همسات لقلبك

العشره من ذي الحجة

صلوا علي من ياتي يوم القيامه ويقول امتي

لااله الا انت سبحانك اني كنت من الظالمين

هو خلاص بگرة أول عشر أيام من ذي الحجةة صح ؟!🙈

طب ورقةة و قلم ولازم تكتبي كل الاعمال دي فيها واوهي تأجلي 💙

بس قبل مانكتب لازم نعرف شوية حاجات تشجعنا ..

قال تعالى :- { وَالْفَجْرِ * وَلَيَالٍ عَشْرٍ }
_ ايه ده هى مهمه اوى كده عند ربنا لدرجةة أنه سبحانه أقسم بيها !

أخرج البخاري من حديث ابن عباس رضي الله عنهما انه قال رسول الله صلى الله عليه وسلم: ما من أيام العمل الصالح فيها أحبّ إلى الله من هذه الأيام - يعني أيام العشر - قالوا: يا رسول الله ولا الجهاد في سبيل الله ؟ قال: ولا الجهاد في سبيل الله، إلا رجل خرج بنفسه وماله فلم يرجع من ذلكك بشيء .💙

= يعنى ايييييةةةة ؟
يعنى اللى زعلت انها ضيعت رمضان منها ومقدرتش تعمل اللى كانت مخططاله
اهو ربنا ادانا فرصةة بس متضيعيهاش هي كمان ، ربنا ادانا فرصةة أكبر من فرصةة رمضان !💙

رسولنا الحبيب قال :-  " أفضل أيام الدنيا ايام العشر "
يعنى أفضل من رمضان .. اللى من صامه أو قامه إيماناً واحتساباً غفر له ما تقدم من ذنبه !!! أجرها أكبر تخيييلي ؟!💙

أما بالنسبةة للصيام بقى  !
صيام يوم هيكفر ذنوب سنتين !! وهو يوم عرفه 🌸

نجتهد فى الصيام على قد ما نقدر احنا عايزين نكفر عن ذنوبنا والله اگيد احنا مش انقياء وعندنا بلاوي مش هينفع نقابل ربنا بيها ..
الصيام أجره إنه بيبعد عن وجهك النار 70 خريفا 🌸
احسبي بقي 9 ايام في 70 خريف بگام ؟!
وطبعاًا الأجر ده بيتضاعف أضعاف مضاعفةة فى ذى الحجةة ..

رسولنا الحبيب قال :-
" يوم عرفةة يكفر السنه الماضية والسنة القابلةة " 💙

اللي حاسه انها قصرت في رمضان دي فُرصتها .. اللي حاسه انها في قلبها شىء من الفتور أو أنتكاسةة دي فرصتها علشان ترجع بقلب سليم ❤

هما 10 ايام بس مش كتير والله لكن عند الله أعظم وأفضل أيام فى السنةة كلها 💙
طيب هعمل ايه علشان أنال الثواب العظيم ده ؟

مبدأيا كده طاعاتنا أو عبادتنا هتبقى إزاى طول اليوم 💜

1 _ ال 5 فروض دة شيء اساسي
طبعًا الصلاة على أوقاتها يعني الأذان يأذن على طول أتوضي  وصلي " فَوَيْلٌ لِّلْمُصَلِّينَ ، الَّذِينَ هُمْ عَن صَلَاتِهِمْ سَاهُونَ "
بعديها ع طول أذكار بعد الصلاة المفروضة ..

" اللي بتأخر الصلاة خليكي ع وضوء عشان اول ماتقومي ع طول تصلي ومتگسليش "

2- صيام هذة الأيام و ان لم تستطيعي فلا تحرمي نفسك من صيام يوم عرفةة ولا تحرمي نفسك من ثوابها
" قولنا بيكفر ذنوب سنتين شوفي انتي بتعملي كام ذنب في اليوم الواحد دة تكفير 730 يوم بإذن الله 💙"