يلا نووووواصل
انا من ششده الخوووووف الصراخ زاتو غلبني(كنته قايلاهو حرااااااامي) وشغاله اصارع وانا م عارفه دا منو الماسكني وغافل لي خشمي فجاه كدا فتح اللمبه الفوق لينا لونها كان ازرق هادي كدا والجو كان مطر انسوووو بس معاهو رعد وشويه هواء
عاااااااينه كدا لقيتو دا فاااااااارس يااااااااخ انا من شده الغضب دفرتو ليك دفره قلته ليهووووو انت اهبل ولا شنووو دي شنو حركتك البيييييش دي في زول بعمل في مرتو كدا ونص الليل اسي من الخوفه لو جاتني سقطه قل ( قبل م اتمها قفل لي خشمي) وقال لي هشش بعد الشر علييييك حبيبتي م كنته قاصد والله بس م لقيت فرصه احسن من كدا عشان تجاوبيني قلته ليهو اجاوب بالنسبه لشنو يعني
فارس: السبب الخلاكي تبعدي مني وتتغيري
امل : ما عااااااارفه + فكني خليني اطييييير
فارس: م بفكك والله الا توريني ( هوووو مقرب مني شديد انفاسووووو في وشي يا الله دي محنه شنو دي)
المهم بعد عناااااااك وكواريك قلته ليهو مش عايز تعرف السبب يلا اسمع اليوم داك سمعتك كنته بتتكلم بالتلفون وقلته ( اي عشان كدا غشيته وجبته راسها) اها ارتحته كدا كويس الظهرته علي حقيقتك كنته غاشيني م كنته قايلاك كدا اصلا الرجال ديل كلهم واحد وضربتو في صدرو بنيه غضب كدا م كانت شديده
فااااااارس فكاها ليييييك ضحكه قلته ليهو اي اضحك غلطانه انا القبلته بيك زاتو احسن استاهل وماشه كدا قاااااام جراني عليهووووو وقررررررب مني شديد وخته يدينو ف خدودي قال لي تصدقي انك بريئه حبيبتي دا صحبي في بت جاريه وراهووو وعايز تعمل ليهو مشاكل وكدا وهو جرجرها لحدي م جاب راسه عشان كدا قلته ليهو الجمله دي( ياااااااخ انا بقيت قدر النمله) قال لي اسي لو كان قلتي السبب من زمان م كان احسن ههههه قلته ليهووو انت مالك كنته غضبانه وزعلانه ولا كنته داير معاك كلام قال لي معقوووووله انا اعمل كدا انتي البتكمليني وانا ادمنتك من جوه قلبي بقيت ليكي انتي وبس (قاااام شال يدي وختاها في صدرو قال لي القلب دا بينبض عشااااانك وكل دقه بتقول اسمك (يا يمه الود طلع رومانسي لي درجه وانا من الخجل ياخ زاتو م عرفته امشي وين ) قام بااااااااسني في رقبتي جمب اضااااااااني ويديني بقووو لووووح تلج بس عايز يبوسني تااااااني قمته عفصتو بي رجلي وجريت منووو طلعته غرفتي فوووووق ( طبعا دا كلو خجل وخوووف ههه غايتو نسئل الله السلامه) وفاااارس تحت بتبسم براهو وبتكلم مع نفسووو ( بقول طفووووليه ياااااااخ وبتخجل من اقل شئ يااااخ الانوووثه كلها فيييها) بعد شويتين فارس قفل الشباك كان فاتح وجايب هواء وطلع فووووق غرفتوووو
وانا بي جااااااي بتبسم براي زي الهبله وبقول ياخ انا متخلفه لي درجه اسي انا كنته زعلانه عالفاااااااضي ساي وحاااارقه دمي لمن ضحكته ( مويتي القبيييل زاتو خليته العطش راح ههههه) علي كدا نمته
اليوم التاااااااني صحييييت بدري خشيت استحميت وصليت طلعته من الغرفه خشيت غرفه فارس اشوفو صاحي ولا لسه ناااااايم فتحته الباب براحه لقيتو ناااااااايم ( يا يمه النوم يخلو لي برئ نايم زي الشفع) بقيت بعاين في غرفتو ياخ مرتبه وحلوه حلا فتحته دولابوووو شلته لي اول قميص بقيت اشم في ريحه ملابسوووو مشيت جمب السرير بقيت بعاين في وشووو ساااااااي ( قمر نازل من السماء) ختيت يدي في شعرووو وشغاله اقوووول (حتي انت بتكملني وحياتي بدوووونك ولا شئ حبيبي فارس)
فجاه كدا حرك يدو انا قمته سريع سريع جريت طلعته قبل م يصحي ويشوووفني نزلته تحت عملته الشاي وجهزته الفطووووور بعد 10 دقايق جاء نازل بصفر وبغني قلته دا مالو فرحان من الصباح هههه
المهم قعدنا في الصفره عاينه ليهو لقيتو بتبسم براهو قلته ليهو شنو الليله من قبيل شغال توزع في بسماتك قال لي ساي مبسووووط قلته ليهو ان شاء الله دايما قال لي نمتي كيف امبارح قلته ليهو والله نمته طوالي لاني كنته نعسانه شديد قال لي انا كمان نمته ساعه بس صحيت صليييت وتاني النوم م جاني بس مقمد عييوني ساي ( طبعا انا قلته الليله م يكون سمع كلامي سجممممممنا) قلته ليهو كيف يعني قال لي يعني الزول لمن م يجيهو نووووم وماف موضوع بقمد ساي لحدي م الصباح يجي بس عشان الوقت يمشي (انا هنا قلته خلاص حيكون سمعني بقيت ببلع في ريقي سااااااي)قمته علي حيلي خشيت المطبخ نظام عايزه اجيييب حاااااجه (هووو انا كذابه ساي خشيت عايزه اتهرب بس ) جاء لاحقني بقي واقف جمب الباب ( انا لمن اتلبشته) قلته ليهووو انت م سمعته حاجه مش بقي يضحك قلته ليهووو م سمعته صااااااح قام قرب مني خته يدو في خدي قال لي سمعته كل كلمه قلتيها انا طبعاااا منظري كان بيش ومبسوووووطه هههه
قام حضني قال لي انا من زمان راجيكي تقولي لي مشاعرك حلفتي كان تفتحي خشمك م عارف دا خجل ولا خووووف قلته ليهووو مزاجات قال لي مزاجك دا جبتي من وين قلته ليهو اشتريتو
في اللحظه دي تلفوني رنه كنته خاتاهو في راس التلاجه زحيت من فارس رفعته التلفون لقيت دي امي (احييي يا نبع الحنان اشتقته ليك ياااااخ) فارس قال لي دا منوووو القطع لينا لحظتنا دي حمرته ليهو قلته ليهو امي عندك اعتراض قام ضحك قال لي لا حولا الزول م يغلط معاك قال لي اديني اسلم ليها قلته ليهو ماااااااااااااااف
امل : ماميشكووووووو
امي : كيف يا بتي
امل : تمام والله مشتاقه ليكم بس
امي: وانحنا كمان فارس كيف معاك ان شاء الله مبسوطين
امل: في نعمه والله حازم وابوي كيف
امي: تمامين حازم خطب زاتووو عرسو بعد اسبوعين
امل: يخسي عليكم ليه م كلمتووووني
امي: م. حبينا نزعجك هه
امل : هههه ازعجوووني ساي هو انا لاقياكم
امي: صحباتك قبيل جوووو سالو منك
امل: حيييي ياااااااخ انحنا زاتنا بعد دا حنجيكم خلاص
المهم اتونسنا كدا وسلمته لي ناس البيييييت وفارس اتكلم معاهم وغفلنه مشينا المستشفي لي مهند لقيناهو حتي بمشي ما شاء الله اتحسن شديد والدكتور قال لينا بكره حيخرجووو
وفارس خلاص العقد باقي ليهو اسبوعين وينتهي حيرجع تركيااااااااا
