في سنين التسعينات في احد بيوت الناصريه تسرب نذراً فاصبح عذراً ليخط لنا قصته اليوم
🌼النذر🌼
مشاهد من القصه
خاب ماتسد حلكك شنو انضل احنه اعلى ليجوز والياريت اسمعني جلمه وكلتها وما ارد اعيدها اذا مرتك جابت الثامنه ومحمد ازوجك كبل لايطر اعليها المصباح وهاي انه كتلك
سمعت حجيهم وانه ونمردت روحي وكضيت بطني واحس برفسات الجاهل ياربي دخيلك انه اعرفن خضر يسويها اذا امه كالت يعني هاي هيه واذا تزوج وخلف ولد انه وين انطي وجهي ويه ثمن بنات دهر فرج يارسميه خبلتيني الله يخبلج
طبيت الغرفتي وفرشت مصلاتي ورحت توضيت وانه صدك خايفه شلون لو اجت الثامنه هاي رسميه تزوجه وتحطله مره فوكي وموبس هيج ياربي انه هم اريدن الولد هم احن من اشوفن النسوان تتشتري هديمات الولد وانه انكل بس للبنات مليت من البنات ومن خلفه البنات اريد ولد التالي شيبي ااااخ ربي نذر ماشي اعليه لو جاني ولد لزوجه ثنين بفرد يوم واذا جتني بنيه والنبي لزوجها اعلى شرج وهذا النذر جاري اعليه حتى لوضل اخر يوم بعمري
...................
اي خويه بنيتك عرجه وضاله ومحد راح يدك بابها اله المعيوب مثلها لاتزعل يبعد اختك بس هذا الصدك من هيج انطينيها الاموري وليدي كامل والكامل الله والله رازقه يكدر يشيل حمل نسوان ثنين ولاتنسه خويه انه نذرت هل النذر كبل ٢٠سنه وخايفه اموت وماموفيته
...................
خيه ماكو اعلى عرفجن زلمه ماخذ ويريد مره ثانيه عندي بنيتي شهله عين الله عليها تخبل وبحل زواج
ام ميثم ليش خيه جا شهله بعدها بنيت بيت ليش رايدتلها اعلى شرج
