ما قدرت استحمل الوضع غلبني اكمل الحفله ولؤي قدامي وفي نفس اللحظه متجاهلني اتسحبت براااحه ورجعت البيت 😭 لؤي جا محصلني وانا راقده في الكنبه ومغطيه وشي بيدي وببكي جا قعد علي رجلينو في الارض زح يدي وباسني في خدي شديييد قال لي ليييه يا شجن تعملي كده في زول بقطع الاشاره بالطريقه دي 😢 قعد في الكرسي خت يدينو الاتنين في راسو يتشهد ويستغفر 😔 بعدها قال لي بس دي غلطتي أنا السمحت ليك تتعلمي السواقه وشال مفتاح العربيه من التربيزه قال لم تعرفي تسوقي براحه وتطبقي قوانين السواقه بديك ليهو 😠 قلت ليهو اديني المفتاح ما عندك علاقه بي ان شاء اموت بهمك في شنو 😭 قال لي بتهمني امك الـ قلبها بتقطع وراك 😒 شال المفتاح وطلع " بعد ساعه امي جات قالت لي بري منك في زول بخلي بتو ويجي وبعدين مالك جيتي راجعه بدري 😒 قلت ليها تعبت ما قدرت اقعد 😔 بس انتو جيتو بشنو قالت لي جابنا لؤي قلت ليها بلهفه وينو 😳 قالت لي رجع الصاله " الحيوان ما عايز يتنازل 😒
بعد يومين اتصلت علي ريم قالت لي والله يا شجن في خبر ما عارفه اقولو ليك ولأ لااا بس من حقك تعرفي 😢 قلت ليها ريم احكي طوالي قالت لي كنت في المستشفى وسمعت الدكاتره كلهم بتكلمو قالو دكتور لؤي اغمى عليهو ودخل في غيبوبه 😔 رميت التلفون وجريت وانا ببكي امي قالت لي يا بت في شنو قلت ليها لؤي وطلعت وقفت أقرب أمجاد وصلت المستشفى سألت الممرضه قالت لي في عمليه 😭 وانا جنب باب غرفة العمليات منتظره الدكاتره يطلعو عشان يطمنوني علي حالتو بعد شويه جا طالع لؤي اتخلعت ومن غير ما اشعر جريت حضنتو وببكي 😭 اتخلع قال لي حلا مالا 😳 قلت ليهو انا اسفه صاح انا غلطانه 😭 قال لي في شنو طيب تعالي دخلني المكتب وجاب لي مويه قال لي في شنو قلت ليهو عرفت انو اغمى عليك " عليك الله ارجع معاي البيت والعايزو انت انا ح اعملو 😭 قال لي يعني ح تخلي الشغل وتقعدي مع بتك هزيت راسي اي 😢 " جا داخل ايمن لؤي قال ليهو العريس الجابك شنو 😍 قال ليهو جيت اشوف لؤي بس الحمدلله حالتو مستقره وطبعا الناس كلها متأثره وجننوني بالتلفون فاكرين ده انت قلت ليهو دقيقه يعني العيان ما لؤي ده 😳 ايمن قعد يضحك قال لي حتى انتي اتغشيتي الأغمى عليهو دكتور تاني 😅 لؤي قال ليهو شجن فاكراني ده انا وانا عشت الدور بس انت جيت خربت اي شي 😒👊🏻 ايمن قال ليهو لو كده احسن اطلع منكم 😅 قلت ليهو دقيقه هبه كيف قال لي المفروض تسأليني انا كيف مُش هبه كيف بنت عمك كويسه بس انا ادبسته بالعرس 😅 لؤي قال ليهو اصلا البعرس من العائله دي بيتعب كان سألتني قبل ما تعرسها كان منعتك من خلال تجربتي وقعدو يضحكو 😅 قلت ليهو طيب يا ايمن هسه ح إتصل علـي هبه اكلمها ليك قال لي والله ح انكر اني قابلتك وبعدين حركات سهى دي عايزه تعمليها معانا 😅 من سمعت اسمها صريت وشي 😒 لؤي قال ليهو هسي في داعي تجيب سيرة سهى ما عارف شجن عندها معاها حساسيه عاين ليها قلبت وشها كيف 😅 بعد ايمن طلع قلت ليهو بتكضب علي لييه 😒 قال لي انا مثلت عليك عشان ترجعي لي طيب انتي خوفك علي برضو كان تمثيل وغمز لي 😉 غيرت الموضوع قلت ليهو ماشه الصيدليه قال لي تاني الصيدليه 😒 قلت ليهو زياره ياااخ 😏 قال لي خلاص ما تطلعي منها بجي اسوقك قلت ليهو تمام 😍✋
