ﺭﻭﺍﻳﺔﺓ ؛ ﺑﻨﻘﻠﺔﺓ ﺣﻮﺷﻨﺂ 💕🐸 (مكتملة)💚ﻟﻠﮕﺂﺗﺒﺔﺓŞoñą# 💛

8

.
.
~
انتِ گبيرةة مفروض تحملي البصارهـ مش تبگي 😒👊
خويا خانقني بخيط الشحن 😂💔
~
.
.
إن غابٓ عنّي فالروح مٓسكنهُ ، مٓن يٓسكنُ الروحٓ كيف القلبُ ينساهُ..
.
.
~
مهما كانت الثقه !قويه بينننا لاتحاول ان تلمس تلفوني📲 🌚👌
~
.
.
ي مغرماً باقتناء الورد فِ شغف لا تزرع الورد إن آعيتك صقياه 🌸❤
.
.
~
_______________
#الحلقهہ_الثآمنهہ 🐸🎼
#بـنقـلةة_حـوشـنــآآ 🐸🎼
للگآتبةة
#Şoñą🙈
#بقلميے 💚🎼
الصفحةة ؛؛ حگآيةة قلب • 💜☄
* * * * * * * * * * *
.
.
~
"..طبعاً ع اساس بنقعدو أسبوع ، اول ما وصلنا ، بدينا ف ابشع جزء ؛ واللي هوا الضمان والتسييق و تفريغ الحاجات ؛ واحني ف عز ضمانا وغيره ، نسمعوو عياااط بصووت عااالي من داخل الشاليهه بتاعنا ..
ندى : اووووووووووووووووووووووووووووووووه 😨 عليااااااااااااااااااااااااا ياااااااااااانااااااااااسسس😱😱
"عقلي ؛ يعني من بداايتها شطيح💃"
••
ماما "حطت يدها ع قلبها" :  اووو عليا زعما بنيتي خيرها
"خشييناا نتجاارو وبنشوفو خيرها ، واني طبعاً من الفضول نجري جري ؛ ووصلت اول وحده ؛ اول ماخشيت للدار ؛ شبحت موقف قرريب متت عليه من الضحك ؛ ندى تجري وتصيح و أوشي تجري وراها وتموي ..
انا : ههههههههههههه "ع جيت البنات كلهم والصبايا"
ندى : اوووووه عليااا نحيهاا من علياا هالمتوحشه
انا : يا عيوني تعالي ياارووح امك انتي "وجتنا تجري ارتمت ف حضني وقمتها"
حناي : الخمممر لوووحيييه بعيييييد
ماما : نصييييييب ليييييش جااايبتيييهااااا معاااااك؟؟؟؟
انا " ف خاطري ؛ لا ياختشي انتو فاهمين الموضوع غللط ، انا ماكنتش عااوزة الأمور تتأزم لا توصل ل اللحته دي" :  لااااااا ؛ ظللللللم ، ظللللللم ياااااسيدي القااضي ؛ انني اعتترض
ندى : بعدووهاا من اهنني هالمجنونة هياا وعفنها "اوشي" بعدووها
انا "تلفتتلها وتغيرت نبرتي" : شن حسگ قلتي ؟
منيرة "جبدتني من يدي" : مااقاالت شي انتي اهدي بس
ماما : تووة تقوليلي لييش جاايبتها معاااك !؟ مش عاارفتني نكرهها ؟
ع نعيمه "حطت يدها ع كتف ماما" : خلاص يا الهاان يهديك الله ؛ فوتيهاا توة جابتها وتمت
ع سالمة "عمتي اخت بوي" : خلاص يهديكم الله ياجماعه االي صار صار
ماما : ربي يهديك يانصيب
انا : انشاء الله ياااارب
ع فتحيه "مرت عمي سالم" : هياا ياابناات كل وحده ترجع ع شغلهاا
جوري : اوكي
.
.
.
.
~
تعاالو اهني ؛ خلي ندكركم ب عيلت بابا النزيكةة لابنگ مانكملو تنظيف ..
"طبعاً هوا ع أساس كان عندي عم واحد وعمه وحده بس ب قدرةة قاادؤ ولا عندي زوز عمام ، واحد منهم الله يرحمه"
___
عمي اسمه "سالم" مرته اسمها "فتحيه" 🍃..
عندهم ||••
رتاج .. عمرها"26" سنة ، هيا اللي عرسها تأجل من موتت عزوزتها ، تمووت ف شي اسمه مؤيد "خطيبها" .. //
عمر .. عمره "28" سنة . عازب و مهندس مدني ، يخدم ف الشركةة ، حبيب الحماره اختي وبقدرة قادر اصبح "خطيبها" ، وطررف عضلات ولحيةة ، ويعشق شي اسمه جوري ! .. //
•
•
عميمه اسمها "سالمه" راجلها اسمه "عبد الله"🍃
عندهم ||••
اسماء .. عمرها "29" سنة متزوجةة وعندها  بنوته ووليد ..//
معاد .. عمره "35" سنة متزوج جديد ومرته اسمها "بلقيس" حامل ف الشهر ال"6" ..//
رتال .. عمرها "23" سنة  نديدتي ، مخطوبةة وخطيبها اسمه "معتز" جوها حلو ..//
ياسمين .. عمرها "20" سنة ، تقرا نفس تخصص جوري ، طب أسنان ، عزباء ..//
**
"طبعاً عميمه سالمه تسكن ف الشرث زي ماقلتلكم ؛ غر المده هادي جو ل طرابلس بعد سمعو ب خبر عيت عمو اشرف"
**
عمو أشرف ؛ ومرته جوليا "الله يرحمهم"
وبنتهم الوحيده "منيرة" ..
.
.
الست أسماء "بنت عمتي" ماجتش ومش ح تجي هيا وصغارها وجوزها ؛ لسبب لا أعلمه الصراحه ؛ امى معاد ومرته "ولد عمتي" ف ح يجو بس احتمال غدوة مش اليوم ؛ ع سبت عرسان جدد ؛ والكدبة انه ليهم سنة متزوجين ؛ يلا كل واحد حر ب حياته ..
.
.
رتال : نصيب "هزتني" نصيب يابقرة
انا : ءء هاا ؛ خيرك يادبه
رتال : وين كنتي سارحه ؛ خلااص ساادك الارضيه انكنست وانتي من بكري وتعاودي فيهاا
انا : ءء اهااا معاك حق ؛ نوري ف فلاحتي ياحنه
جوري "جايا وهيا تضحك" : رااحت عليك معااش فيه شباب سناقل ف العيلةة عشان نخطبوهولك
انا : اهاا عاارفته حظي المتفترش ماشاء الله عليه يهني
ياسمين "وعيونها قلووب" : الاا قيووس
فتون "ف عقلها ناقصني ماه" : لا قيوس محجوز ياا قلبي
"انا ومن ف الغرفة و البنات كلهن شبحولها بصدمه"
فتون "انصدمت من اللي قالاته"
ياسمين : كيييف ؟؟ ؛ ع حسب مانعرف سنقل
فتون : ءء
انا "ابتسمت بخبث وانقذت الموقف" : ماعليك يا ياسمين ؛ مرتبط ب وحده متع جو يوم يومين واسبوع بالكثير وفووت😏
ياسمين : بس قيس مش من النوع هادا
جوري "بإستغراب" : اهاا معاها حق
انا "قرصتها بالشوية متع 'سكري فمك' " : لالا حكالي عليها مجرد صداقة بس
ياسمين : اهااا
انا "غمزتلها" : ليش مهتمه بالموضوع
ياسمين "تلبكت" : لالا ءء كيف ء عاد لازم نهتم بكل شي يخص وخخيي
اناا : اهااااااا "بخبث"
منيرة : اهااااااا 'بخبث"
جوري : اهاااااا "بخبث"
انا "ضحكت" : حسني صدقت هههه
ياسمين "حدفت عليا المكنسة اللي كانت ف يدها بس ستر ربي ماجتش فيا" : خزززي عليكم ياتاافهاات ؛ تنطروو من قدامي ؛ كل وحده ل شغلهاا 😠😂
.
.
.
.
بعد نص ساعةة ...
انا : واااااخيرررراااااااا ؛ ككملناااااااااا ااااه 😪
يااسمين "بصوت عالي" : انييي بنمشي للشط
حناي : بتمشي ل عيوونك ، تعالو اهني الفطور وااتي
ياسمين : اووه ثانكس ياجديدة "حناي ؛ جدتي"
.
.
"تستغربوش كلهم متعودين ع رجوعه ؛ يعني عادي"
.
.
قعمزنا فطرنا ولمينا كل شي ، وفي اللي طلع ومشي للشط ؛ بالنسبةة ليا اني مانحبش العومه ف النهار ؛ نعوم ف الليل بسس ؛ يهههبل البحر وقتها ..
قعدنا نهدرزو ؛ وهگ مر الوقت تشفيط ؛ وحناي تنكت ؛ رتاج حالها ولا احسن من قبل ؛ ومش عارفة ليش بس عندي إحساس انه ناني "فتون" معجبةة ب قيس "هزيت راسي" لالا شن هالافكار الغبية ؛ قيس يعتبر فيها اخته وهيا تعتبر فيه خوها ؛ اهاا اصلا بعدين اكيده ح تقولي مش ح تخبي علياا حاجةة زي هكي ! ..
.
.
.
.
~
|| العشيةة ||
انا : ماااااامااااااا
ماما : لقااامة ع راااسك وغماامة بااهي ، نسمع فيگ بلا تلعليع
انا : حراام عليكو ، ع العموم ماتعرفيش وين بابا ؟ ، ماهوش مع الشياب
"وصااااروخ من خيث لا أدري ، قصدي شبشب من حيث ل أدري يجي ف نص وجهي"
ماما : تحشمي ع وجهك يافسخةة ، بووك ماشاء الله عليه ف عز شبابه شن شيااب اهيا ؟
انا : اااااااه ياماما خيرنا ، ماقلت شي اني ..
باه اللي هوا ؛ ماشبحتيشي ؟
ماما : تقريباً جاه عمك فرج " اللي حصلي الشغل"
انا : عمممي فرج ؟؟ ت كيف هكي ؛ احني ف البحر ، ويخي مش اي بحر ؛ احني ف مكااان بعييد ، شاليهات وغيره
"من الاخير ماعرفتش نحدد الموقع ؛ اللمهم انه بعيد"
، حسستيني قااعدين ف سوق السعي 'الخرفان' اللي ماشي واللي جاي يخطم علينا
ماما : ياافاانص سكري فمك ؛ عادي يعني عندهن اوراق ما اوراق ؛ ف بوك قاله انه اهني ؛ وعمك كان خاطم من اهني مع ولده ، ف بوك قاله يخطم عليه ؛ احتمال يعزمه ع العشي !
انا : ء اصبري شوية ؛ س س س سراااااااج قااااعد اهنني
ماما : ااااه ياربي صبرني ع هالفرخه
انا "قعدت انقز من الفرحه ومشيت نجري للبنات نحكيلهم ع سيرجو"
.
.
~
"بإختصار "تؤامي" ، اوكي يمكن بالغت شوية فالكلمة ؛ بس يابنااات الولد يههبل ؛ كاان نقوللكم لمى كنت صغيرة كان حب طفولتي ؛ قعد معاي ل بداية الثانوي بعدين عرفت انه يعتبر فيا اخته ومسحت هالفكره من راسي ؛ وبعد مده تحول ه الحب ل اخوة ؛ اصلا فترة الثانوي بالدات كنا قراب من بعض هلباا ؛ هوا يجينا ونمشيلهم ؛ والكل عارف بطبيعة علاقتنا ؛ يعني لا احمد ولا قيس ولا هيثم ؛ ح يتكلمو لو جي ف يوم لقوني شادة يده او قاعدين بروحنا ؛ اصلا ياماا عييت نبوس فيه وأني صغيرة ؛ قصدي ف حدود الأخوة وهگ ؛ يمشيش الفكر بعيد ؛ اكيد بتسألو كيف تعرفتو ع بعض ، عمو فرج يكون صاحب بابا من الطفولة ؛ وكبرو مع بعض واصلا كانو جيرانه ليين كنت نقرا ثانية ثانوي حولو من جنبنا ؛ ومع مرور السنين الا انه علاقتنا ماتغيرتش يعني  ؛ صح قل التواصل وغيره ؛ بس المحبه ديما محفروة ف القلب ؛ السي سراج ليه شهرين مش معبرني ؛ وحالياً اني زعلانه منه"
منيرة "حطت يدها ع راسي تقيس ف حرارتي" : خيرك يابت فيش تحسي ؟ ؛ من بكري وانتي تدوي ؟ ؛ لوگ لوگ لوگ لوگ ؛ تقول فيه حد سإلك
انا  : ياتاافهه
فتون "حكت راسها ب غباء" : قصدك عود الفجل اهني ؟
"اول ماقالتها هالكلمه ؛ كلنا تلفتنالها وصارت لحظة صمت ع أرواح الشهداء ؛ ومن بعدها انفجرنا ضحك"
جوري : ههههههههههههههههههه يااناااعلااي قااعده مدكرتيه الاسم 😂
فتون "ضحكت" : بصرااحه كيف ننساه ؛ كان فيه جو الفرخ ؛ لاكن لمى كنت صغيرة ديما يضرب فياا ، لين كرهته وبعد الثانوي ؛ بالاصح بعد ماحولو من جنبنا ؛ معاش سمعت عليهم شي ؛ الا مره مره من نصيب ؛ وحتى الشبح معاش شبحته
يااسمين "وعيونها قلووب" : طررف ؟؟
انا : تيي حتتته ؛ يهههبل مش غير طررف ؛ بس الحيوان مش ح نمشيله توة بعدين حسابه معاي ع الفوته هادي
جوري "استوعبت حاجة" : ستووب ستووب ؛ ءء قصدك كنتس تحبي سيرجو لمى كنتي صغيرة ؟!
فتون "استوعبت" : تصحيح ؛ قصدك كنتي تحبي عود الفجل لمى كنتي صغيرة ؟!
انا : هاهاها ما اضحكوش ، باللهي لمولهم ضحكه يابنات
"وكلهم انفجرو ضحك"
انا : خززي يااتاافهاات ؛ والله كان حب بريئ ؛ بس والله توة نعتبر فيه زي وخخيي .
.
.
.
~
|| بعد مرور 10 دقايق من الهدرزةة العاديةة 💙☄||
..
انا : الجو حلو ناني هي نمشو نتمشو ع الشط "وغمزتلها"
فتون : اوكي هياا ؛ شن بن...
انا "فنصت فيها متع "نبيك بروحك" : قتلك هياا سرعي
فتون "ضحكت" : اعصاابگ ياابت ..
••
"لمينا رواحنا اني وياها ومشينا ع الشط ؛ طبعا لابساات اوشحه ، وإني عندي زي البشت ؛ امم مش عارفة كيف نوصفه ع العموم هكي حلو لونه سمااوي فيه زوز ورات بيض ووشاح بيج هاادي كنت لابسته ؛ المغز من الموضوع انه كلنا متحجبات الا منونة "منيرة" بابا قاللها براحتك مش ح نضغط عليك امتى ماتقنعي بيه البسيه "
••
فتون : خيرك بيبآ ؟ ؛ قصدي مش ع بعضك وكأنك تبي تقولي حااجة من بكري !
انا "تنهدت" : من الاخير لازم نسألك
فتون "عقدت حواجبها" : انشاء الله خير ؟
انا : نونآ بنحدرك قبل ماتجاوبي ع السؤال اللي بنطرحه عليك ؛ انه لو كدبتي علياا ح نزعل منك رآه ؛ ومش اي زعلة ؛ انتي تعرفيني لمى نزعل بجديات ..
فتون "زادت عقدت حواجبها اكثر وبضييق ، وكأنها حست شن كنت نبي نقوللها" : نصيب ماتخوفينيش !
آنا : فيه حاجةة بينگ وبين قيس ؟ ؛ قصدي قيس خوي ؛ علاقه ؟! ؛ تحبيه ؟! ؛ يحبك ؟! ؛ اي شي من ه النوع
..
"بعد ثواني وقفت ف مكاني لمى أدركت انها معاش تحركت معاي ؛ تلفتلها"
..
فتون "تشبحلي بصدمه كبيرة"😳
انا "ابتسمت بسخرية" : يعني صح ! ؛ اوكي شكرآ وخيتي يابير أسراري ، الصراحه ماقصرتي واني اللي نحط ف كل اسراري عندك ، شكرآ بجد ، يعني تكوني ف علاقه مع خوي ! ؛ ومشاء الله اخر من يدري ..
"وتحركت جيت بنمشي واني واجعتني روحي ؛ اول ماتحركت حسيت ب حد جبدني ليه واضبطني بالقووة وقعد يبكي"💔
فتون "تبكي" : ياااريت ياا بيبآ ياااريت ؛ يااريت يحبني حتى نص حبي ليه ؛ يخي بلاش النص ؛ يحبني ربعه ؛ نتعذب ياا بيبآ والله ؛ كل مانشوفهہ نتعذب ! ، رااهو مش حب شهر او شهرين ، سنه او سنتين ! ؛ هادا حب طفولتي ؛ ومراهقتي ؛ وشبابي ؛ وحيااتي كلهاا ؛ تقههر ياا بيبآ تقههر ، تقههر تشبحي حب حياتك وهوا حااضن وحده ، تقههر وقت تشبحي وحده تعترف بحبها ل الشخص اللي تحبيه وهوا مايرفضهاش ! ؛ حااسةة بروحي ع نااار ياخيتي "وانهدت بكا اكتر واني زدت حضنتها اكتر" ، موعره الحب من طرف واآحد ، تحس روحگ مدفون بالحياة 😭💔 .. ||
انا "كل اللي قدرت نديره وقتها هوا اني نزيد نحضنها أقوى ؛ ونحرك ف يدي ع ظهرها وكأني نقوللها "اني معاك ياخيتي فضي اللي ف قلبك" ماقدرتش نقول ولا كلمةٍ وقتها ! ؛ مجرد التفكير ف انه وخيتي واغلى صديقة عندي مخبية كل هادا ف قلبها كل هالسنين ، يصيبني بالجنون ؛ المكان اللي كنا فيه بعيد شوية عن شاليهاتنا ب كم شاليه يعني مش ح يشبحنا حد من اهلنا ؛ لمى حسيتها هدت بعدتها عليا وقلت" : حيوانة بليتيلي اللي لابساته بدموعك
فتون "ضحكت بين دموعها وهيا تمسح فيه وضربتني غ كتفي ببصاره" : خززي عليك ؛ هادا بدل ماتسياريني شوية ، كنت ندير ف حو النفسية اهني
انا "ضحكت ف عز وجع قلبي عليها ؛ لثآنيةة كرهت خوي قيس كره اعمى" : اصلا حسيتك فلمتيهاا
فتوت "ضحكت" : تافــہـ........ ❤
انا "قعدت ساكته نستنى ف ردها ، بس هيا وقفت ف نصه وضحكتها تلاشت تدريجياً وحلت مكانها ملامح صدمه ! ،  وكأنها شافت عفريت ، خضيتها بيديا بس ماحست ب شي كانت تشبح ورأي ونظرها مثبت عليه ، يعني للبحر لاني عاطياته ف بضهري ؛ حسيت فكها ح يوصل للأرض من كثر ماهو مفتوح ، تلفتت باش نشوف ف شنو هيا تشوف ، ملامحي تغيرو ، زيها ويمكن اسوءءء ! ، قلت مابين انفاسي" : اووو شـــيـــت....! ❤
فتون : تشبحي فاللي نشبح فيه اني ؛ ولا اني متأثرة بالمسلسلات التركية😍
انا "وعيوني قلوب" : نشبح ياقلبي نشبح 😍
.
.
"بالضبط اللي خطر ف بالگم ، مرآد ! ، لا بجد مرآد اني مش مستوعبه ياجمااعه حد يقرصني ، كان كيف طالع من غطسته فالبحر شعره الأسود المبلول...! و و جسمه العضلات ! ؛ اوو شيـــت بالرسمي ، لابس شورط وبس ؛ كان طالع ؛ حييييي علمااا جاي ل جيهتنا😱"
.
.
انا "فقت من صدمتي" : اصبري شوية
فتون "هايمه" " شنوو ؟
انا ؛ مش ح نسمح ل حياتي تتحول ل فيلم رومانسي ملييئ بالصدف
فتون "بإستغراب": فهمتش
انا "ضحكت وطبست خدييت طييين ف يدياا اكتر مانقدر ، وع تقريبت مرآد نحدفه عليه ، كله تلبز من راسه ل سااسه ، ونطلقها هاديكا العيطه والضحكه ؛ وهوا تقريبا قاعد يحاول يستوعب الوضع ! ؛ شديت الصندلي متاعي ف يدياا ، وشديت يد فتون ، وشديتها طلقةة مبتعده عن مراد ل جيهت الشاليهات متاعنا واني نضضحك" : هههههههه
فتون "تجري لانه اني اصلا شاده يدها بقوة وتصيح ، لدرجة أنه اللي ع الشط كلهم يشبحولنا بالرغم انه مافيش هلبا ناس" : اووووووووووووه علياااااا ياافرخهه هبلللتي ؟؟؟؟ ؛ علييييك قططع ارزاااق عندك ! ؛ تييي خييير بلاااك اصبرررري ب ب بنطيـــ...
"قبل ماتكمل كلمتها نجو متكردسات فوق بعضنا"
انا "واني طاايحه ف الطين وهيا فوقي ، شبحنا ل بعض وانفلقنا ضحك مره تآنية: هههههههـههـهههــههههـــ..😂
فتون : اووه علياا مصااحبه مختلة عقلية😂
انا "ضحكت" : نوضي ياحماره تحسابيها دار بوك متمدده ع الارضيا ، الناس كلها تشبحلنا ، حي علماا نووضي اكيد مرآد بيجري ورانا !
فتون "ساوت روحها وقعمزت ،، و قامت يدها الملبزه بالطين حطتها ع جبهت نصيب اللي حتى هيا قعمزت ع اساس تقيس ف الحرارة ف تلبزت جبهتها" : لا انتي حالتك متأزمه ، ت الراجل باش يستوعب اللي درتيه تبيلك حتى أسبوعين تانيات ، ت اذاا اني ل تواا قاعده مش مستوعبه "وسكتت شوية" : اصبري شوية ، انتي شن اللي درتيه ؟
انا : الصراحه مش مستعده نحول حياتي ل رومانسية ، اععععععع نحبهااش ولقطات اتراك ؛ يخوفو
فتون ؛ ههههههه ؛ نوضي ياهبله ؛ خلي نرجعو للشاليه ؛ وندوشو مناضرنا زي البناقل ف سوق السعي !
انا : ما اناا اصلا طول عمري بنقلةة ههههه 🐸
••
••
"روحنا للشاليه ملبزات مع بعضنا ، وستر ربي ماشفناش مرآد ، بصراحه مستغربة سخافة القدر ! ؛ يعني معقولة صدفة انه مديري ف الشركة قاعد ف البحر اللي اني فيه ، قصدي اصلا فيه ملااايين المصايف شن خطرله جي ل هادا ؟! ؛ يلا طردت هالافكار من راسي لمى سمعت صوت تخبيك فتوت ع الباب عشان نستعجل فالدوش لأنها بتخش بعدي ، سكرت اللشيشمه ، ولبست الروب بتع الحمام ولفيت شعري بمنشفة ؛ عشان الحقيرة بست فريند تبعي درهتلي كبدي ، خشيت ل دار البنات الكبيرة ، ماكان فيها حد ! ، سكرت الباب وغيرت حوايجي ، لبست فستان صيفي سماوي فيه ورد صغير بالازرق كحلي ؛ وجاكيت جينز ع لون الورد ووشاح ؛ وصندل ! 💙😍 ، طبعاً جففت شعري ع السريع ولميته ولبست وشاحي وكيف جيت طالعه سمعت صوت اوشي ، ادكرت اني كنت حاطتها ف الدار ، تلفتت وراي لقيته طالعه تتلوى وتموي ، يااخيههه مستااحشه حضن الماما "قمتها معاي ف غمري وطلعت برا الشالي" ؛ الدنيا بدت اظلم الواضح انها الساعه 8 ؛ والجو صقع شوية ؛ ع مد بصري نشبح ، ف الولاد جايين للشاليهات والواضح انهم كانو ف البحر ..
___
عقلي : واااااو الصراحه افحمتيني ؛ عليگ استنتاج 😒
انا : اااه ؛ قبل كيف قلت ارتحت منك😏
عقلي : هه تحلمي ، بعدي هالقطوسة من علياا وععع😷
انا "غمضت عيوني بـ عصبية" : كلله الا اوشي ؛ يااعقل البطيخ
عقلي : هههه ابدعتي ؛ عيني عينك راه نسب ف روحي
انا : ء .....
"قطع علياا تفكيري العبيط ؛ و كلامي مع عقلي صوت أوشي ؛ شبحتلها وابتسمت"💜
___