قتلتني بضعفها

الفصل الثالث

يحدثونني عن الوحدة فأبتسم فلا أحد كسرته الوحده ونهتهه مثلي ... يحدثونني عن الصمت فابتسم فلا أحد احب الصمت وادمنه مثلي ... يحدثونني عن البرد فابتسم فلا أحد اخرسه البرد وأرجف ضلوعه مثلي ... يحدثونني عنكي فأبكي فلا أحد احبكي مثلي ...
🔥🔥🔥🔥🔥🔥🔥🔥
في صباح اليوم التالي كانت تبحث عن هاتفها لتخرج متجهه الي عملها وجدته علي رف صغير تضع عليه مرأه صغيرة اخذت هاتفها وخرجت من المنزل ولكن كانت هناك عين دنيئة تتابع خروجها من المنزل وما كان صاحب هذه العين الا مجدي ذلك البلطجي الفاشل الذي يريد تملكها مشي خلفها الي أن وصلت أمام مبني الشركه ظل واقفا في مكانه يتابع دخولها المبني ثم ظهرت علي وجهه ابتسامة لعينه مفزعه ثم مسح ذقنه بيده ورحل بالداخل كانت قد وصلت واتجهت الي مكتب سكرتيرة رامي لتدلها علي مكتبها لحين وصول رامي ليملي عليها المطلوب منها وبالفعل امتثلت السكرتيرة لطلبها بابتسامه وصعدت معها الي الطابق الثالث لتريها مكتبها

داليا : ده مكتبك يا سوسن والباب ده بتاع مكتب المدير الأساسي شريك مستر رامي بس هو واخد الحق الأكبر في الإدارة لان هو صاحب العدد الأكبر في الاسهم 
سوسن : تمام يا قمر طب مستر رامي هيوصل أمتي
داليا : يعني نص ساعه وهيوصل وهو هيفهمك المطلوب منك هنزل انا بقا عشان المكتب لوحده
سوسن بابتسامة: ماشي يا قمر
غادرت داليا وجلست سوسن علي مكتبها بصمت وبدأت بتذكر جزء من ماضيها
فلاش باك
هبطت من منزلها متجهه الي جامعتها كانت تسير في طريقها بصمت وبخطي سريعه نوعا ما لمحت سيارة تسير بجانبها ببطء
جواد بابتسامة : انسه سوسن
سوسن بصدمه : انت
جواد : تعالي اوصلك في طريقي
سوسن بصدمه : هو انت بتعمل ايه هنا اصلا
جواد : كنت عند واحد صاحبي ساكن قريب من هنا ولمحتك وانا معدي
سوسن بابتسامة: نورت المكان كله
جواد : طب يلا تعالي هاخدك في طريقي
سوسن باعتذار : اسفه بجد مش هينفع
جواد : امممم متقلقيش بقينا بعيد عن الي خايفه أنهم يشوفوكي
سوسن بشك : انت متاكد انك هنا عشان كنت عند صاحبك
جواد : ههههههههههههههه طب تعالي وهفهمك
سوسن وهي تحاول فتح الباب الخلفي : هو مبيفتحش ليه
جواد : معلش هو اوقات بيعلق اركبي قدام بقا
سوسن باستسلام وهي تركب : طب ممكن تمشي بسرعه بقا من هنا
جواد وهو ينطلق : من عنيا حاضر
سوسن بخجل : طب ممكن تبطل تبصلي
جواد : هههههههههههههه حاضر
سوسن : مش هتعترف بقا
جواد : اها انا عشان صريح هقولك بصي يا ستي مش من اسبوع انا وعدتك في المؤتمر الي  كان في كليتك اننا هنتقابل تاني
سوسن : اه طبعا وهو ده تصرف يتنسي
جواد : طيب حبيت انفذ وعدي بقا عرفت عنوانك وقولك اجي
سوسن : لا يا شيخ طب وكل ده ليه بقا
جواد : لا ابدا قررت اخطفك
سوسن : هههههههههههههههههههه هتعمل بيا ايه يعني
جواد وهو يتأمل ضحكتها : هو انتي حلوة كده ازاي
سوسن بخجل : ممكن تبطل بقا وبعدين نزلني بقا عشان اروح كليتي
جواد : هو مش انا قولتلك اني هخطفك اه ومن حق الباب الي ورا سليم بس انا حبيت انك تركبي جنبي
سوسن : والله انت مجنون طب لو سمحت نزلني بقا عشان اتاخرت
جواد بجديه : هو انا مش قولت خاطفك انا بجد خاطفك النهاردة واخر اليوم هروحك
سوسن : لا طبعا مقدرش
جواد : هوووووش خط سيرك كله انا عارفه وعارف عندك كام محاضرة وبتروحي أمتي وبتبقي في شقتك الساعه كام ومتقلقيش مش هتسببلك في اي مشاكل
لم يمنحها اي فرصه للاعتراض وانطلق بالسيارة الي المكان المقصود بعد وقت قليل وصلت السيارة أمام احدي النوادي المرموقه كان كبير جدا وراقي هبط من السيارة ومشي معها الي الداخل جلس كلاهما علي طاوله في ركن هادي
جواد : تشربي ايه
سوسن بسخريه : مش خاطفني اطلب علي مزاجك
جواد موجها حديثه للويتر : واحد قهوة مظبوط وعصير فراوله
سوسن بعد رحيل الويتر: انت عرفت منين اني بحب الفراوله
جواد بثقه : اعرف عنك حاجات كتير
سوسن : طب انت عايز مني ايه
جواد : عايزك تحكيلي عن حياتك حابب اتعرف عليكي واعرفك اكتر اسمع منك انتي
سوسن : ليه
جواد : ليه دي معرفش بس من اول ما شوفتك وانا مشدود ليكي وحابب اعرفك اكتر
سوسن باحراج : طيب مبدئيا كده انا اصلي من الصعيد اتولدت هناك وجيت مصر وانا عندي عشر سنين عندي اخت واخ اكبر مني انا اصغر حد فيهم بحب مجال التجارة وكان عندي حلم اهبل كده اني اكون سيده اعمال ويبقي عندي شركه بحب دراستي جدا والدي عنده ارض في الصعيد ومن ايجارها بنصرف احنا انا في اخر سنه في الكليه اخويا خلص كليه هندسه واتوظف واختي خلصت كليه طب واتوظفت في مستشفي واتجوزت ابن عمي بس هي دي حياتي
جواد : طيب مش مرتبطه انتي
سوسن : لا بصراحه كان في تلميحات من زملاء ليا بس انا مبحبش اخالف قوانين بابا عشان متحرمش من دراستي
امضي كلاهما اليوم يتحدثان عن أمور شخصيه كثيرة ثم غادر كلاهما واوصلها الي اقرب مكان من بيتها ثم غادر بعد أن أخذ رقم هاتفها
انتهي الفلاش
انتبهت سوسن علي وجود داليا أمامها
داليا : اييييييه يا بنتي بقالي ساعه بكلمك
سوسن وهي تمسح دمعه فرت منها : اسفه كنت بفكر في حاجه
داليا: طب تعالي مستر رامي عايزك
هبطت كلاهما وتوجهت الي مكتب رامي الذي أعطاها بعض الملفات وطلب منها مراجعتهم وشرح لها المطلوب منها
🔥🔥🔥🔥🔥🔥🔥🔥🔥
في ايطاليا كان قد استيقظ من نومه كان يشعر بثقل علي صدرة فتح عيناه وجد مالم يكن بالحسبان رايتشل تنام علي صدره وكلاهما عاري فقط غطاء خفيف يغطي كلاهما
تعادل بهدوء ووضع رأسها علي الوسادة وحاول أن يتذكر ما حدث كان في قمه غضبه لكنه حاول تمالك أعصابه لم يكن غاضبا منها بل كان غاضبا من نفسه نهض من مكانه وتوجه الي المرحاض ووقف تحت الماء بصمت ضرب يده بالحائط عده مرات تنفيثا عن غضبه  ظل واقفا مكانه وقت طويل يجهل مداه لم يتحرك من مكانه الا عندما شعر بيد توضع علي كتفه التفت اليها سريعا
رايتشل : أنا أعتذر حقا
جواد : ولما الاعتذار انا من بدأ
رايتشل : وانا لم امنعك
جواد : حسنا كلانا مخطئ كفي عن هذا الان
سأخرج وعندما تنهي حمامك الحقي بي
رايتشل : حسنا
خرج من المرحاض وبدأ بارتداء ملابسه وجلس يدخن سيجارة بغضب يكتمه بصعوبه ثم امسك هاتفه واتصل علي شركه الطيران وحجز تذكرة سفر علي الطائرة التي ستغادر بعد ساعتين خرجت رايتشل من المرحاض لتجده يجمع اغراضه
رايتشل بصدمه : هل انت راحل
جواد : أجل ساسافر الان
رايتشل ببكاء : ماذا عني
جواد : انا اعرفك منذ عامين لم اجبرك يوما علي فعل شئ افعلي ما تريدين
رايتشل: اريد الذهاب معك
جواد بهدوء : حسنا وانا لن ارفض ذلك اجمعي اغراضك وانا سأقوم بحجز تذكرة لكي
بدأت رايتشل بجمع اغراضها ثم خرج كلاهما من المنزل واتجهوا الي المطار كان يجلس بصمت ويحتسي كوب من القهوة وهي تتابعه بنظرها فقط لكنها لم تجروء علي الحديث حان موعد انطلاق الطائرة جلس في مقعده وهي الي جوارة ارسل رساله الي رامي يخبره بقدومه ثم اغلق الهاتف واغمض عينيه بصمت وبقيت هي الي حواره تتامله بصمت
🔥🔥🔥🔥🔥🔥🔥🔥
في القاهرة وصلت الرساله الي رامي الذي ابتسم بسعادة بالغة ثم قام بالاتصال علي دنيا
دنيا بصوت حزين : أيوة يا رامي
رامي : عشر دقائق وتكوني هنا
دنيا بحزن : لا مش عايزة اخرج
رامي بخبث : طيب تمام هروح انا استقبل جواد لوحدي
دنيا بصراخ : انت بتتكلم جد
رامي ؛ أيوة يلا بقا اجهزي
دنيا : دقائق وهكون عندك
اغلق رامي الهاتف ونظر إليه بابتسامة ساحرة ثم طلب من السكرتيرة أن ترسل عامله الي العنوان الذي كتبه في الورقه وان تنظف الشقه جيدا امتثلت السكرتيرة لأوامره وارسلت عامله من الشركه الي العنوان
🔥🔥🔥🔥🔥🔥🔥🔥
بعد عدة ساعات في المطار كانت تقف دنيا بحماس بجانب رامي الذي ينظر إلي تصرفاتها الطفوليه ويضحك عليها
رامي : هههههههههههههههههههه يابت اعقلي بقا اخوكي هيرجع يولع فيا ويقولي اختي اتجننت
دنيا بغضب طفولي : اسكت انت هموت واشوفه
رامي : مش لوحدك ياختي 😒😒
دنيا بصراخ افزع الجميع من ضمنهم رامي : هناك اهووووووووو جواااااااااااد هنااااك اهووووو
لم يستطيع رامي منعها ركضت سريعا وقفزت من فوق الحاجز الحديدي واكملت ركضها الي شقيقها الذي كان يركض إليها هو الآخر عانقته عناق شديد
جواد وهو يدفن وجهه بعنقها : وحشتيني يا نبض قلبي
دنيا وهي تشدد من عناقه ببكاء : انت الي وحشتني اوي يا كل حياتي
جواد : انا جيت اهو مش عايز اشوف دموعك تاني
دنيا وهي تنظر لعينيه بتوسل : اوعدني متسيبنيش تاني
جواد وهو يقبل جبينها : اوعدك
رامي بمرح : طب ايه هو من لقي أحبابه نسي أصحابه
جواد وهو يعانقه : انت بالذات متتنساش يا واطي
رامي : مفيش اوطي منك انت وحشتني
جواد وهو يسير بجانب رامي ودنيا : اخيرا اتلم الشمل يا اوغاد هههههههههههههههههههه
دنيا بعد أن انتبهت لسير رايتشل بجانبهم : اييييه يا حجه انتي لازقه فينا كده ليه
جواد : اووووبس نسيت اعرفكو رايتشل صديقتي من سنتين جت معايه هنا وناويه تستقر
دنيا باحراج ؛ سوري مكنتش اعرف اهلا بيكي
رايتشل: اهلا بك عزيزتي
رامي : هههههههههههههههههههه كمان بتتكلمي عربي
رايتشل: أجل لقد درست اللغه العربيه الفصحى وساعدني وجود جواد كثيرا
رامي : ماشي يا ستي عموما نورتي
رايتشل : اشكرك
جواد : جهزتلي سكن
رامي : اه الشقه القديمه جاهزة وفي انتظارك
جواد : تمام
دنيا بهمس : هي هتسكن معاك
جواد: احنا اصدقاء بس وهناك كنا عايشين سوا متخليش خيالك يسرح
دنيا : امممم طيب
اتجه الجميع الي الشقه التي سيقطن بها جواد سهرو معا وتحدثوا في مواضيع مختلفة وكانت سهرتهم ممتعه ثم غادرت دنيا بصحبه رامي ليقوم بايصالها الي المنزل
🔥🔥🔥🔥🔥🔥🔥🔥
في بين سوسن كانت وحيدة بغرفتها شاردة في الفراغ وتضع يدها علي صدرها وتمسك قلب السلسله التي أهداها إياها جواد سمعت طرقات علي الباب انتفضت من مكانها فهذه أول مرة يدق أحدا باب منزلها
سوسن بخوف : مين
لكنها لم تسمع رد فتحت الباب ببطء فوجدت من يقتحم غرفتها ويضع يده علي فمها
مجدي وهو يضع يده على فمها : وحشتيني قولت اجي اشوفك انا هشيل ايدي بس لو صوتي متلوميش الا نفسك
سوسن بغضب : انت مجنون ولا ايه انت مفكرها سايبه اطلع برا
مجدي وهو يجذبها من خصرها : لا لا كده تزعلي مني انا قولتلك قبل كده انا عايزك في الحلال ومدام الحلال مش عاجبك يبقي اخد الي عايزة غصب عنك
سوسن وهي تحاول الإفلات من يده : انت مجنون سيبني وبعدين اتجوز مين واحد رد سجون وحرامي ونصاب وصايع
حاول مجدي أن يقبلها رغما عنها لكنها قابلته بصفعه قويه تفاجأ بها فهو لم يتوقع رد الفعل هذا ولكنه لم يقابل صفعتها بهدوء بل قابلها بصفعها اقوي منها جعلت الدماء تسيل من جانب فمها
سوسن بصراخ : اطلع برااااا يا حيوان 
مجدي بغضب : انا طالع بس اقسم بالله ما هسيبك لغيري حتي لو علي موتي أو موتك أو موت الي مزغلل عنيكي
خرج من الغرفه وأغلقت الباب وجلست خلفه علي الأرض تبكي وهي تضع يدها علي عينيها
سوسن ببكاء : ليه بس كده ليه الأمور وصلت معايا لمده ليه حياتي بقت كده انا السبب في كل ده انا السبب 😭😭😭😭😭
🔥🔥🔥🔥🔥🔥🔥🔥
الي اللقاء في الحلقه القادمه
توقعااااااااااات يا شباب
ليه هي سابت اهلها أو فين أهلها حاليا
ليه هي مش مع جواد
ليه جواد بيقنع نفسه أنه بيكرهها
علاقه جواد ب رايتشل هتوصل لايه