ما كل البشرايوب2
Batta
ماما قالت لي ده اخوك😱
انا:ياحجه اخو شنو جنيتي ولا شنو جبتي ولد بي ورانا 😹😹وكنت بستهتر بس بعد شوية لقيتهم جاديين وكرييم بقى مخلوع ويعاين لي😱
كرييم: كدي فهموني الحاصل اخت شنو دي كمان؟ طبعا بيتكلم بي لهجه مكسرره لانو متعود ع كلام دبي🐸💛
خالتو امال: طبعا يا كرييم يا ولدي انت عارف انك كنت اخرر اولادي يعني اخر العنقود😍 وع قول ابوك جيت بالمجازفات وكنت ضعييف شدييد وانا برضو كنت تعبانه ودايما في المستشفى ف شالتك صفويه بارك الله فيها في البداية هي كانت حامل بي لميس لكن بعد ولدتها بقت تهتم بيكم الاتنين زي بعض وانا بس كنت راقده، وفضلها فووق رقبتي لي يوم الدين (وعيونها دمعت)😢💔
ماما: ما تقولي كده يا امال والله ده ما اكتر من الواجب😊🌸
وانا وهنايي داك بس نعاين لي بعضنا هو بحك في راسو وانا عندي حركه كده بعملها لمن استغرب بحك راسي وتعابير وشي بتتغير😹😹 بقى يضحك ضحكت معاهو قال لي اها يا اختي الجديده طلعت ضحكتك حلوه ابتسمت ليهو بهدوء😊 وبقيت بقررص في امي نظام اررح 😹😹خالتو امال لاحظت لي وبقت تضحك قالت لي كرييم سوقها معاك غرفتك اتونسو واتعرفو على بعض 💜عااد انا هنا الخوف كتلني بقيت بس بعاين ليهم ومخلوعه امشي غرفة منو هيي برري امي قالت لي امشي معاهو قلت بما انو ماما قالت كده معناها خلاص قمت طلعت معاهو اولا لففني البيت بعدين مشينا غرفتو كلها كانت عباره عن كؤووس وشهادات وميداليات قال انو هو رياضي وبلعب اكترر من لعبه وبشارك في مسابقات ده غيير انو متفوق في دراستو يعني زول ما شاء الله🐸 بعدين سكتنا الاتنيين مساففه، شوية كده وقطع الصمت بتاعنا صووت لانا وهي جايبه لينا العصير وطلعت طوالي هو قال لي اكييد ما حتكوني اتقبلتي فكرة الاخ دي خصوصا وانو شكلك هاادية ما بتاعت الكواريك(بي قلبي قلت ليهو اسكتت ساايي انت اصبرر علي لمن اتعود عليك بعدين اوررييك الهدوء على اصولو😹😹) اكتفيت بابتسامه قال لي حعرفك بي نفسي اسمي كريم احمد عبد الرحمن عمري 13 سنه ( نفس عمري) كنت ساكن في دبي اتولدت هنا في السودان لكن رحلنا دبي وانا عمري تلاته سنين بدى يعررف ويتكلم عن نفسو واهلو وكده وانا بعاين ليهو بصمت بالجد ارتحت ليهو شكلو ظرييف ووناس بعدين قال لي دورك قلت ليهو دوري شنو؟ قعد يضحك قال لي تعرفي عن نفسك قلت ليهو طيب وجريت ليهو شريط حياتي من يوم ولدوني لي اللحظة دي(صحبتكم عااد ما بتقصرر نضامه جنس نضمي😹)بعدين قلت ماشه لانو ما خلصت الواجب بتاعي والوقت اتاخر قال لي طيب 😊ونزلنا لما نزلنا كنا بنتونس ماما وخالتو اتبسطو انو اتاقلمنا مع بعض بعدين انا استاذنت لكن ماما قالت عايزة تتونس قلت ليها اوك بمشي قدامك قالت لي تمام عايزة اطلع كده كرييم قال لي بوصلك قلت طيب مشى معاايي لحدي البيت وقال لي تصبحي ع خير قلت ليهو وانت من اهلو طلعت نمت، شوية شوية وحبه حبه بديت اتاقلم ع كرييم💜 حبيتو بالجد زول ظرييف وتعاملو رااقي 💜ما بكذذب اني صاح في البداية ما حبينو هشان لهجتو الما سودانية دي بس خلوهو معااي اسبوعين بقى يقول كرر علي يا يمه، 😹مع مروور الزمن اليوم بقى ما بمرر كن غير كريم💜 بقى قطعه من روحي 💜كل يوم روحي بتتعلق بيهو اكترر 😹💜بقينا يا هو قاعد معااي في البيت يا انا معاهو في بيتو💜 لحدي ما جا يووم جا فيهو اكرم داخل البيت وكلو دمم...
جا اكررم داخل البيت وكلو مليان دم جابو عمو احمد اكررم ما كان بيتكلم بس كان ساكت ومخلوع كلنا جرينا عليهو لكن طلع ما مصاب هو عمو احمد اششر لي خالتو امال نظام م تتكلم معاهو الولد من غير ما ينطق حررف طلع فووق غرفتو عمو احمد قال ليها تتذكري رشا؟ قالت ليهو كيفن بنساها دي اول بت اكرم يحبها وقال لي انو عايز يتزوجها ومشى كللم ابوها ،مالها؟ عمو احمد قال ليها طقشتها عربيه وماتت بين يدينو☹💔✨
لحظه افهمكم طبعا ما حتكونو فاهمين شي رشا دي كانت صحبة سامي من الطفولة💜 سامي اتعررف عليها في الثانوي وبعدين دخلو نفس الجامعه 💜يلا اكررم صاحب سامي من الطفولة كانو بقرو سوا لحدي ثامن وبعدين اكرم سافر دبي لكن كان بجي السودان كتير يلا المهم سامي شوية شوية بدا يحب رشا 💜وما كلم زوول غيري يلا قامو كلهم في الجامعه دخلو نفس القسم الثلاثه لكن كل زوول تخصصو براهو سامي ورشا هندسه كهربائيه لكن اكررم هندسة معمار اكررم شاف رشا وعجبتو في نفس اليوم الكان سامي عايز يوريهو انو بحبها💜 يلا سامي سكتت شوية شوية اكررم حب رشا 💜قام طوالي كللم سامي سامي اتخلع وبقى ساكت قام مشى لي رشا قال ليها اكررم قال بحبك قالت ليهو وانا كمان 💜🙈هنا كانت الصدمه
هنا كانت الصدمه بي النسبه ساميي💔 حب حياتو الاول طلع ما من نصيبو😔💔 اليوم دااك انا وكرييم كنا راجعين من الدكان الا اشوف ليك ساميي ملامحو متغيره كانو عايز يبكي مشيت لحقتو لقيتو في الصالون وببكي بي هستيريه 😭😭قلبي وجعني شدييييد سالتو مالك؟ قام حكى لي الحصل كان ببكي وبحكي لي 💔وانا غلبني بقيت ابكي معاهو 😭💔بعدين قششا دموعو وقال لي اوعك اكرم او رشا يعرفو اني كنت بحبها قلت ليهو طيب لكن انت حتعمل شنو قال لي ولا شي بس حسيبها ليهو انا بحب اكررم اكتر من روحي💜 وبما انو هو عايزها حلال عليهو 💜وبعدين ما حلقى زوول احسن من اكرم يحافظ ع رشا 😊💜🌸قالها والعبره خانقاهو اليوم داك نمت معاهو في الصالون طوول الليل كنت بسمع انين بكاهو وانا من جوااي كنت بتقططع من حسرتي عليهو،😭😭💔 مرر الزمن واكرم ورشا بقو احلى اتنين وجابها عرفها على امو ومشا اتكلم مع ابوها ووافق وطبعا بحكم انو اكررم كان اول الدفعه كل الناس كانت متوقعه ليهو مستقبل بااهر جدا 💜🌸يلا نرجع لي يوم الحادث في اليوم دااك اكرم كان ماشي يلاقي رشا وما كان عندو محاضرات بس ماشي سااي ومعاهو سامي يلا وقفو ليها جنب الزلط في اللحظة الهو باشر ليها من بعيد عشان يسلم عليها لفحتها العربيه..
لفحتها العربيه واكررم جرا عليها البت سااحت في دمها وماتت في يدو وهو دخل في الصدمه كن اليوم دااك يلا نرجع لي قصتنا.
خالتو امال بقت تبكي، 😭😭خالتو امال شنو ده البيت كلو بقى يبكي 😭😭انا طلعت فووق للولد قلت بكون عمل في نفسو حاجه اتصلت اول على سامي من تلفوم كريم (طبعا ما كان عندي تلفون) قال انو هو في القسم وبكمل في الاجراءات ما انتظرت وطلعت فووق لي اكررم لقيت باب الغرفه مفتوح دخلت طوالي لقيتو قاعد في ركن الغرفة ومتربع وما ببكي ولا بضحك بس قاعد وبعاين وساكت انا منظرو اثرني (اححي من حنيتي) مشيت قعدت ليهو في الارض
انا: اكرم😢💔
اكرم:....
انا: اسمعني الحصل ده قضاء وقدرر والبت ماتت على الاقل امشي احضر وداعها ودعها قبل تمشي تحت التراب وما تقدر تشوفها تاني😭😭
اكرم : ماتت في يدي يا لميس ماتت في يدي انا السبب لو ما انا قلت ليها تعالي لي بيجاي ما كان جاتها حاجه وكان حتكون معاي والولد بدى يبكي بي هستيريه😭😭😭😭
انا: اكرم الحصل ده قضاء وقدر يعني انت ما عندك بيهو علاقه وانت بي خشمك قلت كان هسي الحصل حصل والبت اتوفت ادعي ليها بدل تعمل في نفسك كده وتعذب نفسك وتعذبها اكررم بدى يبكي شدييد لما سمع كلمة اتوفت حضنني وبقى يبكي😭😭😭
انا بكيت معاهو لكن بي صراحه موضوع الحضن ما عجبني بس مشيتها ليهو لانو مصدووم بعدين اهلو جو وبدو يتكلمو معاهو، مع مروور الزمن اكررم دخل في حاله نفسيه وكل يوم كان ببقى اسوا وجو البيت كلو متكهرب بي سبب اكررم حتى الضحكة والفرحه البتحسيها في وشهم اختفت بقو باهتين وبالاخص كرييم قام عمو احمد اقترح عليهو انو يسافرر ماليزيا يشتغل هناك وانو هو ظببط ليهو اي شي اكررم سافرر والبيت كلو كان حزين على فراقو وبالذات كرييم وسامي يلا تاني اكرم ما رجع السودان خالص لمدة سنه في السنة دي انا وكريم بقينا احلى اتنين 💜نعجبكم عجب ضحك وونسه وهظار داخلين ومارقين سوا 💜بنطققم لبس البيت ولبس المرقة حتى الشباشب والسفنجات💜 لدرجة انو في تامن اتحول من المهندسين لي مدرسة جنبنا عشان يكون جنبي يلا في رمضان بتاع تامن اكررم كان راجع السودان قال ليهم يوم التامون انو جايي يوم الوقفه كل الناس اتبسطت الفرحه ظاهره في وش اي زوول خصوصا كرييم😍 وسامي طبعا من الفرح مشى قسسم حلاوه على المسجد كلو بعد الصلاة، طبعا لما كان اكررم في شوية كامت صحتي سمحه شوية شنو ده انا كنت مدغلبه بشكل😂😂 بعدين اتغيرت خسييت شدييد وبقيت نحيفه وبالذات في تامن
كنت نحيفه وخاصة في تامن(هسي عااد اعجبكم الشحم يقول يا لييل😹😹) بعدين حتى ملامح وشي اتغيرت طبيعي بما اني كبرت سنه اني اتغيرر 😌المهم يوم رجع انا شفتو من الشباك بس هو ما شافني لاني كنت طوول اليوم في المطبخ وشايله سولي طبعا نسيت احكي ليكم بي سولي ده معلييش🤦🏻♀
سولي ده اسمو سليم بنادوهو سلوومي او سولي زي ما انا بدلعو امو سلمى اخت كرييم هي اصلا عندها مشكلة في القلب وولدت بعد تعب وبعد الولادة تعبت شدييد وخالتو اماال كانت طوول الوقت معاها ف قمت انا بقيت بشيل سلييم باكلو وبشربو وبحميهو يعني بقيت زي امو الولد مع مروور الزمن اتعللق بي زي امو واحد وانا الربيتو وهو الاخترع لي اسم لوسي وده كان اسم خااص ما بديهو الا لي اقرب الناس لي زي سليم خالتو امال والاسره الكريمه وسامي وسومو(دي البست بتاعتي💜) ما علينا
يلا ما شفت اكررم الا يوم العيد عااد صحبك هو اصلا حلبي ولقى الترطيبه دي هناك بقى ينورر 🤤👋🏻ولابس لييك جلابيه باكستانيه يسووي كدي 👋🏻وانا بس من بعييد شفت صحبك وبقيت مصدومه ومنبرشه وكللو🤤 يلا ساامي اششر لي نظام تعالي اعييد عليك هزييت راسي لا جاني سامي في مكاني وسللم علي وعييد وكده بعدين اكرم مد يدو لكن ما انتبه لا لي و
ما انتبه لا لي ولا الفستان الخرافي الكنت لابساهو لانو كان مستعجل بعدين ساقوو كرييم وطلعو التلاته اقترحو علي امشي معاهم لكن رفضت لانو سومو كانت جاياني سومو قضت معااي اليوم كلو ومشت المسا تاني يوم صحيت متاخره نضفت وما مشيت ناس عمو احمد خاالص يلا زي الظهرر كده لفحت عبايتي ومشيت الدكان جبت كم حاجه كده وانا راجعه سامي و اكررم كانو تحت الشجره سامي قال لي صباح الترطيبه🤤💜👋🏻 ضحكت وقلت ليهو يسعد صباحك 😊🌸قال اي تعالي سللمي جيت سللمت لكن بعد تلتله وتحانييس لما سللمت حسيت نظرة اكررم لي غريبه فحصني بي نظراتو بعدين مشيت يلا اول ما قبلت سمعتو سال سامي قال ليهو دي منو بعدين ما قدررت اسمعع شي دخلت على بيت عمو احمد والولد متابعني بي نظراتو لمن دخلت يلا انا متعوده اول ما ادخلل اعللق عبايتي في شماعه جنب الباب وبدخل بي البجامه او القميص يلا كنت لابسه قميص مع الركبه وردي وابيض وفيهو دبدوب اكمامو قصيره يادووب مغطيه كتفي وما كنت مسررحه بس عامله كعكه بعدين دخلت جوا لي لانا وكرييم سلوى مشت مع خالتي امال ما عارفه وين وسولي كان معانا يلا لانا قالت لي تعالي اسررح ليك شعرك السمح ده 🤤ضحكت وقلت ليها طيب 😂يلا بدت تسرح لي..بدت تسرح لي التسريحه بتاعت البرمه ديك يلا عملت برمتين والورا كانت حتلمو لي قام سولي شال المشط وجرا😂 وانا جريت وراهو وبسك فيهو بي قميصي داك مسكتو وشلتو في الكنبه وبقيت بكركر فيهو وهو داير يتشقى من الضحك😂 بعدين سمعت لي صوت ضحكه اتلفت لي وراا وبقيت مخلوعه.😱..
