——دخل مكتبه وفتح اول زرين من قميصه وطلع فونه من الدرج .
مكالمه فائته 30 من بدر، تنهد بعد ما قرا رسايل بدر واتصل عليه بعد رنتين رد بس مانطق .
فارس ابتسم بخفه : طفلي ؟
بدر بحده : مات .
فارس : بسم الله عليه لا تتكلم عن طفلي جي .
بدر عبس بزعل : انت واحد حقير تعرف .
فارس قام يتمشى داخل مكتبه ويفرك جبينه : حبيبي توني مخلص من اجتماع مع ناس من برا .
بدر صرخ عليه معصب : يا كذاب شو ها الاجتماع اللي بالليل ؟
فارس وقف وتنهد : طفلييييي اسف مب بيدي .
بدر : شفت انك كذاب قلت لك لا تتأخر اليوم بنتعشى مع بعض بس انت ماتحبني .
فارس : عطيني نص ساعه واكون عندك .
بدر سكر في وجهه ودخل الغرفه وقفل الباب .
بعد نص ساعه وصل فارس ودخل البيت يدور بدر راح لغرفتهم وحصلها مقفوله ودق الباب : طفلي .
بدر منسدح على بطنه فوق السرير ودافن وجهه في المخده : خير؟
فارس ابتسم : افتح لي الباب حبيبي .
بدر رفع راسه عن المخده : ما ابيك تنام معي انقلع غرفه ثانيه .
فارس : وانا مابي انام الا معك .
بدر : انقلع .
فارس جلس على الارض قدام الباب : اوك بتريا هني حتى تفتح لي .
بدر : اتريا مايهمني .
فارس حط راسه على الجدار وغمض عيونه : ما وراي شي .
بعد ساعه بدر ماقدر ينام ، قام من السرير ووقف قدام الباب متردد يفتحه ولا لا بس في الاخير فتحه وشاف فارس نام وهو جالس وراسه مايل واضح من وجهه انه متألم من الوضعيه ، قرب منه وجلس قدامه يهز كتفه بشويش ويهمس : فروي .
فارس كان نايم وكشر بألم من وضعية نومه وواضح انه غرقان في نومته .
بدر مايقدر يحمله للسرير فراح يجيب مخده ولحاف حط المخده ورا راس فارس ونام هو على صدر فارس وغطى نفسه وفارس معه .
الصبح فتح فارس عيونه وشاف بدر نام فوقه وابتسم بخفه ، وقف وشل بدر للغرفه حطه فوق السرير وغطاه عدل والتفت يبي يروح بس حس بيد تمسك يده .