حكايتي

فرحة عيلة 😍

ملك : صباح الخير يا بابا
- صباح الخير يا ماما 😊
الجميع : صباح النور يا حبيبتي ❤
الام : نمتي كويس النهاردة
ملك : بجد يا ماما حاسة براحة رهيبة اخيرا نمت يوم من غير مذاكرة ووجع دماغ.. بس خايفة جدا اجيب مجموع ميدخلنيش الكلية اللى بحلم بيها 😍

الام: متخافيش يا حبيبتي ربنا هيكون معاكي باذن الله ومش هيضيع تعبك على الفاضى

ملك: يارب يا ماما يارب 😓
_ ايوا بقا يا ست سارة ومين قدك انتى متخرجة واحنا بنتنفخ مذاكرة

سارة : يا شيخة اتنيلي دي حتى المذاكرة اهون من المواعين المتلتلة دي

الام بصتلها بنص عين وصوت طخين حبة أل يعني بتخوفها : قصدك ايه يا سارة

سارة بضحك على تصرف والدتها : ولا حاجة يا ست الحبايب

الام : ولله مانا عارفة انتوا لما تتجوزوا هتعملوا ايه .. الله يكون فى عون اللى هيشيل

ملك : بقا انا ملك محمد عامر اطبخ واغسل والكلام دا لالالالا انسي .. وقالت بتناكة ورافعة رجل على رجل : انا هجيب شغالة

الام : ماتشوف بناتك يا محمد

سارة : مالهم .. مالهم بناته يا ماما ماحنا زالعسل اهو ولا انتى رأيك ايه يا استاذة ملك

ملك : ايوا احنا تمام اوى ومرتاحين كدا .. ماتقول حاجة يا حجوج يا عسل انت 😘😂

الاب بضحك على تصرفات بناته الطفولية : هههههههه سيبيهم يا منال دول لسة صغيريين

الام : صغيريرين ايه .. واحدة خريجة فنون جميلة وعلى وش جواز والتانية فى ثانوية عامة وتقولي صغيريين

سارة بدرامية : طب بصوا انا هكت انا بقا عشان ورايا شغل ومش مستعدة اسمع كلام يجرح مشاعري اكتر من كدا 😒
ملك : خديني معاكي ربنا يسترك م يفضحك يارب قادر يا كريم 😅
الام : عوض عليا عوض الصابرين يارب
الاب : طب انا رايح الشغل انا بقا علشان متأخرش مش عاوزة حاجة يا منال
منال : تروح وترجع بألف سلامة
محمد : الله يسلمك
منال : لا اله الا الله
محمد: محمد رسول الله

فى اوضة ملك وسارة

سارة : ملك .. يابت .. ملااااااااااااك
ملك : ايييييييه مش شايفانى حاطة الهاند فري ف ودنى ولا انتى حولة
سارة : الله يسامحك اصلا انا مش هرد على ناس اقل من مستوايا 😌
ملك : مستوي ايه يبت دانتى حتة نقاشة لا راحت ولا جت
سارة وهي تمسك ملك من قفاها : اسمها مهندسة ديكور يا مهزأة
ملك : شالله يخليكي يا محترمة يا اصيلة .. كنتى عاوزة ايه اخلصي
سارة بلطف : يا موكا يا حبيبتي يا قلبي يا نن عنونى من قوااااااااا 😻
بصتلها ملك بنص عين 😅 اني خااايف 😂 : مال عينك طلعت قلوب ليه كدا.. عموما الموضوع فيه مصلحة ف انجزى
سارة بمرح : حبيبة قلبي اللى فهماني انتى 😅 نتكلم جد بقا.. فى طقم عندك عيني هتطلع عليه الصراحة ف كنت عاوزاها ف مشوار كيدا يحب 😂
ملك ب تناكة : مااااشي.. بس بشرط 😎
سارة فى نفسها : دي لسة هتشرط وبعدين قالت : انتى تؤمريني يا بيبي ☺
ملك : عاوزة شيكولاتة 😋
سارة : مادية حقيرة 😏 خدي هاتي اللى انت عاوزاه
ملك : تشكرات خدي اللى انتى عاوزاه ولما تيجي تعلقي كل حاجة مكانها انا مش هنضف وراكوا
سارة بمضايقة فى ملك : عنيا حاضر اوعدك انى مش هعلق حاجة فى مكانها
قامت ملك وراها بالشبشب : وربنا لا اشرحك 😅
سارة : اعقلي يا مجنونة السلاح يطول 😂😂
وفضلوا فى جو كله فرحة وهزار وكانوا فعلا يتحسدوا من حبهم لبعض 😻