عجاف القلوب

54

صباحووو حبايب ❤️
البارت ( 54 )
#عجـاف_القلـوب ..
#بقلمي_شمـس_السعدي ..

أتعرف ما معنى انك خذلتني ؟؟
معناه انك اوجعتني من داخلي ..
وتركتني أُحتضر ما بين الحياة والموت ..
معناه ان ابكي بغرفتي على وجعي الذي تركته داخلي دون ان تبالي بي ..
جعلتني كـ الجثة دون روح !!
فليتك تدري كم هو مؤلم ان يزورك الحنين بغفلة فتبكي كـ الصغار وتضم نفسك وتهمس سيعود كل شيء بخير مع الوقت ..
ولكن بلحقيقة انت تعلم ان الوقت لم ينصفك ولم ينسيك الوجع ولم ينسيك الشخص الذي اسكنته داخلك , انه الخذلان الذي ينتشر بداخلك كورم خبيث يجعلك ترى الحياة بجميع الالوان الا لون الفرح , سلبت ابتسامتي مني واوجعتني ويا ليتك تشعر بما اشعر به ..

لكن رغم خذلانك .. لم استسلم وزادنـي المي قوةً وصبرا وعزيمة ..
فأنا ابنة لأم عظيمة كافحت وناضلت وربت الى ان ماتت وهي لاتعرف معنى الهزيمة ..

فلا تحاول ان تعيد المياه كما كانت .. فالماء اذا انسكب لايمكن جمعه ولملمته مثل القلوب اذا انكسرت !!

درة ..
قررت اراسل الكاتبـة ..
بعد مابقيت ليله كامله الثاني يوم اني اقرأ بقصتها ووجع حور ع قيس وشصار بيها ..
فعلا فقدان الحبيب صعب وموجع ..
لكن فقدان الام اصعب واكثر ايلاماً ..
انطيتها متابعه وراسلتها ..
بقيت انتظر يومين ماكو ..
تالي شفتها معلقه بگروب وگلتلها محتاجتج ضروري ..
ردي عليه خاص ..

ماقصرت وردت بسرعة ..
گلتلها عندي قصة ومحتاجة تكتبيها الي ..
الكاتبة .. عزيزتي اتشرف لكن حاليا عندي كم هائل من القصص ومااگدر اقدم قصتج عليها اذا تحبين انتظري ..
درة .. زين راح ادزلج ملخص عنها وانتي قرري اذا تستوجب تقدميها او لا ..
دزيت الملخص بعد ماكتبت كلشي يخص امي ..ومقتطفات عن حياتي وحياة اخواني ..

دزيتها وانتظرت ..
ردت عليه بعد ساعات وجان جوابها ..
الله ع صبر امج وقوتها .. شلون انسانه عظيمة ..
خلص راح اكتبها بس راح تصير روايه اجيال عبر الزمن
يعني اريد تكون قصتج مكمله القصتها ..
وقصة اخوانج ايضا ..
لازم الكل يشوف انجازها وتربيتها من خلالكم ..

درة .. بس اخاف المتابع يمل .. قصتي حزينة وانتهت بالفراق .. اني اريد التركيز ع حياة امي وبس ..

الكاتبة .. لاتخافين اني اعرف شلون راح اسردها بطريقه تشدهم بس انتي اكتبي التفاصيل ولاتتأخرين عليه ..
لان اريد اكتبها ع العطلة الربيعية ..

درة .. زين عندي وقت .. من ارجع من الدوام اگعد واكتبلج تفاصيل حياتنا . بس اكو اشياء مااتذكرها بطفولتي تذا تحبين اخلي اخوية الكبير يسردهم الج شتگولين ..

الكاتبة .. جيد اذا عندة تفاصيل دقيقه ومعلومات يگدر يفيدنا بيها .. افضل يكتب طفولتكم هو ..
درة .. ان شاء الله احجي وياه واكتب وادزلج ..