مساء النور والهنا على الموجودين هنا
😍😍😍😍😍😍😍😍😍😍😍
الفصل 11
😍😍😍😍😍😍
هيام.....وبعدين معاكوا بقى
ماجدة.....ايه يا عروسة هو في فرح من غير زغاريط
وزغرطت تانى لولولولولولى
انتهبت كل من مدام سماح...وعفاف..ونادية...وزينات على صوت الزغاريط
نادية.....والدة عادل ماشاءالله عليكى يلى زغرطى هو كدا الفرح بس مين دى اللى زغرطت
مدام سماح.......دى ماجدة بنت من بناتى
نادية.....الله اكبر عليها
نزلت ماجدة تطلب حاجة من زينات
ماجدة..... طنط زينات مافيش اى حاجة نشغل عليها موسيقى عشان بس نعمل هيصة لهيام عقبال الدى جى يشتغل
مدام سماح......بصت لماجدة بلغة تحذير تعرفها ان كدا عيب
ماجدة.....بكسوف يا ابلة سماح قصدى نعمل شوية هيصة لهيام عشان نفرحها
زينات......بصت للاتنين ورجعت قالت كلامك صح يا قمر ايه يا مدام سماح.ما بجد الجو هادى خالص خلى البنات تهيص وتفرح
زينات.......تعالى يا حبيبتى نشيل الكمبيوتر بتاع وائل وشغليه وهيصوا وافرحوا براحتكم
ماجدة.....بفرح شكرا يا طنط ومشيوا وقبل ما يطلعوا تانى فوق ندهت نادية على ماجدة
رجعت ماجدة ترد عليها
ماجدة......نعم يا طنط
ابتسمت نادية.انتى اللى كنتى بتزغرطى
ماجدة.....بكسوف😊هزت راسها ايوة انا
نادية.......طيب زغرطى تانى كدا
ماجدة.....بتوتر ا.ا.ا ايه
نادية.....زغرطى مش احنا فى فرح
ماجدة.....بصت لمدام سماح
مدام سماح.......بضحك🙂زغرطى ما انتى عايزة كل يوم فرح
وفعلا زغرطت ماجدة بصوت عالى لولولولى
وبسرعة زغرطت وراها نادية لولولولولولى
ابتسمت ماجدة وطلعت بسرعة هى وزينات
شغلوا البنات كمبيوتر وائل وبدأو يهيصوا ويرقصوا
فى مكان تانى
فى فيلا عادل
------------------------------
كان وائل قرر انه يلبس عند عادل عشان مش يحرج هيام واصحابها
ويقعدوا براحتهم
عادل......ايوة يا عم انت النهاردة العريس ومحدش قدك
اتنهد وائل تنهيدة طويلة وقعد على طرف السرير
عادل......مالك يا وائل فى ايه
وائل .......مافيش حاجة
عادل......هتخبى عنى
وائل.......مافيش حاجه يلا عشان نمشى بقى
عادل......ماشى براحتك
لبس وائل......بدلة سودا وكرفته سودا فى حمرا
عادل......يا سلام على الشياكة يلا يا عريس
-------------------------
فى فيلا وائل وائل
-----------------
هيام........لبست فستان بمبى ولفت حجاب لون الفستان وحطت مكياج رقيق خالص على لون الفستان
ومنى.......لبستها تاج صغير على الحجاب
منى......شايفين الجمال يا بنات تقولوش اميرة
ماجدة.....ماشاء الله قمر يا هيام
سارة......قمر بجد يا يووومة دلع هيام
عزة......اميرة بجد واحلا من الاميرات كمان
البنات بيغنوا ويرقصوا ماجدة شغالة زغااااريط
لولولولولولى لولولولولولى
لولولولولولى
زينات.......عن اذنكم اجهز الحاج
عفاف......بتوتر اتفضلى
نادية.....انا هروح اشوف الطباخ خلص ولا لسة
عفاف......ومدام سماح....اتفضلى
مدام سماح.....عن اذنك هدخل الحمام
عفاف.....اتفضلى وقعدت لوحدها
بعد لحظات نزلت زينات والحاج حسين
الحاج حسين......شاف عفاف قاعدة لوحدها قعد جمبها
الحاج حسين.......منورة يا بنتى
عفاف.....بتوتر ربنا يخليك يا حاج
المعازيم بدأوا يجيوا ويسلموا على بعض
وجه الدكتور اشرف كمان بعد ما طلبت هيام من مدام سماح أنها تعزمه
واخيرا وصل العريس
زينات.....بفرحة العريس جه اهو
نادية........زغرطت اول ما شافت وائل لولولولولولى
لولولولولولى
