رؤى:حتنزلي المدرسة بتين
ايمان:الاحد البعد الجاي
رؤى:متحمسة؟؟
ايمان:خالص
رؤى:علاقتك مع امك كيف ؟؟
ايمان:والله حلوة شديد بحس امي بتحاول تعوضني وبنقضي وقت اطول مع بعض
رؤى:انا مبسوطة عشان انتي مبسوطة
ايمان:انا زاتي مبسوطة
رؤى:عايني اسكتي وليد في الانتظار
ايمان:انا تبيعيني عشان وليد القاري نساء و توليد(واي من جواي😂😂)
رؤى:ايمان انقلعي
*****
تجلس تلك السمراء في زاوية غرفتها فاذا بهاتفها يعلن استقبال مكالمة ظهر شبح ابتسامة عندما قرات اسم المتصل "bomb🎆 "
مزن:ايثار يا ايثار كيفك
ايثار:(بصوت باكي)مزن
مزن:(😲)مالك يا بت في شنو
ايثار:جدي جا الليلة
مزن:وطيب
ايثار:... حكت ليها الحصل
مزن:واي يا ايثار
ايثار:مزن انا تعبت بالجد انا ما حاقدر استمر كدا انا تعبانة بالجد
مزن:ايثار وربي كلو حيتصلح وحيجي بالجد الزول البستاهلك
ايثار:انتي بتضحكي علي
مزن:ايثار انسي الموضوع دا انت اتخطتي الموضوع دا في غضون سنة وافتكر دا زمن قياسي جدا + خلي كل حاجة للقدر وفي النهاية الكلام قسمة ونصيب
ايثار:اممم بالمناسبة جاد كيف
مزن:مالك بتساليني منو
ايثار:ساي من باب الفضول
مزن:حاسفهك اسمعي
ايثار:ها
مزن:انا بايتة مع لينا تعالي واضربي كلمي معاك هبة لاني كسلانة وما قادرة
*****
بتتكلم معاه بالفون وبتحنس فيه ودموعها على خدودها
مي:بهزاد انا بالجد بحبك ممكن تديني فرصة
بهزاد:رجاء يعني انا تعبت حتى انتي خليتني اتغيرت انا بشوف نظرات تساؤل من مزن وايثار ولينا حتى هبة اختي بشوف منها نظرة انكسار
مي:بهزاد اديني فرصة تانية وربي بعمل اي شي
بهزاد:اي شي اي شي
مي:قصدك شنو
بهزاد:مخك ما يمشي بعيد
مي:ها
بهزاد:مي غيري من نفسك انتي شكلك كدا عاجبك شوفي طريقة لابسك و كلامك كيف انا عارفك من جوا بريئة بس باقي العالم ما عارفك حاولي اتغيري (طق قفل الخط😭)
طيب تعالوا نعرف الناس ديل قصتهم شنو
Flash back
بهزاد ومي كانوا اصحاب من وهم صغار فرقهم سنة وحتى انهم درسوا نفس المجال ممكن نقول انو حبهم كان ظاهر لمعظم الناس لكن الناس القريبين لبهزاد ما كانوا عاوزينها ليه مي كانت نوع البنات الجريئات لابعد الحدود ولابسها شاذ شديد بهزاد حاول يغيرها لكن ما قدر امها الهي عزيزة كانت مرة حكيمة خافت انو علاقة مي وبهزاد تتطور ويقعوا في الغلط فسافروا واستقروا خالص في امريكا مي في الفترة ديك قطعت كل سبل التواصل مع بهزاد لخلاف بينهم وعدت كم سنة كدا في خلال السنوات دي نوسة كانت مكرشة في بهزاد وحبتوا عديل وهو كان معاها عادي وامو اصرت عليه انا يخطبها خطبها لمدة سنتين وكان بارد معاها شديد في الفترة ناس عزيزة قرروا جو اجازة مي غارت جدا وقررت تنتقم من ايناس وبشعت بسمعتها الخرطوم كلها بصور مفبركة وهي في اوضاع سيئة مزن كانت شايفة حقد مي لنوسة وسمعت مكالمتها مع الهكر الشوه حسابات نوسة وسجلت كلامها وتبعتها لمن دفعت للهكر وعرضت الكلام دا لكل الناس مي كرهتها وجاد بحكم انو بحب اختو شديد كره مزن وحتى انو مد يدو عليها (عمل اكتر من كدا حنعرف مع الايام) بهزاد فسخ الخطوبة من نوسة وصارحها بعدم حبو ليها
The end
*****
مازن اجتماعو طول شوية وفي نهاية الموضوع جاد قال حيوصلهم في اللحظات دي لينا اتخذت وضعية الزول الحابس الضحكة المهم ركبوا العربية مزن ركبت قدام وشغالة بالفون بتاعها ولينا ورا وركبت سماعتها حنك اتكلموا براحتكم
جاد:السنة دي ممتحنة اها استعدادتك كيف
مزن:......
جاد:على فكرة انا بتكلم معاك انتي
مزن:اوه اسفة افتكرتك بتتكلم مع لينا ... وفي جهة انت بتتكلم معاي اعتقد انك ما عندك الخاصية دي
جاد:بس انا ..
مزن:بس انت شنو عبارة عن شاب مغرور بتحب اختك لدرجة بتلعب بالبنات البظهرو خباثتها
جاد:صح انا لعبت بيك بس في النهاية حبيتك
مزن:شكرا بس انا ما محتاجة حبك بعد ما انت كسرتني .... بعدين افتكرت حتحب عارضة ازياء ذات قوام مشموق
جاد:مزن انا قلت الكلام دا في لحظة غضب حب مي كان عامي على عيوني
مزن:في النهاية دا الكلام الانت قلتو لي وانا سمعتو منك من الزول الوحيد الحبيتو بالجد(في اللحظات دي انهارت كليا😭😭)
جاد:اسف
مزن:نزلي هنا
جاد:مزن انت بتقولي في شنو
مزن:قلت ليك نزلني هنا(بصريخ)
جاد:ماف نزول يعني ماف نزول (وقف العربية)
مزن:(وهي بتسحب مفتاح العربية ودخلتو في جيب بنطلونها)معناتها ما حنتحرك من هنا
جاد:(بتصفح في تلفونو )الخيار بيرجع ليك
لينا:(اخيرا ياخ وربي مشتاقين)يا جماعة استهدوا بالنبي
مزن:انا كلمتك مع جاد ما ماشة
جاد:وانا كلمتك من دوني ماف مشي
بعد ساعتين...
جاد:بس بس (بتنادي في كديسة انت)
لينا:مالك
جاد:نامت
لينا:اي
جاد:طيب شيلي منها المفتاح براحة
لينا شالت منها المفتاح وناولتو ليه شغل العربية واتحرك بيهم كانت نايمة بهدوء وهو ساق براحة عشان ما تصحا وتعمل ليهم جوطة ولحدي ما وصلوا
جاد:صحيها وانا بنزل الحاجات
لينا صحتها وهي ما سالت صاحية مدروخة دخلت لقت لينا وايثار نايمات مشت اجدعت ليها في كنبة ولينا فرشت مرتبة ونامت😴😴😴😴😴😴😴😴
*****
دخلت اشعة الشمس الي غرفتها عبر نافذتها فازعجت عينيها فركتهما بانزعاج حاولت النوم عدة مرات ولكنها لم تستطع قامت من على فراشها واتجهت الي دورة المياة وفعلت روتيتها اليوم خرجت من دورة المياه وهي ترتدي الدشبندر(روب الحمام)واتجهت الي خزانتها لتنتقي ما سترتديه اليوم اختارت فستان بسيط باللون البرتقالي مع سترة من الجينز الكحلي مع بعض التبرج الخفيف وتمويجها لخصلات شعرها
ايناس:صباح الخير يا ماما
هويدا:مالك صاحية بدري في العادة بتنومي لخمسة مساء
ايناس:ماقدرت ارجع انوم
فتون:طيب تمام منو تساعدينا
ايناس:(وهي بتمسح مربى في التوست)في شنو
هويدا:حاجات الفال النسوان هسي حيجوا نعملهم ان شاء قبل الفطور بنتهى
فتون:بعدين البنات نزلوا اسبوع واحد انتهوا عديل كدا
ايناس:تمام
*****
في مطار الخرطوم الدولي وتحديدا صالة المغادرة
ضغط على اسمها soul mate💞 وجاهو صوتها الباكي
هبة:محتبى ما تسافر
مجتبى:هبوش يا هبوش ما تبكي كلها شهرين وجاي
هبة:انت غبي ولا غبي انت ماشي تصنيع حربي و تركيا يعني في خطر على حياتك يا متعلم يا بتاع المدارس
مجتبى:هش وربي ما حيحصل لي شي
هبة:حتتصل علي كل يوم فاهم ولا ما فاهم
مجتبى:فاهم
مذيع المطار:تعلن الخطوط الجوية الاماراتية عن قيام رحلتها رقم 888 المتوجهة الي مدينة اسطنبول على جميع المسافرين التوجه البوابة رقم 3
مجتبى:عاوز اقول شي
هبة:ها سريع
مجتبى:انا بحبك
هبة:😶
مجتبى:يا بت مالك اتبكمتي على فكرة انا بحبك من اول يوم شفتك فيه ويلا باي
هبة قفلت التلفون وبقت بتنطط في التلفون
هبة:واخيرا واخيرا وبقت بتغني بصوتها الحميري اغنية closer
ايثار ضربتها شلوت وقعت من السرير
ايثار:يا متخلفة عاوزين ننوم
*****
قاعدة في غرفتها ومتربعة في نص السرير الارض كلها لابسات ما عارفة تلبس شنو وزهجانة ودموعها خلاص حينزلوا
سلمى:هي مالك لمن عاوزة تبكي
ايمان:يا ماما ما عارفة البس شنو
سلمى:(وهي بترفع فستان )البسي دا
ايمان:اوكي
دخلت ادوشت ولبست الفستان كان لونو بيجي وفيه كرازت حمراء من فوق ضيق ومن تحت واسع سرحت شعرها قسمتو نصين فوق وتحت الفوق عملتو كعكة والتحت رولت اطرافوا وعملت ايلاينر ولب غلوس وشالت ليها شنطة جلدية صغيرة وفاتت على بيت ناس جدها مع امها وابوها
*****
صحت من نومها وهي بتفكر في كلامو القالو ليها مشت ادوشت وجات عاينت لملابسها وقررت تلبس احسنهم اختارت ليها بنطلون جينز كحلي غامق ومعاهو قميص طويل كدا لاحدي الركبة وعملت شعرها صفيرة مرخية وروج احمر من مات ونزلت تحت لقت اخوها في السلم
جاد:(بتصفيرة اعجاب ) دي شنو الحلاوة دي
مي:(بضحكة)صباح الخير
جاد:صباح الخير
مي:جاد ممكن بعد الفطور توصلني مشوار
جاد:وين
مي:ماشة بيت ناس ايناس
جاد:ايناس الواحدة دي
مي:ايوة
*****
مزن:صباح الخير
لينا+ايثار:صباح النور
مزن:(لهبة)يا بت مالك بتتكشمي زي نار القصب
هبة:(بصريخ) مجتبى قال بحبني تخيلي
لينا+مزن+مزن:مجتبى منو
هبة:(باستهبال😀)هو انا ما حكيت ليكم
ايثار:لا هو انتي ما حكيتي لينا
هبة:خلونا ننتعش شوية و بحكي ليكم
اربع دقائق مرت بصمت وفجاة الاربعة اتجهوا كلهم على الحمام
انا اول... لا انا وصلت اول .. الحمام حمامي معناتها انا اول...انا اول يعني انا اول
*****
اثناء ما البنات بشتغلوا مع هويدا مزن جاتها رسالة من ميس:
اعشقيه عشريني😴🌸✨اسمر ملحتي😻🙈ذو عيون قهوجيه تميل الي السواد كأنها خيوط الليل😴♥مدمنا للقهوه و الحياه✨🌸فارع القوام انيق المحيا و به من سحر الابتسامه ما قد يذهب العقل🤤♥ ✨
اسمري الملتحي♥✨
مزن:what
ميس:خاطرة لقيتها بطابق اوصاف جاد
مزن:وانا دخلي شنو ترسليها لي
ميس:مزن ادي جاد فرصة وربي هو طيب
مزن:ه والله الا طيبة استاذتي بتاعت النحو
ميس:مزن ياخ
مزن:اوكي طيب see u around
ميس:مع السلامة
يتبع
