هلا هاي القصه اللي موتوني بيها يوميا نشري ونشري حته تفاعلها قليل وما يسوي واهس قبل لا ابلش البارت أطلب منكم متابعه هاي البنوته تابعوها حاليا تصعد متابعين وبعدين راح تكتب قصص تابعوها its_2500 فتابعوها لا تفشلوني وتفاعلكم ع القصه راح تجلطوني ليش نايمين
وهاا ما بقى شي ع 1000 متابع بس 21 يلا اذا دخلنه الف الكم هديه مني
براء اتصنمت بمكاني شكلو يخوف حيل يخوف طويل وضخم احسه عملاق واكف كدامي مو رجال عادي فززني صوته وهو يكول
براق حبيت انرفزها شوي كتلها. عميه عيونج وين ما تكليلي
براء من خوفي وصوته عالي ويحجي بعصبيه خفت منه كتله. اسفه مو قصدي من رخصتك تركته ومشيت بدون ما اسمع رده خفت بشكل مو طبيعي يعني كلمه ضخم قليله بحقه ع الضخامه الجسم اللي عنده رحت الاداره واستفسرت عن الامتحان و شنو لازم اعمل وشلون أكتب ع الدفتر كملت رحت للعارضه شفت اسمي بالقاعه رقم 3 صار وقت الامتحان دخلت امتحنت وطلعت الحمدلله اكدر اكول جاوبت صح انتظرت طه يجي شوي واجه ياسر استغربت من وجوده نزل من السياره واجه علي حضني واني هم حضنته بعد عني
ياسر. هلا بسورها ونورها هاي شنو شصاير بيج
براء. شصاير بيه مثل ما اني ما اتغير
ياسر. امشي امشي اليوم طه ما يجي والشمس عليج صرتي حمره
براء خلا ايده وراه ضهري ومشاني للسياره فتح الباب ويضحك ضحكت وصعدت وياه ياسر أخوي الثاني أحبه ع حب طه رجعني للبيت مرت الايام عاديه إمتحانات سادس وما أدراك ما السادس كل يوم إمتحان ازوع العافيه ع ما اطلع من الساعه الامتحانيه قبل آخر يوم طالعه من الإمتحان وضايجه بالكون امشي تعبانه حيل كعدت بالحديقه ما اختلطت ويه طالبات ولا شي طلاب مختلط بنات ولد ما حبيت أقترب منهم عزلت نفسي عنهم الولد كاعدين يعاركون بشقه أو من صدك ما اعرف بس قريبين علي صوتهم عالي حيل واني شلون احب الضجه كنت من مكاني ما احس غير طابوكه اجه بجبيني شاغت روحي من عدها احس شلون ارتجاج بلمخ مخي صار حسيت ع دم ينزل من مكان الضربه تقرب علي واحد من الولد يريد يساعدني صار قريب علي بشكل مو طبيعي وبدأ يمسح الدم تذكرت بنفس هذا القرب خسرت نفسي بسرعه دفعت الولد وصرخت. شلونكم تتجرء تلمسني
الولد. اسف بس حبيت اساعدج لان بالغلط ضربتج
براء. محد طلب مساعدتك بعد
الولد. اختي بس دتنزفين
براء. بعد بعد مااادخلك تفهم مااادخلك
الولد الثاني. اتركها هاي مو وجه مساعده تركها خلي تولي
الولد. بس انجرحت بس... ما مكمل ما احس غير.....
براق طبعا فرحتي بهذا اليوم ما توصف شكد ما احجي عنها مستحيل اعبر عنها مااعرف شنو احس بالضبط ليش هيج افكر بيها حوالي ال3 سنوات ادور عليها اريد اعرف شي عن اخبارها اتمنيت اراقب قاعتها بس للاسف ما صارت كملنه امتحانات ردت اطلع شفتها واكفه شوي واجه ولد نفسه ابو القاعه حضنتها وهي حضنته وضحكت ضلو يسولفون شوي اخذها بسيارته وطلعو عيوني عليهم نار شبت بقلبي ماعرف ليش شنو السبب مرت الايام وحظي ولا يوم ومعها كدام عيني اشوفها تدخل وتطلع مالها دخل بأي واحد بالمدرسه لا تختلط لا ويه بنات ولا ويه ولد بعيده كلش عنهم قبل آخر يوم من الامتحانات طلعت من الإداره شفت هوسه بالمكان اللي هي تكعد بي ولد كاعد يشاقون فجاه صار هدوء اتقربت عليهم شفت براء واكفه و دم يطلع من جبينها قرب عليها واحد منهم ضل يمسح الدم هاي دفعته وصلت تحجي عليه من عرفت هو اللي ضاربها حسيت الدم صعد الراسي ما حسيت غير طايح ع الولد دك بوكسات الولد يردون يبعدوني عنه ما يكدرون ع كد ما قوي وضخم دميته دمي رفعت رأسي عيوني عليها ترجف خايفه وتبجي بعدت عنه و اخذتها للاداره اخذت محرمه اريد امسح دمها قربت عليها كتلها. لا تخافين ماكو شي بس ارتاحي
براء هو عصبي شكله يخوف ان ضخامة جسمه وضخامه جسم الولد يطلع كدامه نمله وهو الفيل خطيه الولد راح بين ايديه أخذني للاداره دخلني اخذ محرمه تقرب علي وحجه اني الخوف تملك قلبي كتله. ماريد ارتاح من رخصتك استاذ بس اريد اطلع
براق. اهدي لا تخافين شوفي شلون ترجفين ارتاحي وطلعي
براء بانفعال وتوتر وخوف. شنووو كتلك ارررريد اطلع
براق فاجئني رد فعلها يا تره شنو سر هاي البنيه شنو سالفتها شبيها والله حيره بعدت عنها تركتني وطلعت ضليت كاعد شوي وطلعت شفتها واكفه يم الباب البنات كلهن طالعات من المدرسه واكون بس كم شاب واكفين ما حبيت اطلع وهي تبقى وحدها بالمدرسه ضليت واكفه يم الاداره شوي وطلعت طلعت وراها شفتها صعدت ويه ولد ثاني ما اعرفه اول مره اشوفها وياه هاي شنو بيها كل يوم تصعد ويه ولد طلعت بسيارتي ضليت امشي وراها نزلو الكوفي ضليت أنتظر بره تقريبا نص ساعة وطلعو اخذها العماره نزلت وهو مشى معقوله كاعده هنا يا تره أهلها وياها لو ويه منو اخذت سيارتي ورجعت للبيت كالعاده امي بالصاله و شهرزاد بالمطبخ و داليا يمها تلعب شهرزاد زوجتي و داليا بنتي دخلت للمطبخ وكتلها. هاا الله يساعدج
شهرزاد. هلا الله يساعدك اليوم متأخر
براق. رجعنه ع نفس السالفه شنو كلت
شهرزاد. اسفه مو قصدي
براق. هلا بابا هلا تعالي شلتها ودخلت للصاله سلمت ع امي
ام صفوان. هلا يمه هلا
براق. هلا بيج يمه ابوي وين
ام صفوان. طلع ويه اخوك راح للدكتور اليوم مراجعته
براق. هاا ان شاء الله خير بس هذا الدكتور كون بي خير مو بس قط
ام صفوان. والله ابوك يكول كاعد يتحسن عليه وان شاء الله خير
براق. يي ان شاء الله شصاير اليوم هاي شبيها
ام صفوان. ما بيها شي بس تدلع شلون مره اخوك راح الاهلها من امس
براق. ااوووه اليوم رأسي ينفجر اكلج هذا ابنج ما ناوي يرجع تره والله طكت روحنه عليه
ام صفوان. يمه شيسوي راجع خلي مرتاح بيت وحده احسن من مشاكل نسوانكم
براق. يمه تره طلعت روحي منها طكت روحي بالكوه متحملها الخاطر هل طفله ساكت ع سوالفها
ام صفوان. والله ربك ورطك بيها شسوي بعد اصبر يمه
براق. صابر وداعتج صابر
شهرزاد مرتي بس مرمرتني بكلشي يعني تخيلو اطلع من البيت بس علمود اخلص منها وارجع المشاكل واصله للراس داليا بنتي صارت مثل ما يكولون غلطه صارت واجت للدنيا بس الحمدلله ع كل حال اهم شي بصحه وسلامه عمرها 3 سنوات حبابه حيل عكس امها صعدت للغرفه دخلت غيرت ملابسي وطلعت فتحت الثلاجه طلعت مي وشربت احس اكو شي متغير بالغرفه مااعرف شنو ما اهتميت نمت حسيت ع شهرزاد نايمه ع صدري بعدتها وكتلها. شكوو
شهرزاد. ماكو شي بس هيج
براق. بطلي سوالفج مالي خلك تره
شهرزاد. شبيك براق شمسويتلك تره والله احبك
براق. اوك اوك بعدي اريد ارتاح تعبان
شهرزاد. اوك ارتاح هسه ع ما يكمل الاكل
براق طلعت استغفر الله طلعت روحي وطيرت النومه نزلت يم امي بالصاله كعدت شوي دخل ابوي وصفوان
ابو صفوان و صفوان. السلام عليكم
الكل. وعليكم السلام
براق. ها بويه بشر
ابو صفوان. الحمدلله احسن من قبل
براق. الحمدلله نكول يالله وانشوفلك عروس
ابو صفوان. تريد امك تموتك
براق. ههههه بويه عرس واني وياك اثنينه سوه
ابو صفوان. شكلك عينك ع وحده
براق. لا والله وين ما تكلي
ابو صفوان. بويه استر ع روحك واكعد واسكت
براق ضلينه نسولف صارت الصلاه صلينه صبت شهرزاد الاكل كعدنه ناكل كملنه اخذت داليا وصعدت للغرفه ضليت العب وياها اتذكرت براء ابتسمت بس ضليت افكر بيها لحد ما نمت تعبان وما عندي شي اسوي ضليت نايم حسيت ع ايد شهرزاد ع وجهي عطت بيها. نعلان ما انخمد ولي بره
شهرزاد. شبيك شبيك ع كلشي تعيط
براق. تطلعين بره لا بالقرآن ابتلي بيج
شهرزاد. براق شبيك هاي الفتره متغير
براق طلعت روحي منها طكت روحي كمتلها عتيتها من شعرها وكتلها. من انعل ابوج لا ابو براق وياج تاكلين تبن تطلعين بره لا بالقرآن ابتلي بيج وانعل ابو الجابج علي يلا ولي طلعت من الغرفه احس روحي طالعه يعني شسوي شصرف انتبهت داليا تباوعلي ودموعها بعينها نفس نضره براء صفنت شيصير لو براء امها خاب ما تنجب انوب حولت ع البنيه وهي بعدها جاهل وانته بعمر ابوها ضحكت ع أفكاري صدك والله اطلع بعمر ابوها رجعت اتمددت بس وين راحت النومه كمت دخلت للحمام بسرعه اخذت شاور وطلعت غيرت ملابسي وطلعت اتصلت ع مهيمن ما يرد طلعت وحدي افتر بالشوارع بدون وعي بدون تفكير ما احس غير واكف كدام عمارتهم نزلت سئلت الحارس عن العماره ومنو ساكن بيها
الحارس. العماره ما بيها هواي عوائل بس 3 ابو سجاد هو وعايلته و ابو محمود هو وعايلته و دكتور طه هو واخته بس هاي شوي عقلها مو شي
براق. زين براء بنت منو ابو محمود لو ابو سجاد
الحارس. براء براء لا هاي اخت دكتور طه اللي كتلك عليها عقلها مو شي
براق فاجئني رده شنو يعني براء مختله بس ما عدها هيج تصرفات بالمدرسه كتله. زين هي شلون مو ع كد عقلها
الحارس. هي قبل 3 سنوات اخذو شقه هي واخوها أخوها يطلع دكتور من يطلع يقفل الباب عليها وهي تبقى بالشقه و باليل تبقى بس تصارخ وتكسر بحيث أكثر من مره اللي يسكنون بهاي العماره يطلعون منها لان بيها ازعاج بليل بس قبل سنه تقريبا لا اتحسنت ماعرف راجعت دكتور لو شنو بيها
براق. زين انته متأكد من اللي تكوله
الحارس. ليش اجذب عليك بس امانه الله ناس محترمين و يخافون الله وهياتهم خوالهم بدايه الشارع
براق. هاا مشكور خويه تركته وطلعت معقوله شنو هاي براء مريضه ما معقوله معقوله عدها انفصام بالشخصيه ضليت حاير شنو يعني رجعت مرت الايام عاديه الامتحانات خلصت بعد فتره اجاني خبر طلعت النتائج معدلها 79 حلوو بس شاده حيلها جان اخذت بعد درجه اعله بس الحمدلله نجحت
براء مرت الايام عاديه كملت إمتحانات ومراجعاتي ويه دكتور حسنين مستمره ما قطعتها ابد احس ارتاح من احجي وياه وهو ينصحتي وينطيني طاقه ايجابيه استمر بحياتي طلعت النتائج والخوف ناكل قلبي بس الحمدلله ناجحه بمعدل 79 كلش حلوو اتفقت انو طه هو يختارلي القسم ع ذوقه لان ماعندي طموح اسوي فد شي فهو اختارلي أداب لغه عربيه اني اعشق القواعد والاداب واكدر ادخل أكثر من مجال من خلال هذا القسم كملت التقديم وماعرف شنو وفعلا طلع قبولي بلشت الجامعه اني كالعاده مالي دخل بكل شخص موجود اول يوم ما اخذنه محاضرات بس تعارف بين الطلبه والاستاذه خلص اليوم عادي يوم ثاني طلعت للكليه دخلت للشعبه مالتنه كعدت يمي بنيه حجت وياي مارديت عليها تركتني وكامت ضليت كاعده اتصفح بالجهاز دخل الدكتور قفلت الجهاز وكعدت بالبداية اخذنه اول محاضره تمام كملت اول شهر بالكليه بعيده عن الطلبه ماعندي ولا صديقه بيوم كاعدين بالشعبه كل الطلبه يحجون راح يجي دكتور بديل عن دكتور داود دكتور داود شرحه كلش حلو بس طبعه عصبي وصارم يعني اذا اتأخرت ع المحاضرة مايدخلك يكلك ما تحترم الوقت ماراح تصير مسؤل...... يتبع
هلا شلونكم اخباركم مشتاقتلكم طبعا اعرف هذا البارت قصير بس والله العظيم مالي خلك أكتب ضغطت ع نفسي وكتبت هذا البارت اعتقد شرحتلكم وضعي واكييد تفهمين اللي أمر بي وما راح تزعلون علي بس وعد اول ما يستقر الوضع أنشر يوميه ومالي ولا يوم ارتاح بي اوووك
واحب اهدي هذا الفيديو الاعز صديق علي اللي من كلمه نسه كل صداقتنه وكلشي اكيييد عرفتو
أنت تقرأ
الجحيم ج 1& 2
Roman d'amourبعد أن تم اغتصابها من اقرب الناس إليها وهو ابيها هل تستمر حياتها و يمكن أن يحتل الحب مكان في حياتها وقلبها وهل سيتقبل حقيقه ما مره به القصه تتكلم عن بنت يتيمه اغتصبها ابوها سكير عربيد الباقي تتعرفون عليه من خلال متابعتكم للقصه انتظروني قريباً
