للناس اللي بقات بين البينين و حايرة تكمل و الا تبعد .. 💛
إبعد .. و سيب عليك من علاقة باردة عارف نهايتها فارغة و مش بش توصلك لشي ..
إبعد عالناس اللي تعتبرك رهان و الا هدف بعد ما توصلو تبعثك طول وعرض ..
عالناس الضعيفة اللي ما تنجم تعمل على خاطرك شي .. ما تحاولش توصلك بأي طريقة .. مهوش حلم من أحلامها انها تكون معاك و بالنسبة ليهم انت خيار و احتياط كان مشيت كان جيت 🙋
هاذم تعرفهم من شطر غزرة من ضحكة صفرة .. من شدة ايد باردة من تعنيقة مزروبة .. 💔
كمل مع ناس ما تراش روحها بلاش بيك 😍 مستحيل تبعد مستحيل تسلم فيك حتى كي انت تبعد يبنيو فالبحر ثنية بش يوصلولك مرة و اثنين و ألف .. مع ناس تغير عليك .. ما تخافش بش تحبك قدام الناس بالعكس مذابيها العالم الكل يعرف اللي بيناتكم .. ع الناس اللي ما تحملش ترى دموعك و لا تحمل توجعك بكلمة حتى في قالب تفدليكة .. الناس اللي ما يتعداش نهارها بلاش بيك ..كون مع اللي يحبك بالحق ما يوجعكش .. و ما يسلمش فيك ويعمل أي حاجة بش يقربلك أكثر 😍
الحجات هاذم تفهمهم من غزرة مزيانة .. من كلام مزيان من تعنيقة طويلة و انت تبكي والا متغشش. من اهتمام مستمر .. من انهم يبيعو دنيا و يشريو معاك اللحظة .. اللي ما يتحملوش يراوك مع الغير .. اللي ردة فعلهم تكون قوية .. اللي ما يخافوش يعنقوك وسط الدنيا الكل ..يخافو من خوفك و يتوجعو لوجيعتك ..اللي ما بيناتكمش أسرار و مع بعضكم فالباهي و الخايب .
و كان ما لقيتش شخص هكا إبعد .. كون وحدك و لا تكون مع حد يكذب عليك و يستهزأ بيك و يضيع فالوقت و ناويلك عالبعد ..الناس الباردة معاك اللي توجع وما تهتمش .. اللي فما احتمال ولو صغير بش يخليوك ف شطر ثنية بشطر كلمة و ما يبكيوش عليك .. تهون عليهم و يتجاوزوك مرار الكرام لا احساس ولا شعور و لا يتأثرو على بعدك.. فك عليك منهم💛
ويزيك من كلمة بش نمشي و ما تمشيش .. نهارت اللي تتوجع امشي مغير ما تقول .. و ما ترجعش 💛
فهمت ؟؟ .. ما ترجعش 😍😘❤💙💚💛💜
