البارت الثاني قرئه ممتعه❤
احساس غرب يراودني خوف وحب ومشاعر مخربطه ارجوك كن عند حسن ضني بك....
بديت اداوم اول متوسط طبعا اني مجان عندي فون داومت وبين المدرسه والدراسه والبيت اخذت النتيجه ناحجه بالكورس الاول اخويه حيدوري جابلي بيانوا كلش حلو وحبيته جانن بنات عمي يغارن مني هواي ودائماا يسولي مشاكل ماجنت احبهم جانت عندي بنت عمي هيه اختي هوواي احبها كلش قريبه عليه جنت اسولفلها ع اسد بس دكلي جذاب وميحبج وديشاقه وياج صراحه جنت اصدك بحجيها المهم اجتي الااربعينيه الثانيه واجه اسد نفس الحاله يذبلي حجي وغزل وجنت دائماا اضحك بدون اي ردت فعل ثانيه وجنت احس احساس غريب كلش وخجلي الي يموتني وماعرف شاحجي
خلصت الاول ونجحت لثاني صادفتني بنيه اسمها رانيا كعدنا اني وياها بنفس الرحله جنه دائماا نتعارك احبها كلش هيه شاطره نار جنت اغار منها ومره جان عدنا درس فيزياء اجتي المدرسه شفناها ودخلنا احنه واابنات ركض للشعبه وهيه هم جانت موجوده طبعا المدرسه مشافت شكلي من ركضت ف لكفت كم وحده ومن ضمنهم رانيه🤣 ف بنهايه الدرس رانيا خبثت عليه وكلتلها ست تره رفل هم جانت بره وتنقصنه كلنا ٥ درجات
بعد فتره شويه قوت علاقتي برنوش وصالحتني حبيبتي وراها بدينا نداوم عادي وره انتحانات نصف السنه اجه اليوم المشؤم اكثر يوم ماتمنيته يجي
اخويه حيدر قدم ع الحشد وانقبل ضل كل اسبوع الجمعه يروح يدرب ٣ساعات ويرجع. لمده شهر بس يوم من الايام جان يوم اربعاء راح حيدر من الصبح وماشفته التحق بوقتها اني وماما وبابا نمنه بغرفته واني بليله الخميس بجيت ثاني يوم كعدت جانوا اخويه ومرته يمنه وامي راحت لبيت جدو هيه وعباس اخويه المهم طبعا جان يوم الخميس كلش ممل وثكيل ومحلو صار يوم الجمعه وامي اخويه ابيت جدو وحيدر ملتحق العصر كلتلي مرت اخويه خلي نتمشه نروح يم بيبيتج شويه ضوجه كلتلها يلا تمام رحنه للمغرب جان يندك شباك بيبي حيل واسمع اخويه محمد يصيح يكول حيدر استشهد اني هنا ماظلت قطره دم بيه طلعت ركض حافيه البيت اخذت صورته الي من زين ولبس بدلته العسكريه اخذها خليتها ع كلبي وابجي بحركه طبعا راحوا اخويه وعمامي حته يشوفوا خابروا امي وكلولها واجتي هيه وخالاتي كلهن وخوالي وعمامي انترس البيت اجه ابويه من المستشفى صاحني اني واخويه عباس وحضنه ثنينه كلي وهوه يبجي اوف يارفوله بعد ويامن تشاقين راح سندج راح الي بموت عليج راح حيدوري راح لحد هلحضه اذكر كلامه 💔💔
احبائي اخذهم التراب🥺
كم الارض محضوضه💔
لانها عانقتكم ايها الاحباب😥
اننا نشتاق اليكم ليتكم تعودون😭💔...
