفايفها وبعد عنها : فوقي بقي يا عشق الروح .. من امبارح وانتي سايبني لوحدي مش كفايه بقي .. انتي عارفه انك مصدر قوتي يا عشق الروح
سندد بوشه ع كفها وهو بيطبع قبل حانيه ع باطن كفها واتكلم : انا محتاجك جنبي ومعايا لاخر العمر يا عشق الروح .. مش هقدر اكمل لوحدي صدقيني .. امال فين انك هتفضلي ع قلبي ع طول .. فاكره ساعه ما عملتيلي صوره بالسكاكين ع الحيطه .. وانا بعدها منعت اي سيوف ولا اي حاجه تجنب لعصبيتك قومي بقي وانا هرجع السكاكين واعملي فيا اللي انتي عايزاه بس استسلامك ده بيكسرني بيكسرني يا عشق .. انا محتاجك جنبي ارجعيلي ارجوكي
عشق بصوت ضعيف : وانا جنبك ع طول
رفع راسه بسرعه وبص عليها وهي بتحاول تفتح عينها وضحك بفرحه وباس وشها اكتر من مره وهو بيتكلم بسرعه : عشق .. عشق انتي فوقتي صح انتي .. يا حكييييييم .. يا حكييييييييييييييم
دخل الحكيم بسرعه ومعاه وعد وريحانه ونورسين وعمر ومراد وليث كان لسه جي ودخل معاهم بسرعه وكلهم ابتسموا بفحره
غيث : الملكه .. الملكه فاقت شوفها فورا
مراد بسعاده : مولاتي حمدلله ع السلامه
ابتدا الحكيم يكشف عليها ويوشف بؤبؤ عينها بهدوء وغيث وقف جنبه بلهفه وقلق ونورسين قعدت جنبها هي ووعد من الناحيه التانيه
الحكيم بسعاده : الحمدلله .. الملكه استجابت للاعشاب والادويه والسم راح من جسمها .. دي معجزه الحمدلله
غمض غيث عينه بسعاده واتنفس بعمق وكأن روجه رجعتله بعد الكلمه دي ونورسين بصت لعمر بسعاده وهو قرب منها وحضنها من كتفها وهي سندت براسها عليه
غيث : مراد .. شوف الحكيم هيحتاج اي واعمل كل اللي هو عايزه .. شوف اي واحد فقير ف المملكه واعمل اللي هو عايزه حقق للناس طلبتهم متخليش حد محتاج حاجه اتحرك يا مراد
مراد بابتسامه : حاضر جلالتك
الحكيم بسعاده عارمه : حمدلله ع سلامتك مولاتي
ريحانه بابتسامه سعيده : حمدلله ع سلامتك مولاتي .. انا هروح انشر الخبر ده بسرعه
ابتسمت عشق بخفوت وجت جنبها نورسين : عارفه انا عايزه احضنك بس خايفه
عشق بضحك بسيطه : وانا عايزه احضنك بس مش قادره
حضنتها نورسين جامد وكأنها مشفتهاش بقالها مده وبعدت عنها وقربت منها وعد وحضنتها بنفس قوه والدتها : وحشتيني اوي يا مولاتي ..حمدلله ع سلامتك
عشق بابتسامه : وانتي وحشتيني .. مال رقبتك يا وعد
خبت وعد رقبتها بشعرها وقربت منها نورسين وشافت الجرح وشهقت : وعد حصل ده ازاي
وعد : مفيش .. مسكت السيف بطريقه غلط وحصل اللي حصل
غيث بعتاب : لي تعملي كده يا وعد .. وسايبه الجرح كده
وعد بابتسامه : مفيش حاجه والله انا كويسه اهو وزي الفل ده انا تربية الملكه عشق بس واضح اني هديها شويه طاقه من عندي بقي لان طاقتها خلصت
ضحك الكل ع مزاحها وليث عبس لانه عرف انها بتحاول تخليهم ميفكروش فالجرح ولام نفسه للمره الالف من ساعه ما مشيت من عنده
عمر بابتسامه : حمدلله ع السلامه يا عشق .. انا للحظه شكيت ان اللي قدامي دي تكون انتي بس فوقتي ورجعتي لطبيعتك ممرش دقايق
عشق لنورسين : خدي جوزك وامشوا انا تعبانه
غيث بسرعه : اجبلك الحكيم
عشق بابتسامه محببه لقلبه : انا بهزر يا غيث
بص عمر لنورسين وبعدين بص لليث وهي فهمت واخدت وعد وعمر اتكلم : اسيبكم بقي عشان تطمنوا ع بعض
هز راسها بقبول واتعلقت بانظارها ع ليث اللي واقف بعيد وندهت عليه بصوت خافت : ليث!
اتحولت الانظار ع ليث وهو قرب منها وقعد جنبها وعمر ونورسين ووعد طلعوا برا وهو مسك ايدها وباسها : حمدلله ع السلامه يا امي
ابتسمت عشق ورفعت ايدها بهدوء وحركته ع وشه بحنان وهتفت : انا اسفه يا ليث
ليث بسرعه : متعتذريش مولاتي ابدا .. لو حد كان محتاج يعتذر فهو انا مش انتي .. انا اللي كان كلامي متسرع ومكنتش عارف انا بقول اي .. انتي عمرك ما فرقتي بينا ابدا انا دايما اللي كنت بختفي لاني مبحبش كده انا اللي اسف يا ماما .. لان بسببي انتي وصلتي للحاله دي
عشق : لا حبيبي .. انا كنت تعبانه لوحدي
غيث بضيق : يعني كنتي تعبانه ومتكلمتيش ماشي يا عشق
ضحكت عشق ع جوزها اللي بتحسه ابنها مش جوزها وبس وليث ابتسم وباس ايدها وقام وقف
ليث بمشاكسه : اسيبك انا بكرامتي عشان بعد شويه كرامتي وهبتي كأمير هتروح ف الارض وهتطرد شر طرده وبعدين هرجعلك يا جميل
ضحكت عشق ع ابنها ومشي لبرا وغيث بصله بتوعد ضحك جامد وكان غيث هيقرب منه بس هو جري ع برا وعشق ضحكت جامد وابتدت  تكح وهو جري ناحيتها وجاب ليها كوبايه مايه
غيث : اشربي يا عشق .. اشربي ع مهلك
شربت المايه وشكرته وهو مردش عليه وقعد ع مسافه كويسه منها : انتي كويسه
عشق : ايوه .. هو حصل اي
غيث : تسمم .. بس المشكله انه سم بطيء يعني حتي مش عارف انتي اخدتيه امتي .. بس انتي قولتي انك كنتي تعبانه صح تعبتي من امتي
عشق : انا قعدت قد اي غايبه عن الوعي؟
غيث : قعدتي يومين .. يومين سيباني لوحدي ومش مهتمه بحد
عشق وهي قاصده تقول الجمله دي عشان تشوف حبه اللي دايما بتشوفه من غير ما تطلب : لو كان حصلي حاجه كنت هتعمل اي؟
غيث بعتاب : بتسألي يا عشق .. كان ممكن اموت وراكي يا عشقي
عشق : وعشقك سليمه اهو يا جلاله الملك
غيث : سليمه وشك الاصفر ده وسليمه! وبطلي جلاله الملك دي عشان متعصبنيش
ضحكت بخفوت وتأوهت بالم وهو ملس ع شعرها بقلق : ارتاحي يا عشقي ارتاحي
عشق : تعرف لو كان حصلي حاجه كنت هفتقد عشقي دي اوي
غيث : مكنتيش هتفتقديها لاني كنت هاجي وراكي وكنتي هتفضلي عشقي بردو
عشق : قرب جنبي يا غيثي بلاش تعمل مسافات عشان ده بيتعبني
قرب منها بابتسامه وحضنها بحب وخوف وهي ضمته بحنان وحب : انا تعبانه يا غيث
بعد عنها بسرعه : انا اسف .. طب اجبلك الحكيمه تاني
ابتسمت بحب وحركت وشها ع قسمات وشه اللي واضح عليها الارهاق والتعب : انت دوائي يا غيثي انت وبس
قرب منها بتوتر وطبع قبلات متنوعه ع وشها بحب وخوف وهي قربته ناحيتها اكتر بعد عنها : انتي لسه تعبانه يا عشقي
مردتش عليه ورفعت راسها بحفوت وطبعت قبلات متفرقعه ع وشه وجروحه دي بحب : وانت دوائي يا غيثي
ادته الاذن بقرب وهو عارف انه مش هيقدر يبعد بعد كده وباسها بحنيه ورقه اتحولت لشغف وجنون وهي محاوطه رقبته بايدها بتملك وحب وسرحوا مع بعض ف عالمهم الخاص عالم العشق الخاص بيهم وبس!!
&&&&&&&&&&&&&&&&&&&&&&&&
كارمن بدهشه : انتي بتقولي اي
علا : اللي حصل سموك .. الملكه عشق لسه عايشه
كارمن : ومين اللي قال الخبر ده
علا : ريحانه سموك .. وانتي عارفه انها مقربه للملكه زي دعاء وفعلا الحكيم قال بقت كويسه
كارمن : ازاي ده حصل
علا : معرفش
كارمن بضيق : روحي من وشي روحي
طلعت علا بسرعه من عندها وهي قعدت ع السرير بغضب واتكلمت بحده : كل مره بقول خلاص هخلص منك الاقيكي زي القطط بسبع ارواح .. متمسكه بالحياه بايدك وسنانك لي
&&&&&&&&&&&&&&&&&&&&&&&
مشي ليث ف القصر بشرود هو فرحان ان الملكه فاقت بس مين اللي عمل كده ؟؟ علامه استفهام كبيره مين اللي له مصلحه ف قتل الملكه غريبه!!
وقف وهو بيبص قدامه ع اللي قاعدين قريبين من بعض وضيق عينه بمراقبه ليهم وقرب منهم بحيث يسمعهم وف نفس الوقت بعيد عن انظارهم
شادي : والله انتي ما طبيعيه يا وعد
وعد : لي كده
شادي : يعني اي واحد من عامه الشعب يدربك انتي بتهزري .. ما قولتلك انا هدربك وخلاص
وعد : يا شادي افهم هو شاطر جدا جدا ف المبارزه وكمان بيدرب حلو اوي تحسه انه امير مش واحد من عامه الشعب كده وخلاص
ليث لنفسه : وعد وشادي وادربك!! يا ولاد ال استغفر الله
شادي : ولو يا وعد .. يعني هو اللي خلقه مخلقش غيره ويا ستي انا فاضي
وعد : انت شايف يا شادي .. انا قاعده هنا وانت كلها شهر وهتمشي هتدربني ازاي بقي
شادي : خلاص يبقي تعالي معايا المملكه .. الملكه هتفرح جدا
وعد : بقولك اي سيبها لوقتها حد عالم مش ممكن اتعلم قبل شهر وابقي لا عايزاك ولا عايزاه
شادي : ماشي يا لمضه انا عارف انك هتعملي اللي ف دماغك بردو
وعد : ولما انت عارف بتتعب نفسك لي
شادي : قولت يمكن الحجر يلين
وعد : لا مش بيلين ياخويا
بص عليهم ليث بغيز وهو بتيكلم بضيق : هما بيتكلموا مع بعض كده لي ولا اكنهم قاعدين وسط عامه الشعب مش امير واميره .. وهي مبتتكلمش معاه بحدود لي ده ابن عمتها مش اخوها هو يعني محلل ليها انها تتجوزه .. انا اي اللي انا بقوله ده انا كمان ناقصه هي .. ععععععع
لف بسرعه لما حس بصوت خفيف وراه ومكنش غير ريحانه اللي حاطه ايدها ع بوقها بتكتم ضحكتها اللي كانت هتفلت منها بص ليها ليث بشر
ليث بغيظ : تصدقي بالله قطع عيشك ف يوم من الايام هيبقي ع ايدي
ريحانه : لي كده
ليث : لا ابدا ده انتي ملاك
ريحانه : يعني انا غلطانه اني بنبه سموك يعني لو حد غيري  كان شافك كان هيحصل اي دلوقتي
ليث بسخريه : لا فيكي الخير والله
سكت شويه وبعدين بصلها : ف حاجه عايز اكلمك فيها بس معرفتش عشان تعب الملكه
ريحانه باستغراب : ف اي
ليث : مش هنا تعالي
ومشي قدامها وهي مشيت وراه باستغراب وراحوا ف مكان بعيد عن العيون واتكلم بجديه : ف اي بينك وبين الامير مراد!!!
&&&&&&&&&&&&&&&&&&&&&&&
مر شهر بسرعه وعشق حالتها اتحسنت وغيث مكنش بيفارقها وكان ع طول معاها هو او نورسين ومكنش بيبعد عنها غير ف القواضي او الاجتماعات المهمه بس وعشق قابلت الشعب بنفسها عشان تطمنهم عليها وقالتلهم انها بفضل دعائهم هي لسه عايشه لحد دلوقتي .. مراد وريحانه مفيش اي حاجه حصلت بينهم كل واحد بعيد عن الثاني وريحانه مبتحاولش تقرب منه او تتواجد ف مكان هو فيه ولو صدف وكانت موجوده بتمشي بسرعه وعاده بتكون موجوده بسبب الملكه عشق او ممكن يشوفها صدفه بس محدش فيهم بيتكلم مع الثاني وكل واحد فيهم مستني الشهر يمر عشان يعرف هيحصل اي .. ليث و  وعد اتقدمت علاقتهم كتير بس مش كـ ليث الامير لا كـ اليس الحداد والمدرب الخاص لوعد ف الفتره دي انما ف القصر فكان الكلام معدوم مبيتكلموش مع بعض وليث محاولش ولا مره يكلمها وبيكتفي بالكلام معاها اثناء التدريب وبس وهي محاولتش تكلمه وقربت من اليس اكتر بس لسه ف شعور غريب جواها هي مش عارفه هو اي وليث لسه بيضايق لما يشوفها مع شادي وميعرفش سبب الشعور ده بس بيضايق والود وده لو يقتله ويخلص منه .. شادي لاحظ ضيق ليث وغيرته الواضحه ع وعد لما بيكون معاها فبقي يتعمد بكلم وعد ف الوقت اللي يكون ليث موجود فيه او حاسس انه بيراقبهم عشان يشوف غيظه منه .. كارمن بتخطط ازاي تخلص من ريحانه لان كده الموضوع زاد عن حده كتير وبتدور ع طريقه مناسبه لحد ما لقتها!
&&&&&&&&&&&&&&&&&&&&&&&
قربت ريحانه من الجناح الخاص بمراد بعد ما عرفت انه طلبها وافتكرت ان كده الشهر خلص ودلوقتي القرار النهائي الحرس سمحوا ليها تدخل ودخلت فعلا بس وقفت مكانها وهي بتسمع وتشوف اللي بيحصل قصادها
كارمن : يعني الحشره دي كانت فاكره انك هتقع ف حبها
مراد : تخيلي .. انا الامير مراد ف الاخر احب خدامه عندي وعند مراتي تخيلي
كارمن : امال انت سبتها تعمل كل ده لي
مراد : عشان تعرف مقامها كويس وتعرف ان انا مش لعبه عشان تنتصر بيها ع حد
كارمن : وانت ناوي تعمل فيها اي
مراد ببرود : ولا حاجه .. خليها متعلقه بامل وحبال دايبه .. شويه وهقولها ف وشها انها تاخد حاجتها وتغور من هنا
كارمن بسعاده : حبيبي .. ربنا يخليك ليا
ابتسم مراد ببرود وهي دمعت من صدمتها كان .. كان نفسها يكون حتي ولو 1 ف الميه مشاعر بس واحد ف الميه بس طلع كله كدب حتي موافقته كانت كدب رجعت لورا ومشيت بسرعه ع اوضتها وهي بتفتكر الكلام اللي سمعته من شويه وعيطت جامد!
&&&&&&&&&&&&&&&&&&&
كان بيقلع الزي التنكري بعد ما رجع ف نفس الوقت دخلت عليه وعد عشان تقوله ان الملكه عايزاه بس اتصدمت لما لقت اللي قصادها اليس مش ليث
وعد بصدمه : اليس .. انت ازاي ..
سكتت وهي بتحاول تستوعب وهو بص ليها بصدمه وبعدين اتحول لجمود وهي ربطت الخيوط ببعض من ساعه ما كان بيقع ف الكلام قصادها وهي مكنتش بتفهم حاجه لما حست ان ف شبه كبير بينه وبين الامير ليث ف كل حركاته وتصرفاته دلوقتي عرفت لي حست نفس الشعور اللي بتحسه قصاد ليث معاه
بصت عليه وعينها مليانه دموع وطلعت فجأه زي ما دخلت فجأه وليث بص مكانها بغضب ورمي هدومه ع الارض بحده وهو بيتحرك ف الاوضه وقرر ان ينتهي من اللي بيعمله ده وبعدين يفهمها كل حاجه هو مش مهتم بس مبيحبش حد يبصله بنظره اتهام او خيانه او كذب ابدا!!
&&&&&&&&&&&&&&&&&&&
دخل ليث ع جناح مراد ومراد بصله وليث هز راسه بايجاب وكأنه عارف مراد هيسأله يقوله اي وبدون مقدمات مراد مسك ايد كارمن جامد ومشي بيها وهي اتصدمت
كارمن بصوت عالي : مراد .. مراد ف اي
مراد بحده : اسكتي خالص
كارمن : ليث حصل اي .. ليث
بس مردش عليها ومشيوا الاثنين واتجمعوا ف الغرفه اللي موجود فيها عشق وغيث وعمر ونورسين ووعد وادي وهم واقفين مستغربين ورمي مراد كارمن جامد تحت رجلين عشق
غيث بغضب : مراد انت اتجننت
مراد بصوت غاضب : الحيوانه دي هي اللي سممت الملكه
اتصدمت عشق وبصت تحت ناحيتها وهي اتصدمت من ان لعبتها اتكشفت كانت متخيله انها مش هتتكشف بس
كارمن : مراد انت
مراد : قسما بالله لو فتحتي بوقك بحرف واحد لهتلاقي اسلوب تاني خالص
عمر : اي اللي بتقوله ده يا مراد انت عارف انت بتقول اي
ليث: ايوه انا ومراد عارفين كويس اوي الكلام اللي بنقوله
نورسين : انت كمان !! هو ف اي يا ليث فهمنا
مراد : اقولك يا مولاتي .. الاميره المحترمه كانت عايزه تسم امي عشان توصل للعرش وده طبعا بمساعده اهلها
غيث  : توصل ازاي للعرش وانا موجود
ليث : لان الكل عارف جلالتك متعلق قد اي بالملكه فلما الملكه تموت انت مش هتكون مركز ولا احنا حتي مركزين ف ساعتها الوصول للمنصب هيبقي سهل لان ساعتها بردو هيقتلوك مولاي
حجظت عين عشق بصدمه من فكره انهم كانوا عايزين يقتلوا غيث وبصت لكارمن بغضب ونزلت لمستوها ومسكتها من شعها ووقت وكارمن وقفت معاها وهي بتصرخ
عشق بزعيق : اسكتي خالص والا قسما بالله هقطعلك لسانك ده خالص .. انا كان ممكن اتهاون معاكي ف حقي انا بس انتي كنتي عايزه تخلصي ع الملك عايزه تخلصي ع جوزي وده اللي مستحيل اسامح فيه انتي فاهمه
انتفضت وعد من مكانها بصدمه سمعت كتير عن صعبيه الملكه وشدتها بس عمرها ما شافتها ولا جربت ودلوقتي هي شايفه قدامها وحش كاسر مستعد يقتل اي حد ف اي لحظه
مراد : وطبعا بم انها مراتي فالشك مش هيكون فيها بس نسيت حاجه مهمه اوي
مسك ايد ليث وليث بصلها بشماته واتكلم : طول ما ليث ومراد امراء للمملكه دي ومع بعض اي حد هيتعرض لينا هيتقتل
ليث : ومن الغباء للمره الثانيه .. ان خادمتها العزيزه نسيت تخبي علبه السم اه والملكه السم كان سم سريع مكنش بطئ ولا حاجه والحكيم قال كده لان الاميره هي اللي طلبت منه يقول كده ودلوقتي هو بياخد جزائه
دخلت دعاء ومعاها اثنينحراس ووسطهم علا اللي رعب كارمن اكتر ونفسها تصرخ بس مش قادره لان عشق هددتها وهي مبترجعش ف كلامها لو حصل اي
مراد : اتكلمي .. اشرحي ليهم حصل اي
علا بدموع : الملك والملكه طلبوا من كارمن تعمل كده وعشان كده كارمن اتجوزت الامير مراد عشان يبقي ليها السلطه انها تقعد ع العرش .. وهما اللي قالوا ع طريقه السم دي وانا كانت سموها بتبلغني وانا بنفذ بس انا مكنتش عايزه اضرك مولاتي صدقيني
قرب مراد منها جامد وضربها بالقلم واتولي هو مهمه عشق ومسكها من شعرها : لولا انك مراتي وانك من عيله ملكيه لكنت قطعتك ورميتك للناس عشان تبقي عبره لغيرك .. انتي طالق وياريت مشوفش وشك من اللحظه دي لاني والله العظيم حايش نفسي عني بالعافيه لانه كله الا عيلتي يا سمو الاميره
قربت عشق منها وهي ماسكه خنجر صغير ف ايدها اتصدم غيث منه بس قبل ما يحلقها كانت عشق معوره وشها صرخت عليها كارمن بفظاعه واتكلمت عشق بعصبيه وجحود : ده عشان تقولي لاهلك انك اتكشفتي وابقي قولي ليهم ان ده سلام من الملكه عشق .. كله الا عيلتي وولادي ويلا يا حرررس
دخلوا جوا بسرعه وليث سبقها : تاخدوا الاميره وترموها قدام القصر اما انتي .. اشار لعلا .. فا انتي هتفضلي هنا يلا اتحركوا
وفعلا اخدوا كارمن اللي مش حاسه بحاجه غير الالم وبس وبتصرخ بشكل هيستيري وراح مراد لعشق وغيث وبص ف الارض
مراد : انا اسف .. انتوا كنتوا هتروحوا مني بسببها انا السبب لانها دخلت هنا
غيث بابتسامه : بس انت مغلطش .. واديك اهو جبت حقك وحقنا كلنا انت واخوك .. انا فعلا فاللحظه دي متأكد ان المملكتين ف امان طول ما انتم فيها
ليث : واحنا فدا للمملكه جلالتك لاننا قبل اي حاجه فااحنا من الشعب .. احم عايز اتكلم مع وعد شويه
عمر بهدوء : ف اي
ليث : متبقش قفل بقي يا عموري الله .. هتكلم كلمه وهرجع يا اخي
ضحك عمر وشاور لوعد براسه انها تروح معاها وهي راحت معاه بس عشان باباها وفضلوا واقفين مش عارف يقول اي ولا يبدأ باي وكان هيتكلم بس قطع عليهم شادي
شادي : يلا يا وعد
وعد : ماشي بس اشوف سمو الامير
ليث بغيره : يلا ع فين
وعد بهدوء : انا همشي مع شادي لمملكته عند عمتي
&&&&&&&&&&&&&&&&&&&&&&&&&&
مراد : بابا ماما ف حاجه عايز اقولكم عليها
عشق : خير يا مراد
مراد : بس ثواني .. دعاء ممكن تنادي لريحانه
نورسين : وانت عايز ريحانه ف اي
مراد : دقايق وهتعرفوا
عشق بهدوء : بس ريحانه مشيت من القصر ومش راجعه يا مراد
******************************************
طبعا الحلقه طويله اهو اوعدكم اوعدكم هتبقي قصيره بكره متقلقوش
.... يتبع
#Nemo