اها حوالي الساعه9 مساء انا كنته ف غرفتي بسمع ف اغاني وكدا وتحت ناس امي وابوي وحازم بحضرو في قناه ناشونال جوغرافيك
امي: يا محمد وحازم عايزه اكلمكم بي شي
ابوي: خير ان شاء الله
امي: اااااااا
امل دي في واحد عايزه علي سنه الله ورسوله
ابوي: انتو عرفتو متين والكلمك منو
حازم: ودا منو كمان بقرا شنو واهلو وين
امي: كلمتني قبيل وانا قلته افتح معاكم الموضوع
علي حسب كلامها اسمو مهند بقرا معاها ف نفس الجامعه بس خريج عمرو23 ابو مهندس مساحه
اها رايكم شنو
ابوي: والله يا شرين الزول م بيابه النصيب بس يكون مسؤل واخلاقو كويسه ويقدر يمسك بيتو
حازم: انا م عندي مشكله بس خليهم يجو للتعارف ونقدر نعرفهم اكتر
امي: يعني نزغرت خلاص
حازم: مالك يا حجه مستعجله😁😁😁✋
طبعا انا هناك ف غرفتي سمعته الزقروته لمن قلبي عمل شح😄😄😄💔
نزلته ليهم طبعا الشمار قتلني😁😁😁💔
امي: مبروك يا بتي
حازم: اخيرا حنرتاح منك😄😄😄💔
ابوي: ربنا يتم ليكي
وجريت طلعته فوق اتصلته للبنات وكلمتهم بقو يصرخوووو ويتعولقووو😄😄😄😄💔
بعد 10 دقائق كدا اتصل لي مهند
الوووووووو
انا: اهلين
مهند: الامور والصحه
انا: والله بخير الحمدلله وانت كيف
مهند: بخير دامك بخير
انا: والله ي مهند م عارفه اقول ليك شنو
مهند: مالك خير عيانه ولا حاجه
انا: لالا
مهند: اها مالك م تخوفيني
انا: ناس امي ما وافقو قالو لي لا انحنا عايزنك لي ود عمتك واعتذري للولد دا
معليش يا مهند(طبعا ف الحته دي مثلته وغيرته صوتي200 درجه)
مهند: صحي طيب خير م مشكله وفي النهايه الحكايه قسمه ونصيب ( طبعا هنا بالجد صوتو اتغير توووووووتلي😢💔 وحسيت بالعبره خانقاهو💔
انا: هووووي معاك الكاميرا الخفيه
غشيتك😁😁✋
مهند: كذابه والله
انا: وحات ربي وافقو وقالو عايزين يتعرفو عليكم اكتر
مهند: حرام عليكي يااااااخ قلبي وقف طبعا
انا: معليشششش تكبر تنسي😁🔥
مهند: امممم بالجد فرحته يااااااااخ
خلاص حنجيكم الاسيوع الجاي خلوكم جاهزين
انا: حاضر
وهنا امي جات خاشه علي
مهند: دي امك الجات دي
انا: ايون
مهند: امممم اديني ليها
امي هاك مهند عايز يتكلم معاكي
مهند : الوو السلام عليكم
امي وعليكم السلام يا ولدي
مهند: كيف ان شاء الله بخير
امي: والله طيبين الحمدلله
مهند: طبعا امل كلمتك بالحاصل وكدا
امي: اي كلمتني والله راجينكم بس
مهند: لالا ابشري يا خاله الجمعه الجايه بنكون عندكم
امي: عديله يا ولدي بس الواحد يقدر يمسك بيتو لانو الزمن العلينه دا صعب
مهند: امل فوق عيني والله وما بتشوفو مني الا الخير
امي: ان شاء الله
مهند: طبعا بتك دايره تجيب لي سقطه قلبيه غشتني قالت لي م وافقو 😁😁😁😁💔
امي: ههه البت دي شقيه خلاص الا تصبر عليها مجنونه خلاص 😄😄😄✋
مهند:ههههه خلاص ح اشيله منكم م بتلقو ليكم زول مجنون تاني
امي: هههه بتبقي لينا البيت شين غايتو ربنا يكتب الفيهو الخير
وخلاص هاك ليها م اطول عليكم😄💔
مهند: ان شاء الله يلا ف امان الله
