وصلنا الفندق اول ما دخلنا الغرفه لؤي قال لي كده الواحد ممكن يقول ليك شجوني 😍 عملت روحي ما سامعه 🙈 بعد اتحممنا قال لي نطلب العشاء هنا ولأ ننزل تحت قلت ليهو والله ما عندي نفس بس تعبانه عايزه انوم وبعدين عشاء الساعه 2ص بعد ده اسمو سحور 😂 وفعلا نمنا علي كده الصباح دخلت اتحممت جابو لينا الشاي واثناء ما قاعدين قلت ليهو لؤي قال لي حياتي انا 😍 قلت ليهو طبعا زي ما اتفقنا قبل العرس انو ح انزل الشغل عادي قال لي لااا غيرت رأيي 🙂 قلت ليهو كيف يعني غيرت رايك استحاااااله 😳 انا من الاول شرطي معاك اواصل في شغلي لانو مرتبي الشهري برسلو لاهلي طيب لم انت ما موافق علي الشغل كضبت علي ليييه كان تصارحني من الاول لو عارفه كده ماكان عرست 😓 لؤي بتكلم معاك رد علي ما تتبسم انا جاااده ما بهظر 😒 قال لي تصدقي وانتي متنرفزه احلى بكتييييير 😍 قلت ليهو خليك جادي قال لي خلاص زعلتي شديييد 😂 طيب يا ستي بهظر معاك وما عندي مشكله انك تشتغلي بس عندي شرط شغل بالليل ماف دوامك كلو يكون الصباح ومرتبك تستلمي وترسلي طوالي يعني ما تدخلي في مصاريف البيت واحتياجاتك كلها مسؤولتي انا اتفقنا ✋🏻 هزين ليهو راسي قال لي وبعدين اهلك اصبحو جزء من اسرتي يعني استحاله في يوم اقصر في حقهم كلامو خلاني كالعاده اتبسمت ☺ قال لي يا سلام يا سلام علي الابتسامه وقرب مني 🙈
بعد قضينا يومين في الفندق انتقلنا لـ بيتنا لؤي أجر بيت في امدرمان اول يوم دخلت المرحاض ( الحمام البلدي) ولؤي كان بتحمم صرخت بأعلي صوت واااااااي واااااي واااااااااي لؤي جا جاري من الحمام مخلوع والمويه تنقط منو قال لي مالك في شنو 😳 قلت ليهو شوف ديل واشرت ليهو علي ركن الحمام طبعا لؤي واقف ربع ساعه مصدوم غالبو يتكلم وما فضل الأ يديني كيف😒 👋🏻 قال لي شجن انتي جاده بتصرخي عشان الحشرات دي 😒 قلت ليهو اي ياااخ وحده طلعت في رجلي كان ح تعضيني وديل 2 😭 قال لي يا ريت لو اكلتك وارتحت منك انا هسي قلت حصلت ليك حاجه 😒 قلت ليهو حاجه اكتر من كده 😏 قال لي ما حصل شفتيهم قبل كده طيب حمامكم الفي عطبره عامل كيف قلت ليهو ما زي ده 😢 قال لي اهااا صح اتزكرت اليوم التاني لؤي طلع وجا راجع قال لي شجن اجرت بيت غير ده وح نرحل بكره قلت ليهو لييه 😳 قال لي هنا ما ح تقدري تتأقلمي مع الوضع قلت ليهو بصوت مكسور انت زعلت عشان انا صرخت خلاص والله اخر مره تاني ما بكورك 😢 ضماني عليهو قال لي حبيبي انا والله ما زعلان واصلا دي غلطتي ما كان أأجر بيت كده بس ما قايل روحي معرس حنكوشه ومسكني من خدي 😅 قلت ليهو والله ما حنكوشه بس خلعوني ياااااخ بس بتعود 😢 قال لي لااا خلاص دفعت ايجار البيت الجديد وبعدين ما تفرحي داك برضو بيت عادي زي ده بس الحمام سايفون 😅 وفعلا رحلنا البيت الجديد والبيت معروش بالزنك اول ما دخلنا لؤي قال لي ما قدرت اوفر ليك بيت الاحلام زي ما عارفه انا يا دوووب مبتدئ بس شويه شويه الوضع بيتصلح 😓✋🏻قلت ليهو والله بالعكس حلو يكفي انو مجتمعين فيهو تحت سقف واحد وبعدين انت الاتسرعت في العرس وهسي عايز تندم 😒 قال لي والله ما ندمان وعمري ما ح اندم انا عشانك انتي قلت ليهو انا بالنسبه لي حلو وعاجبني 😍 طبعا حتي العفش علي قدر حالنا الايام الاولي برضو كانت صعبه بالنسبه لي بس قدرت اتأقلم مع الوضع بوجود لؤي جنبي 😍 قلت لـ لؤي بيتنا ما بيسمح نعزم اهلك هنا عشان كده نسجل ليهم زياره قبل ما انزل الشغل بس كل مره كان بتهرب مره يقول لي تعبان ومره يقول لي بكره 😓 لحدي ما يوم قال لي شجن امي بكره عازمانا غداء قلت ليهو اها ح نمشي ولأ برضو تعبان 😏 قعد يضحك قال لي لا ح نمشي 😅 اليوم التاني من الصباح ما صدقت اني ماشه ليهم زياره صحيت بدري حضرت هدومي وعملت الفطور لؤي قال لي ما شاء الله علي النشاط ده كلو عشان طالعين خلاص تاني يومي نطلع 😒 قلت ليهو لو بتوديني لخالتو ليلى ما عندي مانع ☺
اتحركنا بعد صلاة الجمعه وصلنا البيت وكان عباره عن بيت عادي دخلنا واستقبلونا بحراره قاعد معاهم عمهم ومرتو وبنات عمو منار ومها 😍 سلمنا عليهم وضيفونا بس لاحظت لخالتو ليلي ما بتتونس معاي عكس الباقين 😢 اما سماح مرت اخوهو كالعاده تقلب في عيونها وماسكه خشمها 😒 بقلبي قلت احتمال خالتو ليلي زعلانه مني عشان ما جيتها من زمان مع انو يا دوووب لينا اسبوعين 😏 قلت ما مشكله أراضيها قلت ليها والله يا خالتو ليلي من رجعنا من الفندق كل مره بقول لـ لؤي نجيكم بس كل مره كان بقول لي بكره حتي اسأليهو 😓 ردت لي بأخر نفس قالت لي ما مشكله في الاخر وصلتو 😒 ولؤي ساااكت ما قال حاجه بس صدمني تعاملها معاي لؤي قال لي شجن انتي ما ضيفه ساعدي مها ومنار في المطبخ مرت عمو قالت ليهو خليها هم زاتهم انتهو والله 😊 قلت ليها لا بمشي ليهم الحاله واحده بس وصفي لي المطبخ 😌 وصفتو لي مشيت ليهم بس منار ومها رفضو اني اشتغل وقعدت اتونست معاهم وبعد انتهو جبروني اطلع من المطبخ وانا داخله علي الهول سمعت صوت لؤي عالي قال لو ما عاجبك الوضع ممكن اسوق مرتي ونطلع 😒 وليد قال ليهو لؤي أهدأ و وطي صوتك وانتي يا امي مافي داعي للكلام ده 😓 انا وقفت بره شويه ودخلت كأني ما سمعت حاجه وليد قال لي اتفضلي يا شجن 😊 قعدت بس لاحظت انو في مشكله حاصله ولؤي كان متنرفذ 😢 " وليد فضل يتونس معاي عشان ما يحسسني بحاجه بعد شويه جو داخلين منار ومها والونسه كانت ظريفه 😍 بس خالتو ليلى ساكته بتتكلم مره مره وبتتونس اكتر مع سماح مرت وليد " مرت عمهم قالت لـ بناتها اعملو الغدا وفعلا جابو الغدا بس لؤي رفض يتغدا بحجة انو فاطر متأخر وطلع وطبعا كضاب اليوم ده بالزات فطرنا بدري عرفتو زعلان بس نفسي كان اعرف السبب شنو 😓 وبعد الغدا مباشرة لؤي قال لي شجن بعد ده نمشي ✋🏻مرت عمهم قالت لينا اقعدو الوقت بدري لؤي قال ليها ماشين والله بنجيكم مره تانيه 😊 والغريبه خالتو ليلى ساكته قاعده زي الضيفه وليد قال لينا انتظرو اوصلكم 😊 لؤي قال ليهو مافي داعي ودعناهم وطلعنا لؤي وقف امجاد وطول الطريق كان ساكت بس بيمسح في جبهتو بيدو والحركه دي بيعملها لم يكون زعلان شديييييد دخلنا البيت قلت اسألو من الحصل بس اترددت قلت احتمال مشكله عائليه بينهم مافي داعي 😓 بس غلبني اصبر قلت ليهو لؤي قال لي نعم قلت ليهو خالتو ليلى زعلانه مني في حاجه 😢 قال لي لأ ليييه بتسألي ناقشتك في حاجه 😳 قلت ليهو لااا قال لي عشان ما اتونست معاك اعزريها عندها وجع ضرس 😊 قلت ليهو الف سلامه ليها بس ما صدقتو بقلبي قلت عندها وجع ضرس بس معاي ومع سماح تتونس عاااادي 😏 "
#يتبــــع ⏪⏪⏪⏪
