Wedding Girls Series 04 - SCARLETT MARIE - The Florist

Part 4

"HMM, ano kaya ang nakasulat dito?" wika ni Scarlett sa sarili at nagsimulang pilasin sa perforation area ang isang pahina ng libro.

It was 101 Nights of Grrreat Sex by Laura Corn, isa sa mga librong tinanggap niya buhat sa online shopping. Iba't ibang libro ang binili niya sa pamamagitan ng internet. Romance, seduction and sex. At ang lahat ng matutuhan niya roon ay gagamitin niya para sa kanyang balak.

Ang maakit nang husto si Chad.

Sa itsura ni Chad na palagi na lang nakadistansya sa kanya, hindi niya magagawang pairalin ang sinasabing dalagang-Pilipina. Besides, hindi naman siya talagang ganoong uri ng babae. Siya ang taong gagawin ang lahat para makamit ang gusto.

At hindi naman talaga uubra kay Chad ang pa-sweet. Sa ilang beses na nakita niya itong dumadalo sa mga party ang sa tuwinang napapansin niyang binibigyan nito ng atensyon ay ang mga babaeng sophisticated. Hindi lang sa anyo kung hindi yaong talagang woman of the world, with carnal knowledge.

At kailangan ay maging ganoon din siya upang talagang mapansin siya ni Chad. Kung pagiging inosente niya ang palulutangin niya, mas lalo siyang magiging no pansin sa lalaki.

At dahil lately, mukhang masisira na ang ngipin ni Chad sa kabibigay niya ng kung anu-anong sweets at hindi pa rin ito nagbabago—at tila lalo pa ngang umiiwas, lalo lang tumitindi ang hangarin niya na ipagpatuloy ang balak.

"Oh, wow!" she breathed nang mapilas ang isang pahina at tumambad sa kanya ang nakasulat doon. Namilog ang kanyang mga mata, her jaw dropped at mayamaya ay napalunok.

Handa na siya sa mga impormasyong mababasa. It was a sex book kaya hindi na siya dapat magulat na nabasa. Pero dahil tila mas nakapanaig ang shock kaysa curiosity, isinara na muna niya ang libro. Iyon isa ang binuklat niya. Secrets of Seduction by Brenda Venus.

"Oh, this I can take this," wika niya at binasa nang malakas ang nahagip ng mata. "Romance is much like playing a game. It has elements of surprise, intrigue, fun, teasing and breaking the rules. Romance is about creating an illusion out of mundane. This is the basis of all miracles—taking the ordinary and transforming it. To be impressive, you must use your own particular talent to the fullest..."

Tumigil siya sa pagbabasa at nag-isip. Ano ba ang particular talent niya? Surely, hindi tinutukoy ng libro ang tungkol sa talento niya sa pag-aayos ng bulaklak. Ibang talent ang tinutukoy niyon.

May talent kaya siya sa kissing? Noong huli siyang magka-boyfriend ay college pa siya. Jeez, that was six years ago. Patakas pa dahil hindi aprubado ng papa niya ang lalaking gusto niya. Kaya pakiramdam niya, pag umaabot sa punto ng halikan ang oras nila ng ex-boyfriend niya, inaatake siya ng guilt.

Napailing siya. Paano niya masasabing may talent siya sa kissing kung ni hindi nga siya nag-enjoy man lang sa kissing escapades niya?

Nagbuklat siya ng isa pang libro. At minsan pa ay nalaglag ang panga niya. Sa librong iyon ay natuklasan niya kung saan pa puwedeng magkaroon ng talent ang isang babae. The art of fellatio.

Nasapo niya ang dibdib. Sa kauna-unahang pagkakataon ay nag-isip siya kung tama nga ba ang ginagawa niya. Nasa-shock siya sa mga binabasa niya!

Ilang beses siyang huminga nang malalim. Hindi naman siya kasing-inosente ng isang batang limang taon. She knew more than just the birds and the bees.

Ipinikit niya ang mga mata at nag-concentrate. Nakita niya sa balintataw niya si Chad at umahon sa dibdib niya ang pagnanais na mahulog sa kanya ang pansin ng lalaki. Nang dumilat siyang muli at kalmado na siya.

Handa na siya sa anupamang bagay na mababasa niya sa libro. Besides, hindi lang libro ang laman ng package na kade-deliver lang sa kanya. Mayroon din doong for adults video.

Ipinagpatuloy niya ang pagbabasa. Minutes later, malayo na sa shock ang ekspresyong nasa mukha niya. What could be seen there was awe and excitement. Habang binabasa ang nilalaman ng libro ay sinisikap na rin niyang ilarawan ang mga suhestyon doon na siya ang mismong gagawa.

"I can do it," mahinang sabi niya sa sarili. "Ma-master-in ko kayong lahat. Ang mamahal ninyo pa naman."

She read the book at random. Kung ano ang mahagip na pahina ay siya niyang binabasa. Of course, mamaya na niya papanoorin ang video. Nasa terrace siya at sa excitement na makita ang nakasulat sa libro ay doon na niya pinagbubuksan ang mga iyon.

At pagkuwa ay seryoso na talaga siyang nagbabasa. The books were not only sexy. It was informative and very educational. Mas lalo niyang nakilala ang sexuality niya bilang babae dahil sa binabasa.

"Ma'am, telepono po," lapit sa kanya ng katulong.

"Salamat," may bahid ng iritasyon sa tinig niya. Naabala siya nito sa pagbabasa sa isang paksa na hindi tungkol sa sex bagkus ay sa pakikipagrelasyon mismo. "Hello?"

"Scarlett? This is Tara. Galing ko ay Eve, she gave me your number para daw sa flowers. We already signed a contract. Tayo na raw ang mag-usap tungkol sa detalye ng mga bulaklak."

"Oh, hi, Tara!" Siniglahan niya ang tinig sapagkat kliyente naman iyong caller. Nakilala na niya ito nang unang beses na pumunta ito sa Romantic Events.

"Gusto ko sanang itanong sa iyo kung puwedeng customized ang wedding bouquet ko. Sentimental kasi ako. Gusto ko bawat bulaklak, may meaning."

"I understand," mabilis na sagot niya. "Here's some: calla lilies for eternity, jasmine for purity, rose for love and romance, anthurium for patience..." Tumigil siya sa paglilitanya ng mga simbolo ng bawat bulaklak.

Natanaw niyang may pumasok na kotse sa bakuran nila. A red, sleek Ferrari. At isa lang naman ang taong mayroon niyon na parang sa kanila na nakatira sa dalas ng pagpunta roon. Si Rod. Awtomatikong tumikwas ang sulok ng kanyang bibig nang maisip na makukunsumi na naman siya.

"Tara, do you mind if I call you later?" wika niya sa kausap. "May dumating lang na asungot sa buhay ko. Itataboy ko muna bago pa ako tuluyang mapeste... I'll call you soon. Uutusan ko na rin ang assistant ko na i-fax sa iyo ang list of flowers together with their symbolical meaning. Mamili ka nang gusto mong ilagay natin sa wedding bouquet mo. We could import some flowers kung wala tayo dito sa bansa." Pinindot niya ang off button ng cordless phone at iyon namang intercom ang dinampot. "Lisa, paki-fax mo kay Tara iyong flower list. Yes, iyong may picture. Thanks."

Isinara niya ang mga librong nasa harapan niya. Mas lalong mapepeste ang buhay niya kapag nakita iyon ng "bwisita." Sasamsamin na niya iyon at titindig na nang makitang nakalapit na sa kanya ito. 

- itutuloy -