قتلتني بضعفها

الفصل التاسع

انت لا تعرف معني أن تواجه موجه ضخمه بداخلك ولا تستطيع إخبار أحد عنها لينقذك 👌👌👌👌👌👌
حلم ينتهي برمية عنيفه للواقع يجب أن نكف عن الاحلام وألا قتلتنا اليقظه المفاجأة 👌👌
🔥🔥🔥🔥🔥🔥🔥🔥
ظلام .. صمت .. صدمه .. ألم .. حزن .. وجع .. صمت أطبق علي انفاس الجميع كلمه الجمت ألسنتهم . انا لست امك .. ايعقل هذا ايعقل انك لست امي اذا من انا انا لا شئ هل انا لقيط الف سؤال والف شئ بلا اجابه واحدة اخيرا استطاع أن يحرك لسانه
جواد بنطق ثقيل : يعني ايه انتي مش امي
والد جواد بغضب: دعاااء اخرسي
والدة جواد بغضب شديد: لا مش هسكت لازم يعرف أيوة انا مش امك
جواد بصدمه : يعني ايه انا لقيط
والد جواد : لا طبعا مش كده
جواد بغضب : انا عايز اسمع منها هي
والدة جواد بجمود : لا مش لقيط انت ابن امجد فعلا بس من زوجته الأولي ماتت وهي بتولدك
جواد بزهول : طب ليه انا متسجل باسمك انتي
والدة جواد بجمود : ده موضوع طويل انا مقدرش اقولك عليه ابوك بس الي يقدر
جواد بغضب وصوت مرتفع : يعني ايه متقدريش تقولي يعني تيجي تقولي انك مش امي لكن صعب عليكي تقوليلي انا مين
والدة جواد : اسفه
جواد بصدمه : اسفه اسفه علي ايه ولا ايه علي استقبالك ولا انك ربيتيني ولا انك رافضه تديني ابسط حقوقي اني اعرف انا مين وابن مين
والد جواد بجمود : انصحك متدورش في الموضوع ده كتير مش هتستفيد حاجه غير وجع وبس
جواد بغضب وصوت مرتفع : وجع انتو تعرفو يعني ايه وجع انا بمووووووت وانت جاي تقولي وجع انا عايز اعرف انا ابن مين وليه مخبيين كل حاجه في ايه في الماضي خايفين منه
والد جواد محاولا تغيير مجري الحديث : هي مش دي الأمورة الي خسرت عشانها كل حاجه ولا انا غلطان ايه انت لسه معاها
جواد بغضب وهو يرحل : محدش ليه دعوة بيا نهائي
دنيا ببكاء: جواد استني
جواد بدموع : صدقيني مش قادر دلوقتي بس متقلقيش انتي برا كل ده
رامي : استني انا جاي معاك
جواد : لا خليك جنبها سلام

غادر جواد الغرفه هائما علي وجهه حزين ضائع لا يدري الي اي مكان ينتمي لا يسمع لا يشعر لا يري كل ما يشعر به أنه يريد الابتعاد عن هذا المكان الابتعاد عن أي شخص يعرفه انطلق بسيارته واختفي
🔥🔥🔥🔥🔥🔥🔥🔥
دنيا بغضب شديد: انا عايزة افهم ايه الي انتو عملتوه ده
والدة دنيا : الي كان لازم يحصل من زمان
سوسن بسخريه : الي كان لازم يحصل ايه انك تربيه وتكبريه وبعدين تحطميه وتدوسي عليه طب ما كنتي قتلتيه وهو طفل وخلاص
والدة دنيا بغضب : انتي بالذات تخرسي خالص كله بسببك وبعدين انتي هنا ليه اتفضلي يلا من غير مطرود
دنيا بغضب: مش من حق حد يطرد ضيفتي ده مش القصر الكبير الي بتطردو منه الي مش علي مزاجكو
سوسن: دنيا معلش تهدي خالص انا كده كده لازم امشي هجيلك بكرة
رامي : طب اتفضلي يلا اوصلك مينفعش تمشي لوحدك دلوقتي

غادر رامي ومعه سوسن اخذها وانطلق بالسيارة
سوسن : رامي هو جواد هيكون فين دلوقتي
رامي بشرود : اكيد راح مكان معزول عن الكل ده صاحبي وانا عارفه
سوسن: طب انا عايزة اطمن عليه
رامي بهدوء: بتحبيه
سوسن بتوتر : ليه السؤال ده
رامي : عادي
سوسن: حتي لو بحبه اعتقد انت شايف الوضع عامل ازاي
رامي : كل حاجه بتتصلح سيبيها لله
وصل رامي الي الشارع الذي تسكن به سوسن توقف بسيارته وظل يتابعها بنظره حتي دخلت المبني الذي تقطن به اطمئن انها بخير وغادر
🔥🔥🔥🔥🔥🔥🔥
في المشفي كانت دنيا نائمه بتعب وارهاق ودموعها تتساقط علي وجنتيها ك حبات الالماس ووالدها ووالدتها يراقبنها من بعيد بهدوء وصمت
🔥🔥🔥🔥🔥🔥🔥🔥
في شقه صغيرة بمكان راقي كان يجلس علي كرسي هزاز بمنتصف غرفه وينظر علي الشارع من خلال شرفه الغرفه وبيده كأس من الخمر وبيده الأخري سيجارة كان شعره مبعثر وازرار قميصه مفتوحه بالكامل كان يشرب بشراهه شديدة ظل هكذا الي وقت طويل الي أن تعب واتجه الي فراش لم يكلف نفسه حتي ترتيبه القي بنفسه علي الفراش وترك جسده وعقله يغيب عن الوعي فهو حقا بحاجه الي غيبوبه طويله
🔥🔥🔥🔥🔥🔥🔥🔥
في صباح اليوم التالي بالشركه كانت سوسن تتابع عملها بجهد كبير وتنتظر قدومه بعد قليل اتي رامي رأته يدخل الي مكتبه فاتجهت سريعا إليه
سوسن بلهفه : ها مفيش جديد
رامي بارهاق : والله يا سوسن مفيش جواد معرفش عنه حاجه ودنيا الي حد ما كويسه عديت عليها قبل ما اجي
سوسن: طب تتوقع يكون فين
رامي بتفكير : مش عارف وزهقت اتصال عليه من الصبح مبيردش
سوسن بقلق : ربنا يستر
رامي : روحي انتي علي شغلك ولو في جديد بلغيني
سوسن بهدوء : حاضر
غادرت سوسن وعادت الي مكتبها وتحمل خيبه امل كبيرة جلست مكانها تفكر بهدوء
🔥🔥🔥🔥🔥🔥🔥🔥🔥
في شقه جواد التي تقطن بها رايتشل كانت تركض في كل أنحاء المنزل وتزينه ويبدو أنها تعد مفاجأة ما لجواد ولكنها كانت سعيدة وتضحك من قلبها بصخب ولا تدري ما به الآن
🔥🔥🔥🔥🔥🔥🔥🔥
بعد عدة ساعات كان رامي يغادر الشركه ذاهبا الي دنيا
سوسن: استاذ رامي استني انت رايح فين
رامي : هروح اشوف دنيا
سوسن: ينفع اجي معاك
رامي : اه طبعا اتفضلي
انطلق رامي بالسيارة متجها الي المشفي بعد وقت قليل وصل إلي هناك هبط كلاهما من السيارة واتجهو الي غرفه دنيا
سوسن بلهفه : دنيا عامله ايه يا قلبي
دنيا : كويسه الحمد لله
رامي : احسن دلوقتي
دنيا : بكتير وبصراحة عايزة أخرج
رامي : انا عارف انك مش هتهدي طول ما جواد غايب
دنيا بحزن: هموت واعرف اخباره
رامي : انشاء الله بخير
سوسن : يارب
دنيا : طب عشان خاطري بقا اتصرف وخرجني
رامي وهو يحك ذقنه : اممممم ماشي هشوف الدكتور وارجعلكو
بعد دقائق عاد رامي
رامي : يلا يا ستي عشان تخرجي
دنيا وهي تنهض ،: يلا بينا
والد دنيا وهو يفتح الباب: علي فين
دنيا بجمود :هروح لاخويا
والدة دنيا بغضب: تااااني
دنيا بجمود : لو عايزين تقطعو علاقتكو بيا اعملو كده لان انا هفضل مع جواد اخويااا
والدة دنيا بغضب شديد: متقول حاجه يا امجد ساكت ليه
والد دنيا بتفكير : الي يريحك اعمليه
دنيا بهدوء وهي ترحل من أمامهم : اشوفكو علي خير سلام
والدة دنيا بغضب شديد بعد مغادرة الجميع : انت ايه الي عملته ده
والد دنيا بهدوء : العند مش هينفع مع دنيا ولو وقفنا قدامها هنخسرها هي كمان كان لازم اتصرف كده
والدة دنيا: يعني ايه
والد دنيا: يعني سيبيها براحتها كده كده انتي عارفه جواد بيحبها اي ايه ومش هيسمح للهوي يأذيها
والدة دنيا باستسلام : ماشي لما نشوف
🔥🔥🔥🔥🔥🔥🔥🔥
انطلق رامي بسيارته متجها الي الشقه التي تعيش بها رايتشل بعد وقت قليل وصل إلي هناك صعد الي الاعلي وبصحبته دنيا وسوسن طرق علي الباب عده طرقات وبعد ثواني انفتح الباب
رايتشل بهدوء : مرحبا بكم
دنيا : مرحبا عزيزتي
رايتشل: تفضلو بالدخول
رامي وهو يدخل : هل جواد بالداخل
رايتشل وهي تحدق بسوسن : انتي ماذا اتي بك الي هنا
دنيا : لقد اتت معي هل لديك مشكله
رايتشل بغضب : لا اريد وجودها هنا
رامي بهدوء : اولا هذا منزل جواد لا يحق لكي أن تكردي أحدا منه ثانيا اتينا لنسأل عن جواد ونغادر
سوسن: نحن لم نتقابل من قبل لم هذه العدوانيه تجاهي
رايتشل بغضب: هذا لا يعنيكي ثانيا جواد لم يأت منذ البارحة
رامي وهو يغادر : حسنا نحن سنرحل أن اتي الي هنا اخبرينا
رايتشل: هل هناك شئ ما
دنيا : لا شئ لا تقلقي فقط أن اتي اخبرينا
رايتشل وهي تغلق الباب : حسنا وداعا
غادر رامي والفتيات وانطلقوا بالسيارة مجددا
سوسن : هي البنت دي بتعمل كده ليه
دنيا : اعتقد انها غيره
رامي : وهي تغير من سوسن ليه
دنيا : اعتقد انها بتحب جواد وهو اكيد حكالها عن سوسن
سوسن بغضب مكتوم : انا حسيت كده بردو دي حتي شكلها عملاله مفاجأة
دنيا : طب بقول ايه سيبنا من البت دي ونركز شويه محدش فيكو يعرف مكان يكون جواد فيه
رامي باحباط : انا مسيبتش مكان الا وروحته كل مكان توقعت وجودة فيه روحت ودورت
سوسن بتفكير : في مكان بس بصراحه مش عارفه اذا كان لسه موجود ولا لا
دنيا : ده لغز ده ولا ايه
سوسن : لا مش القصد بس زمان جواد كان شاري شقه وانا شوفتها كان عايزنا نعيش فيها ممكن يكون هناك
رامي : وساكته من الصبح طب فين العنوان
سوسن : في ...........
انطلق رامي بالسيارة متجها للعنوان الذي قالته سوسن بعد حوالي ساعه وصل إلي هناك هبط ثلاثتهم من السيارة واتجهو الي حارس العمارة
رامي بابتسامة: سلامو عليكو يا حج
البواب : وعليكم السلام يا ابني
رامي : عايز أسألك علي حد كان شاري شقه هنا اسمه جواد
البواب بتفكير. : والله العمارة كلها ساكنه ومفيش حد بالاسم ده بس في شقه كانت مقفوله خالص وامبارح جه صاحبها وفتحها معرفش بقا هو ده الي بتدورو عليه ولا لا
رامي وهو يعطيه بعض الأموال : طيب انهي شقه يا حج
البواب : الدور التالت اول شقه علي ايدك اليمين
رامي وهو يصعد الدرج : شكرا يا حج
صعد ثلاثتهم وتوقفو امام الشقه دق رامي الجرس عده مرات وانتظروا قليلا حتي ظن الجميع أن لا أحد بالداخل التفتو ليرحلو فوجدو الباب يفتح خلفهم التفت الجميع ليجدو جواد أمامهم بهيئه مزريه كان شعره مبعثر وقميصه مفتوح بالكامل وعيناه منتفخه من كثرة البكاء نظر إليهم بأعين لا روح فيها
دنيا بدموع وهي تعانقه : وحشتني يا قلب اختك
جواد بجمود : اتفضلو ادخلوا
نظر جميعهم الي بعضهم ثم اتبعوه الي الداخل جلس الجميع بصمت
جواد بسخريه : منورة يا سوسن هانم خير بقيتي تخرجي براحتك يعني
سوسن : لو سمحت متصبش غضبك كله عليا
جواد : ولا غضب ولا نيله مبقتش تفرق
رامي : جواد مينفعش ابي انت فيه ده انت مش ضعيف
جواد بانفجار كالبركان : لا انا ضعيف ضعيف اوي كمان انا حتي مش عارف انا مين طب ابن مين يا تري لقيط وهما قالو اني ابن امجد عشان ميصدمونيش ولا انا فعلا ابنه طب لو اني كانت مراته ليه انا اتسجلت في الشهادة باسم ام دنيا في ايه مستخبي وفي ايه خايفين منه
دنيا بغضب : وانت يا تري هتلاقي اجوبتك في الشقه دي تسهر وتسكر وتستسلم وتضيع
جواد بغضب شديد: طب اعمل ايييييييه
سوسن بغضب : تخرج وتدور وتسأل إنما متعملش كده
جواد بغضب شديد: انتي بالذات تخرسي خالص
رامي بغضب : جوااااد اهدي هي بتتكلم صح
جواد بغضب شديد وصوت مرتفع: انا عايز ابقي لوحدي لو سمحت امشو من هنا
دنيا بهدوء : ماشي يا جواد هنمشي بس اتمني انك تفكر وتفوق
سار الجميع بناحيه الباب ليغادرو فانطلق من فم جواد سؤال اوقف قلب سوسن
جواد : هو انتو عرفتو مكاني منين
رامي : سوسن هي الي قالت
جواد بسخرية : ههههههههههههههههههه كويس انك لسه فاكرة الشقه دي حلم العمر المأوي بتاعنا بس خلاص كله اتهد
سوسن بشرود : هتفضل طول عمرك سطحي بتبص ع الصورة من برا لكن عمرك ما دخلت جوه ملامح الصورة انت بتتريق علي تصرفات كتير ليا اتغيرت بس ما سالتش ايه الي حصل
جواد بجمود : المقابله انتهت
غادر الجميع تاركين خلفهم قلب يتمزق من الالم وما زاد عليه كلمات سوسن التي أصابته بالحيرة الشديدة انطلق رامي بالسيارة وفي الطريق اتصلت رايتشل علي دنيا وسألتها عن جواد فأخبرتها دنيا عن مكانه لعله يستمع لها
🔥🔥🔥🔥🔥🔥🔥🔥🔥
الي اللقاء في الحلقه القادمه
توقعاتكم ايه سمعووووووووووني صوتكووووووو عايزة تشجيع