اعتذر عن الأخطاء الإملائية
.
.
.
.
.
.
البنات انكرفوا كرف عشان نهاية السنه ونص المعلمات ماختموا المواد
في الفسحه بعد اسبوع
البنات اشتركوا واشتروا بيتزا من المقصف بمناسبة انهم على نهاية السنه واليوم تعبوا
فايزة تسأل : بنات كيف الاختبار
خلود: بالله لاتذكريني
انهار بحماس : بالعكس احسن اختبار نصه من الامثله
خلود : انهار بالله عليكي في أحد يحفظ الامثله
فايزة : صح بس الاختبار كان مويه انتي كيف كان معاكي
خلود: ابدا كان طيب وكريم وحنون ماقصر وبنرفزه تستهبلي انتي وذا السؤال حلوه هذي كيف كان معك ابد والله يسلم عليك
انهار: لالا اكيد جبتي العيد
اتنهدت: تدروا بنات هذي السنه درجاتي نزلة في الرياضيات كنت اخذ 18 او 18 ونص من عشرين ودحين أول اختبار 11وثاني 17 والاخير الله يستر
انهار : اتفائلي خير يقول الله أنا عند حسن ظن عبدي بي
فايزة: صادقه ثاني شيء هذا الترم مو هذي السنه
خلود تهمس : فايزة ايشبها خديجة ساكته اليوم
فايزة بنفس الهمس : ما ادري
فايزة : أيش فيك اليوم كله متكلمتي
خديجة: بنات هذي آخر سنه لي معكم
خلود وانهار : ليش ليش
خديجة : انتوا عارفين أن الاوضاع صعبه وغير كذا زوجي هناك
جميله بمزح : ياشيخه اسحبي عليه او قوليله إذا اتزوجتي ياتطلقني ياتوديني أسكن في السعوديه
خلود بجديه : مايجوز تحرضيها على زوجها
انهار بجديه مماثلة : صادقة
جميلة : بنات كنت امزح
خلود: شوفي احنا صاحباتك ونعرف انك تمزحي بس لوسمعك أحد راح يصدق
فايزة حست أن الموضوع بينقلب جد : بنات دحين لازم نجهز لدوجا جهازها
خديجة استحت : بنات ماله داعي والله
خلود : داعي ولا شيخ
البنات بوجهه متنح
خلود : اوففف ياربي داعي إلى هم الدعات إلى الله وشيخ إلى هو أمام المسجد
البنات اها
انهار : شيخ ولا طفل
خلود تطالعلها من طرف عينها : يعني مسويه أنا مرا كشخه وانا بزنس مان
فايزة : خلود ترى ماله دخل
خلود بهجوم : انتي إلى مالك دخل
فايزة : وجع لاتدفي في الكلام
خلود : دفوكي الجن
ريم : بنات على طاري الجن اعوذ بالله منهم كل وحدة تقول موقف يخوف صار لها
خلود وانهار في نفس الوقت : أنا أول
فايزة عشان مايتمشكلوا :طيب بس ابغى علبه وإلى يجي عليها راس العلبه تقول موقفها
لفت العلبه وجاءت على انهار
انهار اعطت خلود نظرة انتصار : تخيلوا بنات هوا حلم بس يخوف اني أكون أجري اجري بعدين يكونوا في اشخاص يفجعون مو بشر يجرون وراي لحظه ارسم رسم توضيحي
البنات في وقت واحد : اففف
خلود : اتذكرت نكته يقولكم ليش في الحلم فجاء با لاقي حالي بركض وهم ورايا طيب وقفوا فهموني السالفه ممكن تنحل بتفاهم
أنت تقرأ
بنات فله
Humorصديقات يحبوا الضحك والفله وقائدتهم الى هي أكبر سامجة في يوم من الايام يشردوا من المدرسه سر. مواقفهم مضحكه رغم حزن البعض
