الكاتب_احمد_رحيم
محبوبتي بائعة الحرمل
البارت الثالث عشر
عذراء: مرت ايام ورجعت جمانة وانصدمت من زواجي من الحجي
وسام كل خبر ما احب اسمعة عنة متراهن علية الحقير
والله سترني وازوجت الحجي واحاول اتوب واكفر عني اخطائي
الكلية تركتها
ومرت الايام وبطني كبرت وجمانه استغربت وكتلها حامل صرت بشهر السابع قرر الحجي نسافر لغير محافضة كم شهر الا ان اولد وسافرنة.....
وسام : مرت الايام وخلصت المدة الي كتلها عليها ورحت اشوفها بلكي هدئت واهذها واروح نعقد
بلرغم من المشاكل الي صارت بين اهلي وبيت عمي
اتصل عليها كله مغلق
رحت الها للبيت ادك الباب ماكو محد يطلع وبقيت ايام اروح لبيتها بس ماكو فايدة محد يطلع واخاف اسئل الجوارين
بعد شهر شفت اخوها طالع من بيت الي بصف بيتهم
صحتله وسئلة وجان انصدم اتخبلت عذراء ازوجت ومنو حجي حيدر شريكي بتجارتي
ياويلي حبيبتي راحت مني
الا انتقم منها
كل هذا الحب والمشاكل عافتني وازوجت هذا الشايب
اي فگر هي وطمعت بفلوس هذا الشايب
حقها
ومرت ايام واني اخطط شون انتقم من حجي واحاول ادبر اله فد تجارة فاشلة بس هو ذكي ماتعبر علية
وبعد كم شهر گال مسافر اني وفك كل الشراكة الي بينه....
حجي حيدر: اشكد حاولت اعرف منو الي دمر حياتها ماتقبل تگولي بعدها ائيست منها
عاملتها معاملة قاسية ع طول اسمعها كلام يجرح
ليش هيج رخصت نفسها
وكلما اشوف بطنها تكبر اموت قهر وادعي ل الله كون يسقط
بعدين قررت اخذها لغير محافظة لا الناس تشك بيها
سافرنة وفتحت فرع ثاني لتجارتي والله وفقني سبحان الله ورزق مو طبيعي بلتجارة
بعدها ولدت عذراء بنية
تشبه امها
وبقينة سنة ونص ورجعنة البنية حيل محبوبة
صار الوقت الي اطلك بي عذراء فاتحتها بلموضوع گالت بكيفك
اتمنيت تكولي لا تطلگني اريد ابقة
بس گالتلي بكيفك
احتاريت شسوي واني اتعلقت بتها مريم
وگذالك گلبي حن الها وما اريد اعيفها واتمنيت زواجي منها مو بس ع ورق
رحعنة وصيت عذارء اي شخص يسئلج اشكد عمر بنتج كوليلة سنة و 3 اشهر لا تكوليلة سنة ونص
گالت اي
ومرت الايام واني مغلس ع موضوع الطلاق وكلما تحجي وياي اخاف منها خاف تكول طلگني.....
عذراء: رجعت. وشايله هموم الدنيا وما انسة الي صار وياي وادمرت حياتي وازوجت شايب صح مامقصر وياي بس اني بعدني شابة ليش هيج
اخذت مريم ورحت لل سوك وبعدها رحت للمطعم جمانة عزمتني
خلصنة غدة
وجان انصدم .......
وسام: عندي اجتماع ما الحك اروح للبيت اتغدة وارجع رحت لمطعم حتى اتغدة
دخلت المطعم وجان اشوف عذراء وياها اختها وبتها
فز گلبي من مكانة بنتي هاي اي معقولة
رحت ل عذراء هي ارتبكت وگالت لجمانة اخذي مريم وخلينة
كعدت وياها
وگبل سئلتها هاي البنية بنتي هي ضحكت
لا مو بنتك هاي بنتها سئلتها اشكد عمرها گابت سنة گالت سنة و شهرين
واني مو حامل بس ضحكت عليك لخاطر نزوج
گلبي غليان منها حقد عافتني وازوجج الحجي
گتلها اي فگر انتي وتدورين فلوس لذالك ازوجتي شايب وكبل خلفتي من عندة حتى تاخذين املاكة هي هم ضحكت وگالت اي هو هيج
انت اتراهنت علية
واني طمعانة بيك يعني متعادلين وحدة بوحدة
محبوبتي بائعة الحرمل
البارت الرابع عشر
عذراء: اريد اطلع الي بگلبي وما اخلي شكو كلمة مو زينة اگولها اله حقير منحنط الله لايوفقة متراهن علية
بس گلت لا ما ابين اله كسرني وحطمني وقشمرني عادي ولا عبالك شي صار
وفعلا هيج بينت اله ولا مهتمة
وكذالك گتله جنت طمعانة بي ......
وسام: اشكد قهرتني بودي اضربها اموتها احضنها ابوسها هاي محبوبتي يالله شنو هل التناقض بلمشاعر حب وكره سوة
مامعقولة جانت تمثل علية حبها كان صادق اي والله
اووووف يالله ليش هيج هي تركتني وفضلت الشايب علية وازوجت وخلفت بنوتة واني باقي وفي الها وما ازوجت ولا احب ازوج وكومة مشاكل صارت وي بيت عمي......
حجي حيدر: طلعت وي اختها وحاط ايدي ع گلبي خاف رايحة لحبيبها
ما اتحملت رحت للبيت انتظرتها باب البيت
اجت
دخلت للبيت اتعاركت وياها ليش اتاخرتي ها شفتي حبيبج رحتيلة اخذت موبايل گلبته ما لگيت شي اي اكيد انتي ماسحة كلشي وموصيتة مايتصل
ضربتها وگتلها هسة تحجيلي
هي ما حجت شي بس تبجي
ومريم شافتني اضرب امها اصيح بقت تبجي
اخذت مريم وطلعت للمكتب هل البنية احبها محبوبة سبحان الله ومحروم من الذرية ومن اسمع كلمة بابا منها اطير من الفرحة وانسة الهموم كلها......
وسام: كملت اجتماع ورحت للحجي اي اريد اقترب منه وهذا الي فضلتةعلية اخسرة كل املاكة واكعدة ع الحديد هيج انتقم منها
رحت للمكتب ودخلت شفت الحجي وبنته
سلمت علية وفاتحتة بلموضوع نرجع لموضوع الشراكة
گالي افكر
وبعدها شلت مريم وبستها وعطرها مثل عطر امها
اسـأذنت من الحجي گتله حاب اشتريها فد لعبة خليني اخذها
الحجي گال تبجي مامتعودة بس علية و ع امها
هسة الصانع راد ياخذها بقت تبجي
گتله اجرب اشو اخذتها مابچت وقبلت تجي وياي يا الله فرحت والحجي استغرب گال هاي معجزة اخذها
اخذتها وافتر بلمحلات ادور ع شي
ابوسها واحضنها
واگول الها هاي البوسة الج
وهاي البوسة ل امج الخاينة
وهايالحضنة الج وهاي الحضنة ل امج الخاينة
اشتريت الها سلسال ذهب وبعدها بلقلم الجاف كتبت تحت ملابسها ع كتفها حرف الواو ورشيت الها من عطري ورجعتها للحجي وكانت كلش فرحانة.......
عذراء: شما يسوي بيه ابقة مديونة اله ولا احجي كلمة اخذ بنتي وراح
وبليل رجعلي اعتذر من عندي
شفته شاري سلسال ذهب اشكد فرحت حاسبها مثل بنته
گتلها مشكور ع السلسال گالي هدية اجتها من صديقي
ضحكت گتله اي اخذها كل يوم حتى يشترولها
شميت عطرها يمه هذا عطر وسام نفس العطر
رحت للحجي كتله منو هذا صديقك الكريم الي يشتريها سلسال
گال شريكي القديم وسام
اني گوة بقيت واكفة ع رجلية
كبل نزعتها ملابسها ما اريد اشم عطر هذا الخاين الحقير
وجان اشوف كاتب ع كتفها حرف و
الحقير يهددني
لبستها ملابسها ورحت للحجي
گتلها هاي بنتي وما اخليها بعد تروح وياك للمكتب ولا اخلي احد يلمسة غير انت واني
ونزعتها السلسال وشمرتة علية
وگتلها رجعة لصديقك
گلي هاي شبيج اتخبلتي قبل اشوي تگوليلي كل يوم ادزها وياك هسة تگولين ما اخليها تروح وشمرتي السلسال
أنت تقرأ
محبوبتي_بائعه_الحرمل
Misterio / Suspenso#محبوبتي_بائعة_الحرمل البارت الاول عذراء...عمري 21 سنة عيوني خضر رشقية طولي 160 بشرتي بيضة شعري اسود لجوة الخصر طالبة هندسة مرحلة ثالثة كان بخاطري طب حاولت وبذلت جهد اطلع معدل طب مكدرت لنو مگدرت ادخل دروس خصوصية والدراسة بلمدارس الحكومية مو مثل الخا...
