فتاة ابكاها القدر

آلَبـ❣ـہآرتـ❣ـہ آلَثـ❣ـہآمـ❣ـہنـ❣ـہ

سما : عفت شموسة يم خالتي ورحت اسوي جاي
ما اسمع غير صريخ شموسة
يمة بنتي اجيت اركض وجانت صدمت عمري ....
البيت انخبص وحسين اجة يركض ضل يصيح خبص الامة شال شمس وركض اخذ السيارة وكبل للمستشفى من وصل انطاهة للدكتور بس شنو ميتة لا نفس ولا تحرك جسمهه
الدكتور : اسف ابني بس الطفلة ميتة الكهرباء واصلة لكللبهه هو هذا نتيجة الاهمال البقة بحياتك ...
حسين : لا ربي ليش اخذتة مني هاي رويحتي لا يالله اخخخخخ شموسة بابا اكعدي 😭😭😭
سما : من شفت بني بهذا المنظر تخبلت ضليت اكسر بالغراض واغلط على روان حتى ردت اضربهه كلة من وراجن خسرت بنتي ...😭😭
حسين : خذتة من المستشفى ودفنتة لان اعرف اذا اخذهه لسما راح تتخبل لان متعلقة بيهه كلش نزلتة للكبر واني مقبلت اطلع ردت انام يمهه بنيتي هاي قطعة من جبدي ليش تروح من ايدي 😖😭
رجعت للبيت واخوي وياي كوة يسحل بية
تلكتني سما ...
سما : هااا ماتت موو ماتت ارتاحيت كلتلك اروح لاهلي بس انت مقبلت شلون تعوف امك
امك هي الي موتت بنتي والطم على صدري هئ هئ
حسين : وامي شعليهه هذا اهمالج انتي
سما : ولك يا اهمال عفتة يمهن ورحت اسوي سم الهن وهنة مو بحال الطفلة الله لا يوفقهن وانشالله حوبت بنتي وحوبتي ما تخطيجن حرمتني من بنتي
حسين : ما اتحملت تحجي على امي ضربته راجدي اشوو هاي انهارت ضلت تعيط
سما : تضربني موو لان تدري بيهن غلطانات وترجع تضربني والله دقيقة ما ابقة يمك من وراكم خسرت بنتي الي جنهه وردة طالعة وعافية الييت الهن ..😣😣
حسين : طلعت من البيت وضربت الباب حيل
سما : عفت كلشي ورحت لامي امي الانسانة الوحيدة الي مأذتني دكيت الباب
وطلعت امي ..
ام مريم : يااا اسم الله يمة بنتي شبيج منو وياج
سما : شمرت روحي بحضنهه وابجي بكل قوتي ودموعي تنزل مثل المطر ...
ام مريم : يمة شبيج ضاربيج موو زين بنتج وينهه
سما : اخخخخخخ بوية يمة بنيتي راحت من اديه راحت
ام مريم : شنو راحت ولج احجي
سما : شموسة ماتت يمة من وراهن
ام مريم : عزا العزاني يمة بنيتي ماتت سودة بوجهي ولج شلون كليلي وليش مخابرتيني هاا
سما : يمة اني خليت شمس يمهن ووو .......
هذا كل الي صار
ام مريم : اسمعي يمة رجعة لحسين ماكو
من تزوجتي لهذا يومي وانتي بس مشاكل ويومية زعلانة وميحجي وي امه واختة بس كدرتة عليج
يمة كلتلج ميفيدج بس انتي دكيتي رجل الا هو
وهاي خسرتي بنتج واذا ترجعين يمكن هم اخسرج لان مو بعيدة يكتلنج
سما : هذا هو يمة ما أرجع بعد مليت اخخخ بنيتي 😟😖😭
🌼🌼🌼🌼
مريم : خابرتني سما تبجي ..
هااا سمسمة شبيج .. نصدمت من كلتلي شموسة ماتت حبيبتي متعلقة بيه كلش وهي هم تحبني
تخبلت ..ضليت ابجي 😭
سما حبيبتي هسة اجيلج يلا بااي
سديتة من سما واني ابجي بكل صوتي
انفتحت باب غرفتي ودخلت خالتي هاا مريم
شبيج ليش تبجين
خالة بنت اختي ماتت ..
ام رضا : ياا وهيج كلبتي الدنيا هي كله عمرهه شكم شهر شنو هالعيارة
مريم : شبيج خالة عالاقل احترمي حزني
ام رضا : ياا وشكلنة قابل عشووو
مريم : هاي شبيهه خابرت رضا رضا تعال وديني لاهلي
رضا : خير صاير شي
مريم : بنت اختي ماتت
رضا : البقية بحياتج هسة جاي اني بالطريق
مريم : جان رده مال واحد ممهتم هه صدك لو كالو الوجعة ما توجع غير راعيه
اجة رضا وصلني ودخل وياي سلم على امي واختي وواسهه وطله طلع
اني من شفت سما هيج مكسورة فقدت بالبجي يعني احنة يتمات وما ارتاحينة بحياتنة
خطية اختي متهنت بزواجهه وانوب كملت خسرت بنتهه المهم ضليت بيت اهلي تقريب
اسبوع ورضا ماكو لا اجة ولا خابر يمكن مرة وحدة
واني اتصلت عليه
😲
نسيت اكلكم انو بهالشهرين عيالي تعاملهم وياي تغير يمكن جانو يمثلون اشو عمي ميجي للبيت وخالتي اربعة وعشرين ساعة لازمة الموبايل ورضا تغير وياي حتة مرات يضربني على شغلات تافه
اوووف كلت راح ارتاح بحياتي بس شلون تكمل
الله يستر من الجاي ....
😟