الفصل ال 20
ـــــــــــــــــــــــــــــــــــــــ
مر الليل على الجميع بالحزن والدموع
اما وائل.... كان زى المجنون مش متحمل حد يكلمه وعادل روح معاه
زينات........ مالك يا ابنى انت عامل كدا ليه فى نفسك لانه كان قالع جاكت البدلة وشكله متبهدل خالص
وائل...... بغضب 😠وصوت عالى مافيش حاجه يا ماما
زينات....... ايه دا يا وائل انت بتزعق في وشي
وائل....... مسك فازة كانت قدامه وكسرها في الأرض
زينات..... صرخت فى وائل ايه دا انت اتجننت يا وائل
بتعمل كدا ليه فهمنى
عادل....... بسرعه معلش يا طنط اصل.. وحكى ليها كل حاجه حصلت معاهم
زينات....... بحزن 😔يا ساتر يارب كل دا يحصل وانا مااعرفش حاجه يا عيني عليك يا ابنى الله يكون في عونك
عادل......... معلش يا طنط ممكن حد يعملنا قهوة
زينات........ بصت لوائل اللي كان بيخبط بأيده علي الحيطة ورايح جاي في الاوضه مش عارف يعمل ايه
سابتهم وخرجت
عادل....... ما ينفعش كدا يا وائل اهدا شويه هيحصلك حاجه
وائل....... بحزن 😔مش عارف اعمل ايه انت لو تعرف سمير الزفت دا ممكن يعمل فيها ايه المرة اللي فاتت انقذتها بأعجوبة لكن الوقت انا مش عارف ممكن يحصلها ايه وانا قاعد هنا وضم وشه بكفوف ايده 🙈
عادل.......... قرب منه وطبطب على كتفه ما تخافيش ان شاءالله ربنا يسترها معاها واكيد مش هيحصلها حاجه وحشه
وائل..... والدموع نزلت من عيونه 😢يارب يارب يا عادل
عادل........ بات مع وائل الليلة دى لانها كانت ليلة صعبة اوى على وائل
تانى يوم. اتصل الظابط حمدى. بوائل.
الظابط حمدى....... ايوة يا باش مهندس وائل
وائل...... ايوة يا حضرة الظابط فى اخبار عن هيام
الظابط حمدى....... ايوة احنا عرفنا مكانها
وائل..... بفرحه 🙂بجد عرفت مكانها
الظابط حمدى........ ايوة وهنتطلع كمان شويه عشان نجيبها
وائل......... ارجوك خدنى معاك
الظابط حمدى...... اخدك معايا إزاى يا باش مهندس
وائل...... ارجوك لو سمحت حضرتك مش عارف هيام ممكن يحصلها ايه لو ملقتنيش جمبها
الظابط حمدى...... بس دا ممنوع يا باش مهندس ما ينفعش حاجه زى كدا تحصل
وائل......... بصوت العياط 😢ارجوك وحياة اغلا حاجه عندك
ابتسم 😊الظابط حمدى...... على طريقة كلامه
الظابط حمدى....... للدرجه دي بتحبها
وائل....... بعياط انا ممكن اعمل اي حاجه عشان ترجع بالسلامة
الظابط حمدى....... طيب خلاص انا هتحرك على الساعه 2من قدام القسم
وانت خليك ورانا بعربيتك من غير ما حد يحس بيك عشان لو حد مسكك من القوة مش هقدر اعملك حاجه انت عارف انى كدا مخالف للقانون
وائل...... حاضر حاضر انا متشكر متشكر لحضرتك اوى مش هنسى معروفك دا ابدا ابدا وقفل السكة
وائل....... بيصرخ بصوت عالي يا ماما يا ماما يا عادل
زينات وعادل........ جريوا على وائل بسرعه
زينات........ في ايه يا ابنى
عادل...... حصل ايه يا وائل
وائل........ بفرحة البوليس عرف مكان هيام وهنروح نجيبها الساعه 2
زينات....... يا ما انت كريم يارب
عادل....... الحمدلله انا جاي معاك يا صاحبي
وائل...... يووووه لسه بدرى اوى
عادل......... استهدا بالله بقي احنا كنا فين وبقينا فين
وائل..... مش هرتاح غير لما اشوفها وتكون قدامى
عادل........ ان شاءالله
زينات......... انا لو بعرف ازغرط كنت زغرط وسمعت الدنيا كلها
عادل....... فجأة افتكر ماجدة بسبب كلام زينات
عادل...... بقولك ايه يا زوزو يلا بقي اكلينا احنا من امبارح ما اكلناش
زينات...... من عنيا يا حبيبي هو ويكون الاكل عندكم
وخرجت تعمل الاكل
عادل....... لقاها فرصه عشان يكلم ماجدة ويقولها وفعلا اتصل بيها
عادل........ الوووو
ماجدة...... الووو مين معايا
عادل..... معقوله مش عارفة مين معاكى
ماجدة...... بحدة وعصبية 😠انجز يا خفيف فى يومك دا او تقفل وتروح فى داهية
عادل........ ايه اسلوبك دا بزمتك دا اسلوب واحده بتتكلم بيه مع خطيبها
اتوترت ماجدة.... خ. ط. يب هو انت وسكتت
ضحك 😂عادل....... مالك اتخضيتى كدا ليه
ايوه انا عادل خطيبك
ماجدة....... لا لسه مبقتيش خطيبى
عادل........ مش انتى خلاص وافقتى يبقي انا خطيبك وانتى خطيبتى
انا مش عارف اوصفلك فرحتى بموافقتك دى وعمرك ما هتندمى انك وافقتى عليا
ماجدة........ مكسوفه وساكتة
عادل......... الوووو الوووو يا ماجى روحتى فين
ماجدة....... احممم ماجى
عادل....... ايوة انا بدلعك بقي عندك مانع
ماجدة....... فرحانه ومكسوفة وبتتحاول تتماسك فى الكلام يعني انت بتتصل بيا عشان تقولى كدا
عادل....... يووووه انتى نستينى كنت بتصل بيكي ليه اصل اول ما سمعت صوتك مش عارف حصلى ايه
ماجدة....... طيب كنت بتصل ليه
عادل..... عشان اقولك ان البوليس عرف مكان هيام وهنروح نجيبها كمان شويه
ماجدة...... صوتت فى التليفون بجد لقوها وصوتت تانى وقفلت فى وشه التليفون
عادل...... ايه دا شكلها بت مجنونة وضحك ه😂😂
نزل وائل فى ميعاد الظابط حمدى ووقف لحد ما اتحركوا واتحرك هو وعادل وراهم من بعيد
