فتاه محرمه

الجزء الرابع

# فتاه_محرمه

#نواره
.
.
.
الجزء الرابع

                          كولوله لو يحجي ذهب شيسوي مايحلالها
                    طول الشوارب مايهم هي الزلم بأفعالها 💔

هستوني فتحت عيوني وباوعت عليها 😳😳😳😳 هييي نفسها .... 
ايييي نفسها الطفله الي ادور عليها كعدت كدامي اريد الكلمه تطلع ماكو ضليت ساكت ماعرف شحجي حفظت كل ذره بيها وكل ساكن
كل جزء منها هادئه بطريقه غريبه صحيح طفله بس تحس حركتها اكبر بهوايه من عمرها
شي غريب اكل كلبي اكل
حصره جبيره
يوسف ؛ شنو اسمج بابا
اسمي ليڤار
يوسف ؛ اممممم كمت كعدت كدامها ع رجليه صرت بطولها لزمت أصابعها الي تفرك بيهم كانو مسويه جريمه وتنتظر العقوبه مالتها
تعرفين شنو معنى اسمج
ليڤار ؛ هزيت براسي بمعنى لا
يوسف ؛ معنى الروح النقيه
ليڤار ؛ يعني شنو عمو
يوسف ؛ هههه حبيت كلمه عمو من كالتها توقعت تكول استاذ زين شلون لو كالت بابا
شوفي الإنسان يكبر كل يوم يمر تكبرين راح تصير سمينه وترجعين تضعفين وتصيرين طويله وتدخلين مدرسه وبعدها جامعه بعدها تزوجين ويصير عندج أطفال ......
هاي كلها خطوه خطوه بهالخطوات راح تكون ايّام سعيده وأيام حزينه
وأيام يجوز سيئه بس مع هذا راح تضلين نقيه طاهره بريئه حتلو ارتكبتي ذنب ....
ودائما حض الإنسان يكون جزء من اسمه هههه سمعت مره جدي كالها الله يرحمه كال الانسان اذ جان اسمه حلو وصالح حظه حلو وإذ اسمه مو حلو فحظه مو حلو

ليڤار ؛ هو يحجي واني صافنه بعينه تخبل طريقه كلامه ويحجي بهدوء كلش اتمنيت عندي اب يشبهه وكل كلمه يكولها يبتسم بطريقه غريبه
امممم زين عمو اني حظي حلو راح يكون بالأيام الجايه مثل اسمي

يوسف ؛ راح تكون الج احلى ايّام واحلى ساعات بس تبقى القدر الي الله كاتبه النا منعرف وين اودينه
زين هسه ليش حظج مو حلو

ليڤار ؛ باوعت ع المديره ونزلت راسي هي شكلها خايفه ماعرف ليش تجاهلت سؤاله
زين عمو اني صدك راح ادخل مدرسه وجامعه وأتزوج

يوسف ؛ هههههه وعد زلم راح تكملين وكلشي تتمني بحياتج راح يصير
واسوي من هاي عيوني وهسه يلا روحي لغرفتج

ليڤار ؛ زين عمو اكدر اطلب منك طلب احجي ومنزله راسي كلش مستحيه منه بس ماكدرت مااحجي
يوسف ؛ كولي
ليڤار ؛ بس احضنك

يوسف ؛ بس سمعت ماصدك اخذتها لحضني بكل قوتي ياناس ياعالم حتى الريحه نفسها والله سبحان الله بس ليش كاعد يعذبني هالعذاب بحياتي مسويت شي غلط ولا عصيت ربي ليش هالعقاب مادري نزلت دمعتي للمره الثانيه بعد موتها ليڤار بوستها وحجيت بااذنها كتلها حضري نفسج راح اخذج ويايه بس اطلعي بدون متحسسين المديره بساعتها حسّيت داحجي وَيَا واحد من الحارس مو طفله عمرها سبع سنوات
واباوع ع تصرفها فعلا طلعت بكل هدوء من الغرفه وسدت الباب بوراها يالله شكد شايله لطافه هالطفله