——
رجع فارس من دوامه ووقف يطالع في الغرفه اللي بدر نايم فيها، التفت وراه لقى فيصل واقف ومتكتف .
فارس طالع فيه ببرود : نعم ؟
فيصل قرب منه : منو هذا فارس ؟
فارس مشى من عداله : بدر .
فيصل لحقه : منو بدر، حبيبك ؟
فارس وقف ماكنه ولف طالع في فيصل اللي صدم في ظهر فارس اللي وقف فجأه .
فيصل ابتسم وغطى ثمه يعني مصدوم : يعني كلامي صدق، اومايقاد اخوي فارس المريض نفسياً يحب ؟
فارس عطاه نظره وراح عنه لانه يدري مافي فايده انه يتكلم مع ها الاهبل .
——
فيصل متعلق في رقبت خالد ويسولف معه، وفارس فاتح لابتوبه يشتغل عليه، شوي ورفع عيونه للدرج، بدر لابس قميصه اللي كان وسيع عليه شورته ، نازل من الدرج يفرك عيونه بكمه ويترنح .
فارس فهى يطالع فيه من فوق لتحت .
فيصل وخالد التفتو لبدر وخالد عض شفته : يويلي .
فيصل التفت بسرعه لخالد وضربه : نعم ؟
خالد باس انفه وضحك : يويلي عليك .
فيصل طالع ف بدر : بدر .
بدر طالعهم وأبتسم : ها .
فيصل عدل جلسته فوق خالد ويصير ملاصق ظهره بصدر خالد : عجبتك ملابس فارس ؟
بدر يطالع القميص اللي لابسه : انا شفت الحمام مفتوح ودخلت اخذت حمام ولقيت هذا هناك ولبسته لانه ماعندي ملابس .
فيصل قام وراح صوبه وبعثر شعره : عادي حبيبي، بشوف اذا عندي على مقاسك لانه ملابس فارس كبيره عليك .
فارس رجع يطالع اللي بين يدينه : لاتعب نفسك بنروح انا وبدر المول ناخذ له ملابس .
بدر فرح وراح لفارس ونط في حضنه وصار بين وجه بدر ووجه فارس شعره : صدق بنروح المول ؟
فارس تأمل عيونه ونزل يطالع شفايفه: هيه .
بدر قام يصفق وينط من الحماس : انا رحت للمول يوم كنت صغير مع ماما وكان وناسسسه فيه اغراض كثير كثير .
فارس ابتسم على حماسه واختفت ابتسامته بعد ثواني " انا شو فيني"
بدر راح حماسه وجلس : بس...
