ضربة وعد كانت قوية لي درجة انو التلاتة اولاد سمعوها و اتلفتو بسررعة😨💔...لقو ليك وعد واقعة في الواطة و جزء من وشها فيهو دم...طبعا بقو مخلوعيين خلعة😨💔...حسام طوالي جرا عليها عشان يتاكد من نبضها...والحمدلله حية...الضربة كانت قوية اشان كدا فقدت الوعي😪💔...اتلفت طوالي للراجل الضربها😡...عاين في وشو...و حسا روحو بيعرفوا لكن ما قادر يتزكر من وين...فجأة سمع صوت خالد يقول
خالد:كنا منتظرنك ي عمو علي😒💔
حسام و مقداد اتخلعو😨💔
عمو علي:و السبب😒💔
خالد:لازم نوقفك حسي عشان ما تقضي علي كل عائلتنتا😒💔...
حسام وقف علي حيلو وقعد يضحك😏
خالد:حمدلله علي السلامة😒💔اخيرا فهمتا😒...والله مخك بقي تقيل خلاص ي حسام...
حسام:بتفاهم معاك بعدين حسي كدي خليني في الراجل دا😡💔...
مقداد مشي لي حسام و قالي ليهو
مقداد:في شنو؟!
حسام:الراجل دا هو السبب في موت امك و اختك...ما كان خالد...تتزكر الكاميرا الكان خاتيها ابوك في العربية؟!
مقداد:طلعت غشة😒💔
حسام:ما كانت غشة😏...كانت قاعدة بس الراجل دا شالها قبل ما يمرق من العربية...السبب الوحيد البثبت انو هو القتلهم شالو معاهو...
عمو علي:و جيت اخادوا راجع😡💔
مقداد:و لقيتو وين انت؟!
حسام:خالد سرقو منو...
مقداد عاين لي خالد😨💔
خالد:دا الدليل الوحيد البثبت براءتي...و انا لازم اخد حقي بعد السنين دي كلها...
عنو علي:علي جثتي💔😡
و فجاة مرق ليهو سكين و طعن مقداد في كراعو...مقداد طوالي وقع في الارض😨💔حسام طبعا اتخلع و زحا من عمو علي طوالي لانو حاول يطعنو هو زاتو...
حسام:انت داير تقتلنا عشان حاجة زي دي😡💔انت ما بتخاف من الله😡💔
عمو علي:😏في زول ما بيخاف من الله...انا بخاف لكن دا هو الضروري...يلا اديني الموبايل بسرعة قبل ما تلحقو اهلكم في العالم التاني😡💔...
حاول يضدبهم كم مرة بالسكين و كل مرة هم بيجلو...حسام اضرب بالسرير و بقي واقف في مكانو...عمو علي طلع ليهو سيخة طويلة من شنطتوا و قال
عمو علي:لازم انتهي منكم الاتنين مرا واحدي😡💔...
مشي علي حسام عشان يطعنو لكن خالد وقف قداموا و اخد الطعنة بدلو...خالد كان مواجه حسام فيس تو فيس...و الطعنة اخترقت صدروا اليمين...😨💔راس خالد كان جنب اضان حسام...عمو علي لكن ما وقف هنا😡...لزا السيخة زيادة لي درجة انها مرقت من صدر خالد و دخلت في كتف حسام😨💔...حسام طبعا كان مخلوع😨💔...عمو علي كان ناوي يقتل حسام بي حاجة تانية لكن مقداد كان بي وراهو و ضربو بالحديدة في راسو لحدي ما وقع😨💔...وعد طبعا فتحت عيونها و لقتهم في المنظر دا😨💔...طبعا ما عرفت تسوي شنو زاتها😨💔 خالد ضحك شوية و هي ي الله قادر يتكلم و قال لي حسام
خالد:و كدا تمت تبرئة اسمي😊...
مقداد:لازم انادي الناس بسرعة😨💔
خالد:لا...ما بحصل💔...اصلا في كل الاحوال كنتا حاموت في الايام دي💔...اسمعني ي حسام...انا اسف لي كل شئ عملتو ليك...و ما تخافوا مسامحكم علي كل شي انا...داير امشي بي سلام لي ربي...ما تنساني ي حسام...با في صلاتك لا دعاءك...انا معاك دايما...عيش لي حياتي معاك...اقرا كويس و اشتغل كويس و ساعد امي و ابوي لمن يكبروا لينا الاتنين...و اهتم بي ملاذ الصائعة دي كمان...و ما تنسي تحقق حلمك الكنت بتقولو لي زمان...انك تعيش في الايمارات مع مرتك و اولادك و تهتم بيهم...و تجي زيارة للسودان تلاتة مرات...و تسكن امي و ابوي معاك هناك...ما تنسي تحققو اما بالنسبة لي مرتك...فمافي داعي عشان اوصيك😂✋💔...عندك هدي ليها جاهزة...بس ما تزعلها...انت عارف مخها ضيق كيف...سووبحان الله لكن...الطيور علي اشكالها تقع😂💔...حاول عليك الله ترجع مخك لي زمان...و بالنسبة لي التلفون الاديتو ليك...ما رميهو...بحبتو كويس لانو فيهو كل شي...استمع لي التسجيلات المسجلها ليك كويس...اما بالنسبة لي...فما تزكر انو انا حي...خلي انتو التلاتة بس تكونو عارفين انو انا حي...انت شفتا موتي عملت شنو لي امي...فما بالك حسي حيحصل شنو...خلوني اموت كمازن المرة دي ما خالد و عمو علي خليهو يسجنوهو لانو كتلني و عمل فيكم كلكم كدا...موضوع زمان داك ما تدخلوهو عليكم الله...يلا...اشوفكم كلكم في الجنة ان شاء الله😊✋
استشهد و فجاة وقع في الارض...و حسام وقع معاهو بي سبب السيخة...مقداد قعد يبكي و وعد برضو...اما حسام فكان مخلوع بس😨💔كل شئ حصل بي سرعة...قبل اقل من نص ساعة هو كان بيضحك مع خالد و مقداد و وعد كانت واقفة و كل شئ تمام....حسي مقداد واقع مطعون و وعد مضروبة في راسها و توامو ميت قدامو😨💔...دا كان كتير شديد عليهو عشان يستوعبو...
بعد اسبوعين...
رؤي مرقت من المستشفي و بقت بتمشي الجامعة عادي...و وعد بقت احسن بعد ما رقدت مستشفي اسبوع و مقداد بقي بيقدر يمشي كويس... اتضح انو خالسرطان رجع لي خالد و انتشر في جميع جسدوا و كان حيموت في كلتا الاحوال...اما التلفون فكان فيهو تسجيلات مسجلها خالد لي حسام...كل يوم كان مسجل ليهو تسجيل و بيحكي ليهو حصل ليهو شنو السنين الانفصلو فيها دي كلها...ااي شئ بالتفصيل...عشان كدا قال ليهو خليهو معاك...و صور ليهو في مصر برضو...
وعد في الجامعة
وعد:ااااااه😪💔زهجتا انا يااخ😑دايرة ارجع البيت💔
ايلاف:اكلي و ارجعي😂💔...
خنساء:عايني عندنا محاضرة تاني ترجعي شنو😂💔...
رؤي:انتي لو ما قادرة تستحملي اول سنة طيب لي خامس حتسوي شنو😂💔...
وعد:بنسحب من الجامعة والله دا ضغط كبيير😭😭💔
خنساء:كسلانة دي😂💔
مقداد جا قعد جنبهم
مقداد:مالا😂💔
خنساء:دايرة ترجع البيت قالت😂💔
وعد:راسي واجعني والله😭💔
مقداد:راسك لازم يوجعك ي اختنا بما انك برلومة😂💔
وعد:😔😔💔
خنساء:بالمناسبة😕حسام بقي كيف؟!
رؤي:ااي صحي كتفو بقي كويس و ااي شئ...مالو مابي ينزل
وعد و مقداد عاينو لي بعض مسافة...
مقداد:زعلان عشان صاحبهم مازن توفي قبل اسبوعين...
رؤي:ما كنتا قايلاهو قريب ليهو لي درجة انو موتو يزعلو كدا😕💔...الله يرحمو...
وعد ابسمت ابتسامة خفيفو و قالت بي صوت واطي
وعد:صدقيني كتؤامو والله😢💔...
#يتبع...
