حب مقتول

حلقة 2

#حب_مقتول
حلقة 2
قصة من وحي الخيال
للكاتب محمد مالك

لايك قبل ما تقراء ❤

لايك

_____

خديته بنزلهولها لقيت المتصل رقم يزن *!

رديت

سالي: الو

يزن..سمع صوت سالي التزم الصمت

سالي: الوو يزن ؟!

يزن سكر الخط

سالي نزلت مستغربة ومحتارة يزن يتصل باختها ؟؟! كيف جاب الرقم ؟؟!!

شافت الرقم في فون اختها وفونها تاكدا انه رقم يزن

لقتهم يفطرو في الجنان ومعاهم عمتي خديجة

سالي: صباح الخير
عمتي خديجة: صباح النور تعالي افطري
سالي: اييه اصلا قريب نموت مجوع

قعمزت فطرت والموضوع في راااسي

______

احمد رد ع مكالمه فايبر لخوهم ماجد

احمد : خوي الغالي
ماجد : ههههههه كذاب قاعد
احمد : علاش كذاب
ماجد: توا اني خوك الغالي
احمد: انتا ولد امي وبوي معناها اكيددد غالي
ماجد: شن الجو عندكم في ليبيا ؟؟!
احمد: اهو الضئ حارقنا 14 ساعة ف اليوم و دنيا زحمه
ماجد: شئ متبيش تتصلح البلاد بكل
احمد : شن جو لولي
ماجد: توا المغرب تشوفهاا
احمد : ايه تلقاني نستنا فيك في المطار
ماجد: ايه سالي مهم متعرفش بس
احمد: سالتك بالله علاش تحب سالي قريب تموت عليها
ماجد: نقولك متحرجش مني ؟
احمد: تي قول يا راجل
ماجد: اطيب وحدة في حوشنا سالي مفيش اطيب منها وديما تتعامل يطيبة ونيتها صافية
احمد : اهو سلسبيل طيبة حتا هيا
ماجد: لالا سالي طيبة هلبااا سلسبيل عندها خبث شوية اختي ونعرفها

______
عمر مقعمز في قهوة صاحبه

عمر: مشكلة يا صاحبي خوي ماجد مروح اليوم بديرلهم العار متجيش بس نعرف كيف نديرلها حل اني

منصور..ولد خالته: لا ريح روحك خوك ماجد عنده القلب ومرته وبنته معاه رد بالك ادير عركة ولا تفتح موضوع اصبر خوك اسبوعين وراجع لندن

عمر: هاده الي بيصير بس اني مرت بوي لما نخليها تبكي بالعبرة

منصور : ربي يهديك يا برروو وخلاص

________

شريفة: ايه هات نحددلك ع سريع
بوهم عبد الله: عمر روح ولا قاعد مجاش
شريفة: لا مجاش
بوهم: لامتا بيقعد برا توا سيوره يرجع
شريفة: حتا البنات يناشبو فيا
بوهم: عاد شن انتي كل مرة حد تبيني نتعارك معا صغاري كلهم ولا كييف
شريفة: صغارك مش متربيين
بوهم: هياا ضمي فمك لا نطلقك توا

شريفة سكتت

______

مودة: صحيتوو ليلة جميلة كانت
نور: نتلقو ع خير ان شاء الله
سلسبيل : توا نديرو طلعة يا عيوني
نور : ان شاء الله هي معا سلامة