ﺭﻭﺍﻳﺔﺓ ؛ ﺑﻨﻘﻠﺔﺓ ﺣﻮﺷﻨﺂ 💕🐸 (مكتملة)💚ﻟﻠﮕﺂﺗﺒﺔﺓŞoñą# 💛

21 {الجُـزء الأَولہ مِن الاٱخيرَةة}

____||🌸💙

ٱخاف عليك وكأنك ولدت من قلبي 💙.!

.
.
~

_______________
#الحلقهہ_الوآحدهہہ_والعشرونہ {الجُـزء الأَولہ مِن الاٱخيرَةة} ✨🙊
#بـنقـلةة_حـوشـنــآآ ✨🙊
للگآتبةة
#Şoñą🙈
#بقلميے 💚🎼
الصفحةة ؛؛ حگآيةة قلب •
* * * * * * * * * * * * *
.
.
~
"ف هالحلظةة اني كانت الحكآيةة متجمعةة عليا ، ليلةة عرسي يانااس ، ليش ديما فرحتي ناقصةة من دون هالناس ، وهادي فضيحةة انكتبتلي ف تاريخي الأسود ! ، آخر شي سمعته صوت مراد وهوا يصيح ، والقلق اللي ع وجهه و اني كنت بين يديه ومعاش شبحت ولا شي بعدها 💔 ..
.
.
.
.
انـــــا "

"تألمت ! رأسي كان يووجع فياا بكل ، لدرجةة وجعه مش قادرةة حتى نحرك جفوني ، السواد هوا الشي الوحيد اللي نشوف فيه ، كل شي مَر ع ذاكرتي فـ لحظه ، كنت نبي نبكي ، بس مش قاادرة ، نسمع فـ هلباا اصوات ، دكاترةة ممرضاات ! رائحةة مستشفىٰ ، للحظةة تهيألي إني سمعت صوت مراد ، فـ لحظتها وكأنه هبتّ عاصفه ع قلبي ! ، عاصفةة مشاعر ممزوجه بين حب و ألم ووجع وحزن وفرح وفـ نفس الوقت كره ! ، مانقدرش نقول إنه كره بالمعنىٰٰ الحرفي ، يمكن خذلآن ! . بس اللي نعرفه اني ماقدرتش نوصف حال قلبي لحظتهاا ، حسيت بـ شي إنحط ع صدري ، وكميةة ألم عملاقةة معاه ! ،  وكأنه تيآر كهربائي سِرىٰ فـ كامل جسمي ، من كميةة الالم لحظتهاا ، عقلي ماقدرش يستوعبه ! ومعاد حسيت بـ ولا شي بعدها ..
.
.
.
.
~

___________

                             " The WRITER "

"شن بنحكيلكم لـ نحكي ! ، الوضع فـ هاللحظه بين جميع ابطال قصتنا اللي شارفت ع الانتهاء ، كان مأسوي ، يمكن كلمةة مأساوي ماتوصفش كميةةة الوجع والالم والحال اللي هما فيه ! ، صدمةة قاتلةة توجهت لـ بيبـآ لدرجةة انه عقلها وقلبها بالأخص ماقدرش يتحملها ! ، اماا عند مراد فـ كان الوضع متشتت عنده ، حبيبته و زوجته بمعنى حاضره ومستقبله ، او ماضيه ، ماضيه الأسود اللي كان عبارةة عن كتلةة من الأخطاء المتراكمةة ، كل  ماحاول انه يقتل ماضيه ، يرجعله بـ ضربه اقوى واكثر قساوة ! ، وكأنه بحر ظلمات غرريق ، كل ماحاول انه يستعيد قوته ويطلع منه !  ,, تجيه موجةة عملاقةة تغرقهه اكثر واكثر !! ..

...

اماا بالنسبةة للصار فـ القاعه بعد الفضيحةة اللي صارت ,, كالعاده وكـ كل مره ، لمى تلقىٰ المراا وبالدات الليبية ، شي تتكلم عليه ! ,, وبس تخايلو لو كان هالشيء فضيحة ، هه ! ، وخليكم مع الزيادات والفلفل والزبدة والملح اللي يزيدو فيهم ع اللي صار ، ولكن ، من يهتم ؟ ، اكيد مش ح يكون الشخص المهتم نفر من عائلةة مراد او حتىٰٰ نصيب ، ويمكن هادا الأهم ! ..
يمكن ..

...

فتون " وهيا شادةة ريان من شعرها وتكركر فيها لباب الصالةة ، طيحت ف  المدخل وحدفت عليها عباايتها": و واللله وعزته وجلالته لا اله الا هو ، لو مازلت نشوف وجهك فـ اي مكاان حتى لوو صدفةةة ف صدقيني  ح نسلخ جلدك عن عضمك وتعررفينيي كييف نولي "وصللفق كف خلىٰ وجهه ريان يلف مره تانيةة"
ريان "شادة وجهها وتلفتت ل فتون وابتسامةة شقت وجهاا ، فجأة ضحكت لدرجةة استغربتهااا فتون" : صدقيني ياعمري ، مش ح تقدري تمسي شعره مني بـ سوء ، و اممم بالنسبةة ل الصرصور اللي تسمي فيه صاحبتك ! ، فـ تستاهل كل ماجاها ، مش اني اللي يلتعب معاي ، اللي نحطه فـ راسي نجيبه ! ، ومافيش ولا قوة فـ الكون تقدر توقف فـ وجههي ! ، خلي بالك بيبا تعرف تلم فضيحتهاا ! ، "وضحكت" ماتنسيش تباركيلها بإسمي "ولبست عبايتها كيف جت بتوقف وكيف جت فتون بتتكلم سمعت صوت أم نصيب"
ام نصيب "ودموعها ينولو" : لييش درتي هكي فـ بنتي ؟ ، نسيتي انها هيا اللي فتحتلك حوشهاا ، نسيتي كيف كانت تحبك ومعتبراتك زي اختها ، دخلاتك ف عيلتنا وصرتي فرد منا ، كانت ماتتحمل فيك دقةة الشوكةة ! ، لييش درتيي فيهاا هكي ؟؟ ، يوم عرسها كسرتيلها فرحتهاا ! ، طوول عمرهاا كانت تحول ف حزن الناس لـ فرحةة ! ، ليش حولتيلها فرحتهاا لـ حزن ؟ ، وانتي صديقتها ووخيتهاا اللي يااماا عشتو مع بعض ، لدرجةة اني بروحي اعتبرتك زي بنتي ! ..
ريان "بـ إبتسامةة جانبية" : هه ! ، كنت ديما نشوف فـ عيلتكم المتكاملةة الرائعه ! ،اللي مش ناقصها شي ، الفرحةة اللي كانت تغمركم ، الاب والام موجودين ! ، ضحكاتكم وحبكم لـ بعض ! ، قلوبكم اللي ع بعض ! ، ديما كنت نسأل فـ روحي ، ليش نصيب هيا اللي كان عندهاا هالعيلةة ، ليش مش هيا اللي تربت مكسورةة ضهر من غير أب ، او من دون اخت ! او حتى مع اخ سكاار ، لييش مش هياا اللي امهاا  تخدم وتكد بس بااش تجيب ماكلةة يومهاا بس ! ، فـ شنوو كانت هيا احسن مني باش يكون عندها هاادا كله واني لا ، فـ شنو هيا احسن مني ! ، ومرااد كان لياا قبل ماا حتىٰ تعرفه ! ،وح يقعد ليا صدقيني ..
ام نصيب "شدتها من شعرهااا" : وصدقيني انتي مش ح تطلعي من اهني الااا ومذلولةة ووجهك ازرق "وطاحت فيهاا ضرب هيا وفتون وانضمتلهم حتىٰ جوري😂❤" ..
جوري "شدتهاا من شعرهاا" : عقااب طرطوورة اديري ف اختي هكي تـ والله لمى نوريك ياامحسدية .."بييف باااف👊"
ريان "تصيح" : ياانااس الحقووني وووه علياااا يااكبدي ههيييي ، تعاالوولهم هالمهبله بيقتلووني
ام نصيب : باللهي يااجوري افتحي باب الصالةة خلي نلوحو صطل الكنااسةة "حاشاكم" مدااير رييحةة اكبر منه !
جوري "فتحت باب الصالةة"
ام نصيب "شدتها من شفااشيفها" : اهووو مازلت نشبحك بس ، تـ لمى نخليك ترقدي فـ المستشفىٰ ! تفووو ع هالشكالاات
"وتشلفييق لوحتهاا من فم الصالةة وين فيه السيارات والمدخل وصللفق سكرت الباب"
ام نصيب "انهاارت ع طول بكااء" : نبيي بنييتي ارفعووني ليهااااا ياانعلياااا بنيتي ..
فتون "ودموعها ينزلوو" : هي يـ عميمه دقيقه بس ونكونو عندهاا ..
جوري "مشت جري باش تتصل بـ هيثم"
.
.
.
.
~
"وقتهاا كانو الرجالةة ف الموقف متع الصالةة مش سامعين ولا عارفين بـ ولا اي شي صار ، لانه مراد امى خدي نصيب ، طلع بيها من البوابةة الخلفيةة للصاله ، وماخلاش ولا اي حد يمشي معاهم ! ، وطبعاا مالاحظو شي الا لمىٰ طلعت البنت من الصالةة والواضح انه حد دافها ، كانت لحظهاا صارت فيها شوية شوشره ، بس بعدها فاتو الموضوع بعد ماركب فـ وحده من السيارات ومشت ، وبالنسبةة لـ شباب العيلةة فـ مَ عرفوش بـ نصيب الا لمىٰ اتصلت جوري بـ قيس !! ..
.
.
.
.
~
.
.
.
.
~
".. حسيت بألم فضييع فـ راسي ، كنت نبي نحرك اي شي فيا بس مش قادرة ، وكأني فقدت القدرة ع اني نحرك اي عضو فـ جسمي ، كافحت باش حركت يدي شويةة ، فتحت عيوني ، وقعدت نكحح ..
انا : كححح كححح كحح
فتون : نصييب يااعمري وااخيييراا " وطلعت تجري"
"بعد ثواني خشت عليا هيا والدكتور وممرضة"
انا "صوتي دوبك يطلع" : اممم ميااا ..
فتون "صبتلي طاسةة وشربتني شويةة"
انا "حسيت بـ روحي احسن شوي"
الدكتور : تقدري تتكلمي ؟
انا "همست" : اهاا
الدكتور : تدكري شن إسمك ؟
انا : نصيب محمد ال...
دكتور : كيف تحسي بـ روحك توة !
انا : رااسي يادكتور فيه ألم فضييع ..
دكتور : ولايهمك شويةة وح يتنحى الالم ..
انا : شن صاارلي ..
فتون "عيونها تعبو دموع وهيا شادة يدي ضاغطه عليها"
دكتور : صارلك هبووط حاد وانيميا حااده  من الصدمه اللي تعرضلها قلبك ، لدرجةة انه جسمك ماقدرش يتحملهاا ، وقلبك قريب توقف عن الدق ، ولكن وللحمد لله بمعجزة رب العالمين ، انكتبلك عمر جديد بعد صواعق كهربائيةةة ، لو كانو تأخرو ثواني بس وماجابوكش ، كان الله وحده يعلم شن بيصير ، قعدتي يومين فـ العنايةة لين استقرت حالتك ، وطلعناك لـ غرفةة لانك  خشيتي فـ غيبوبةة ، نسبة خروجك من الغيبوبة كانت ضئيلةة ، بس نصيب من ربّ العالمين ، عطاك عمر جديد واكيد مستقبل جديد احلى بإذن الله ..
انا "عيوني تعبو دموع"
فتون : الحمد لله ياارب ، دكتوور امتىٰ نقدرو نطلعوها ؟
دكتور : ع الاغلب غدوة ، بس خلونا لين نتأكدو من سلامتهاا كلياً وبعدها ح نكتبلها الخروج ؛ واهم شي ماتضغطيش ع روحك نصيب ، الرااحةة النفسيةة قبل كل شي ..
"وتناقش هوا والممرضة شويةة ، وبعدين طلع وقعدت الممرضة تساوي فـ السيروم"
انا "بصعوبةة يطلعو الحروف" : شن صار ؟
فتون "دموعها نزلو" : يااماا صار ياخيتي ، خفت خفت نفقدك وانتي اختي الوحيدةة ..
انا : يااريت بعد هالحادثه كان ربي خدي امانته ، معاش نقدر نحافظ علي هالامانه بعد كل شي صار ..
فتون : ويين نصيب المتفائلةة اللي نعرفهاا ، ماتكونيش هكي اقووي وتفائلي ، ربي عطاك عمري جديد وهادا لانه يحبك ، قوي ايمانك بيبا ارجعي كيف مانعرفك ..
انا : نبيي ماما
فتون : نص ساعه وح يجوو, امك سهرت ليالي وهيا ترقد جنبك ع الكرسي ! قلتلها تروح ترتاح لانها تعباانه ، ح تجي وتجيبلك حوايج ..
انا "عيوني دمعو" : ومراد ؟
فتون : خليي نمشي نتصل بيهم ونشوفهم امتى بيوصلو
"وطلعت تجري"
.
.
.
.
فــتُـــون ..
"اول مانااضت بيباا حسيت انه واخيرا الروح رجعتلي ، نصيب كانت الصديقةة والام والاخت اللي ماجابتهااش امي ، روحي كانت مرتبطه بـ روحها ! ، لو نفقدها لاقدر الله ح نفقد روحي صدقوني ! ، بعد سإسلتني ع مراد حاولت نطلع اقرب سبلةةة ، وطلعت نجري من الدار ، شن تبينب نقوللهاا يعني ؟ ، نقوللها انه كان جباان ! إنه أجبِن من إنه يواجهك ، يقعد معَاك وقت تنوضي ! ، مُرااد من ليلةة العرس ، بححح اختفي ، وكأنه ماكانش اصلااا ، بس مش فاهمه كيف طاوعه قلبه انه يمشي هكي ويخليهاا بين الحيااة والموت ، شن قاله عقله الفااضي وقتهاا باش اختفي ، بس اللي نعرفه انه بعد اللي داره ح يكون بالفعل طلع من قلب نصيب ! صاحبتي ونعرفها مش ح تسامحها ، ديما تقول " اللي مايوقفش معاك فـ اصعب اوقات حياتك فـ صدقني انت اصلا ماتهماش ! باش يحبك" ومن اهني نفهم انه الحب من الاهتمام ، وبدون اهتمام مافيش حب ، رجعت للغرفةة بعد ماكلمتهم ، لقيتها شارده بـ السقف . قعمزت جنبها وحضنت ..
فتون : استاحشتك
انا "تنهدت" : كم التاريخ اليوم !
فتون : 19 من شهر 7 .. 2018
انا "شههقت" : العرس كان 15 من شهر 11 ، مروو 8 شهور 
فتون : اهم شي انتي معانا توة