يا امي عليك الله قولي ليهم اسكتو ما تبكو كده بزعجو ابوي وابوي بصحي 😢 خالتو سميه قالت لي يا بتي استغفري وانعلي الشيطان وحاولي اتقبلي الحقيقه انو ابوك مات 😭 يا خالتي ما تقولي كده ابوي ما مات ابوي والله نايم انا متأكده نايم لو سمعك بتقولي كده بزعل منك 😒 يا امي سكتيهم ما يكوركو كأنو ده بيت بكا وببكو علي ابوي كأنو مات ابوي ما مات ابوي وعدني انو ما يتخلى عني و وعدني انو يكون معاي خطوه بخطوه ويحضر نتيجتي ويفرح بنجاحي امي قالت لي وهي بتبكي شجن للاسف دي الحقيقه ابوك ربنا يرحمو عمي جا داخل جريت عليهو يا عمي شوف النسوان ديل قالو ابوي مات قول ليهم اخوك استحاله يتخلى عننا 😭 يا عمي كلمهم اخوك واحد وما عندك غيرو ما بخليك براك حضني عليهو وقال لي يا بتي ده قضاء الله وقدرو ويومو خلاااص تم ما تبكي تعزبي في قبرو بس ادعي ليهو بالرحمه والمغفره 😔 زحيت منو وقلت ليهو حتي انت يا عمي مصدقهم بعد شويه جو داخلين الاولاد يشيلو الجثمان صرخته صرخه واحده بعدها ما وعيت الأ وانا في السرير وعلي اصوات البكا اتزكرت الحصل ودموعي نازله عوشرميه عوشرميه 😭 مشيت قعدت جنب امي قلت ليها ابوي خلاص يعني تاني ما ح نشوفو مرت جيرانا قالت لي يا بتي اتصبري عشان خاطر امك واخوانك الصغار ديل 😢 دقيقه اعرفكم علي اسرتنا ✋ انا اسمي شجن أكبر وحده في اخواني السنه الجايه ممتحنه شهاده سودانيه واختي شيراز في رابعه ابتدائي واخوي عبدالله في الروضه ابوي ربنا يرحمو سماهو علي جدي بس بنقول ليهو عبودي وعندي عم واحد اسمو محمد شريك ابوي في الشركه عندو بنت اسمها هبه و ولد اسمو عمار "
بعد وفاة ابوي وضعنا المادي اتدهور شدييييد لدرجه انو امي بعد شهور العده الـ 4 شهور و10 يوم قررت انو نسافر نستقر في عطبره 😔 قلت ليها استحاااله كيف يعني نستقر في عطبره ونحن طول حياتنا اتولدنا وعشنا في الخرطوم كيف تاني ح نقدر نتأقلم مع الوضع هناك 😭 قالت لي يا بتي ما تصعبيها علي اكتر يعني انا عاجبني اسوق اخوانك واسافر بيهم ومستقبلهم هنا في الخرطوم بس يا بتي المعيشه في الخرطوم بقت صعبه علينا وانتي عارفه حالتنا الماديه بقت كيف بعد وفاة ابوك 😔 وما عندنا مصدر دخل غير شويه القريشات البيدينا ليهم عمك كل شهر وما بتكفي في اللحظه دي سرحت مع الزكريات لم كنت بقول لأبوي نحن نصيبنا في الشركه زي عمي محمد صاااح يعني عندنا النص 😓 قال لي اي صح بس بتسألي لشنو 😳 قلت ليهو طيب لييه ما بنعيش زي ماهم عايشين ليييه ما نتمتع بالقروش زيهم 😐 قال لي يا بتي انا هسه ناقص منكم حاجه قلت ليهو لااا يا ابوي ما كده بس هم عندهم حبشيه ونحن لااا وعمي مشتري لاولادو عربيه وجايب ليهم سواق وبعد يكبرو قالو كل واحد فيهم ح يكون عندو عربيه براهو 😓 قال لي والله يا بتي كان للحبشيه امك قالت ما عايزاها بتحب تشتغل براها وكان للعربات دي كماليات ما اساسيات وانا هسي بوصلك بعربيتي للمدرسه يعني ما عندك فرق منهم 😊 واطمني والله انا االرصيد الـ عندي في البنك اكتر من قروش عمك بس بعاين للمستقبل وبقولو القرش الابيض لليوم الاسود يلا انا خاتيهو ليكم لليوم ده ما معروف اليحصل شنو و طال ما انا عايش في الدنيا دي وبتنفس ما بحوجكم لحاجه وبعد الله ياخد امانتو ما عايزكم تحتاجو لـ زول بعديني وزي ما شايفه اخوانك لسه صغار مافي زول بشيل المسؤوليه عشان كده أمنت ليكم مستقبلكم قلت ليهو يا ابوي ما تقول كده ياااااخ نحن والله ما عايزين حاجه غير وجودك معانا وحضنتو 😢 قال لي تسلمي لي انتي وبعد تكبري وعد مني اشتري ليك العربيه واحقق ليك كل البتتمني اها قصرت معاك قلت ليهو انت عمرك ما بتقصر وسلمت عليهو في راسو 😘 قال لي يا بتي نصيحتي ليك لحياتك المستقبليه ما تقارني روحك بزول عشان ما تتعبي حاولي اتأقلمي مع اي وضع ودايما ارضي بالواقع كده بترتاحي نفسيا ودي اهم راحه قلت ليهو حااااضر يا ابوي 😘 وانا بتزكر كلامو ده دموعي نزلت امي قالت لي يا بت مالك مسحتها قلت ليها مافي حاجه بس يا امي اتزكرت ابوي قال عندو قروش في البنك 😐 قاطعتي قالت لي يا بتي عمك قال ابوك كان عندو ديون وسددها منها والقروش انتهت 😔 قلت ليها طيب نصيبنا في الشركه وين 😒 قالت لي عمك قال ابوك في حياتو باع ليهو نصيبو قلت ليها استحااااله ابوي ما بعمل كده 😱 قالت لي يا بتي نحن ما عايزين مشاكل خلينا كده كافين خيرنا وشرنا انا بسوق اخوانك وبنسافر وانتي اقعدي مع عمك كملي دراستك ونأجر البيت ده بجيب قروش كويسه يبقي لينا دخل شهري ومنو نأمن مصاريف دراستك ومصاريف اخوانك وان شاء الله تكبري وتتوفقي وتشتغلي في اعلي الرتب وتنفعينا ونجي راجعين طبعا في اللحظه دي غلبني امسك دموعي 😭 جريت دخلت غرفتي وفضلت ابكي واتزكر في كلام ابوي انو قال خلى لينا القرش الابيض لليوم الاسود بس لم جا اليوم الاسود ما لقينا حاجه غير السواد الحقيقي والعتمه 😔 """
#يتبــــع ⏪⏪⏪⏪
