فتاة ابكاها القدر

آلَبـ❣ـہآرتـ❣ـہ آلَخـ❣ـہآمـ❣ـہسـ❣ـہ

مريم : ضليت على تواصل وية رضا مجرد سلام بينة بس احسه ضام علية شي ...
رضا : لازم اكول لمريم بعد ما اكدر اضم هالشي راح يصير سنتين لازم تعرف خلي اتصل عليهه ....📱 الوووو.
مريم : الوات هلوو رضا شلونك
رضا : هلا بيج مريم بخير انتي شلونج
مريم : بخير ..😁
رضا :مريم اريد احجي وياج بموضوع مهم ممكن🙂
مريم : اي تفضل 🙄
رضا : اريد اتقدملج توافقين عليه
مريم : ضليت فاتحة حلكي من الصدمة شنو انت 😮
رضا : اي ليش بيه شي اني 🤨
مريم : لا مبيك شي طبعا
بس انت وين واني وين يعني قصدي مو من مستواك 😏
رضا : تحجين صدك مريم ليش تفكرين هيج بية لو افكر بالفرق المادي بينة جان مخطبتج بس اني اني ....
مريم : انت شنو 🙁
رضا : اني احبببببببج مريم 😌
مريم : شنو تحبني وليش تحبني
رضا : بربج هذا سؤال ليش تحبني
احبج الج احب روحج احب كلشي بيج
وهسة توافقين
مريم : افكر وارجعلك خبر 😔
رضا : براحتج فكري بس اتمنى ما ترفضين
مريم : يلا بااي
رضا : باي
💐💐💐💐💐💐💐💐💐💐💐
عمار : بس كليلي انتي شنو من ام ليش بنتج تبجي
ريم : يوووو شبيك خبصتني ادري هي مو بنتك
متشوفني احجي وي صديقاتي
عمار : لج بنت الكلب شنو هالاسلوب اكو وحدة هيج تحاجي رجلهه بس الضاهر نطيتج مجال اني ردت اضربهه اجتي امي تركض لا يمة لا تضربهه اني اخذ الطفلة ماكو داعي تكبرون السالفة وانتي ريم خالة شوي لسانج 😀
ريم : يووو خالة شنو اثنينكم عليهه
خلت وطلعت من الغرفة
عمار : شفتي بنت اختج واسلوبهه شلون بلله تردين اكمل حياتي وياهه هاااا مو هاي الي ردتي بنت الحسب والنسب اكليهه يمة اني طالع بااي 🤨
ام عمار : اششش كافي حبيبتي كافي يبعد بيبتج 😍
عمار : اووووف يا ربي والله تعبت لا اكدر انسى مريم ولا اكدر اعيش وي ريم صعب اختبارك الهي 💐💐💐💐💐
رجعت بالذاكرة قبل سنتين ... مريم بعد لاتتصلين بية ماشي عندي شغلة مهمة
بااي ..سديتة منهه وبجيت اخخخخ مريم الانسانة الوحيدة الي حبيته من كللبي
رجعت للبيت روحي طالعة
ام عمار : هاا يمة فكرت بالموضوع
عمار : سوي الي تردي يمة بس اتذكري هذا الشي الي راح يصير بس حتى ما اخسرج سمعتي يمة راح اضحي بسعادتي لخاطرج
ام عمار : والله يمة اني لمصلحتك وانشالله بمرور الوكت راح تحبهه لمرتك وريم حبابة يمة
🙄
عمار : صعدت لغرفتي واني روحي طالعة ردت اخابر مريم بس تراجعت ما اريدهه تتعلق بية
شنو ذنبهه نمت اريد بس انسة
ابو عمار : عمار بابا كاعد لو لا 🙁
عمار : هاا بابا تفضل ..
ابو عمار : هاا ابني شلونك شنو السالفة اشو منشوفك بالصدف شخبارك
😁
عمار : بخير بابا
ابو عمار : امك كلتلي تريد تتزوج خطبتلك بنت خالتك شنو رأييك موافق
عمار : اكيد بابا لعد شلون تخطبلي امي غير موافق
ابو عمار : والله ما اعرف بس احسك ضايج اذا متريد تتزوج هسة اخابر خالتك واكوله انت متريد تتزوج
عمار : لا بابا هاي هي موافق
ابو عمار : على بركة الله بالخير ابني انشالله اشوف ولد ولدك
عمار : ويبارك بيك يالغالي 😔
المهم صارت الخطوبة والزواج باسبوع طبعا متواصلت وي ريم
يووووووووم العرررررس
عمار : اجوي جماعتي وياي ورضا هم زفوني
صار زفتنة بالبيت مقبلت اني بس ريم رادت بالفندق
رفضت هذا الشي
دخلت لكيت ريم كاعدة ومنتظرتني
كلتلهه بدلي واخذي راحتج رايح اسبح
دخلت للحمام جان خاص بغرفتي سبحت وطلعت لكيتهه لابس سيت نوم ابيض
اجتي كعدت يمي ضلينة نسولف شوي
بعدين هي بدت وياي بس الصار كله واني اتخيلهه مريم كملت وطلعت نطيت البياض لامي وجانن خالاتي هم موجودات
عفت ةلبيت وطلعت تقريب ساعة ورجعت افتريت بشوارع بغداد ومريت من شارع مريم وبجيت شكد تمنيتج انتي مرتي بس بعد القسمة ضليت واكف وبعدين حركت سيارتي
ورجعت للبيت تلكتني امي يمة وين جنت
عمار : برة ضجت وطلعت
ام عمار : روح يمة لمرتك منتظرتك
عمار : صار يمة رايح
ريم : هاا حبيبي وين جنت
عمار : برة افتريت ورجعت تعشيتي بعدج
ريم : لا بعدني منتظرتك
عمار: يلا خلي نتعشة
مشت حياتي وي ريم عادية بس مو هالكد علاقتنة حلوة يعني اني السبب مو هي .....
ريم : هلاوو اعرف عن نفسي اني ريم بنت خالت عمار مستوانة المادي نفس عائلة خالتي متخرجة وكاعدة مواصفاتي حنطية وعيوني سود ورموشي طويلة جسمي متناسق ..عمري ٢٠سنة واني صغيرة جنت احب عمار واحاول بأي طريقة بس ميهتم الى ان بيوم خالتي خطبتني لعمار
بس شنو ممصدكة 😍 معقولة حب حياتي يصير الي 💃🎶
صار العرس مالتنة خلال اسبوع بس عمار احسة مفرحان ما اعرف ليش بس يجي يوم واعرفك
مشت حياتي وياه مملة صرنة نتعارك على اتفه
سبب اني احبه وهو لا
ولا مرة كلي احبج او سمعني كلام حلوو واذا
يتقربلي ببرود
اخخ عمار دمرت حياتي وياك متوقعتك هيج
ورة شكم شهر طلعت حامل فرحت حيل كلت بلكي عمار يتغير بس من كلتله عادي ولا كانوو راح يصير تندة ابن يلا اشوف وين توصل وياك
صرتي بشهري كاعدين عالغدة اني وخالتي وخالي وعمار حسيت بألم قوي شوي شوي يقوة ما اكدر بعد كلتلهم لحكولي راح اموت بطني اخخخخ يمة
عمار انخبص وخالتي رأسا لبسوني عباية واخذوني للمستشفى جبت طبيعي جبت بنية
فرحت حيل وحتى عمار طار من الفرح
كال اني اسميهه
سماهه مريم وأذن بأذنة ورجعت للبيت
حياتي مشت عادية ما تغير شي بعمار
بعدين كلت خلي اتغير وما اهتم بعمار بلكي ينتبه عليه بس ولا تغير
بنتي كبرت وصار عمرهه ٧ اشهر طبعا تشبه ابوهه كلش
💐💐💐💐
مريم : سديتة من رضا واني محتارة اقبل او لا
يعني عمار عاش حياتة واني لا اكيد هسة صار عندة طفل
....
سما : جنت طالعة للسوك اني وامي .. نمشي وما احس الا سيارة اجت علينة وكفت يمنة سيارة
حديثة ضليت صافنة ... حسين
حسين : هههه شبيج يمعودة هلووو خالة شلونج
ام مريم : هلا يمة
سما: هلا حسين
حسين : هلا بيج سما ..اتفضلوو خالة اوصلكم
ام مريم : ما نريد نتعبك يمة ..
حسين : لا خالة صدك جذب اصعدوو
سما: صدك والله صعدنة وياه
وجان حسين يفتح الموضوع وي امي
حسين : خالة ام مريم اني اريد اناسبكم او بالحرى اريد اصير ابنج اريد بنتج سما على سنة الله ورسولة شتكولين
ام مريم : والله خالة وين الكة احسن منك واحد يصون بنيتي روح يمة المرة الك خلي امك تجي وبيك خير وادلل .... انتظروني بالبارتات الجاية الاحداث مشوقة
💐💐💐💐
الكاتبة دمـ❣ـہوعـ❣ـہ
شتتوقعون راح ترتاح سما بزواجهه
ومريم شنو مصيرهه تنجمع وي عمار لو تتزوج رضا ❤❤❤
احبكم ورداتي